Yɛrɛmaya 31:32 - ALLALA KUMƐ

³² A ko kɛ ti ma iko anubɛ anu benbanu ya min kiri anu nyɔgɔn tɛma anuna bɔɛ Iyipiti. A ko hali anu biranɛ a bolo iko mɔgɛ si ala musi bira nya min, anu ma sɔn ata sarama-kan birala.

Yɛrɛmaya 31:32 ပူးပေါင်းရင်းမြစ်များ

1 Mansɛnu 8:9

Fenfen sa tɔn-kenkirɛ wo burɔ fɔ Musa ya kuru-walan filɛ minnu sa a rɔ Sinayi kɔnkɛ dafɛ. Isirɛla mɔgɛnu bɔra Iyipiti tumɛ min, Mari ya tɔn sɛbɛ kuru-walan wonu denu ma alako anubɛ Isirɛla mɔgɛnu si sarama-kan kiri anu nyɔgɔn tɛma nya min.

Yaburi 73:23

Hali wo, n gbɛrɛnnɛ i ma tolon! N bolo biranɛ i bolo.

Yaburi 78:37

Anu natelenni ma a ye. Sarama-kan min bi anubɛ Alla tɛma, anu ma anutɛ latɔnbagaya.

Bɔ-Koe-Iyipiti 19:5

Woletɔ ni wole ya n kuman-kan bira gben ka nta lanyiri latɔnbagaya, wole si ma n halalɛ la ka tenbi mɔgɛ bɛɛ la duninya rɔ. Ntɛ le duninya bɛɛsi la.

Bɔ-Koe-Iyipiti 32:8

N bara kilɛ min yira anu na, anu bara bɔ wo fɛ tiriya! Anu bara ninki-danla muninyɛ ladan ka a kɔ ka sarakɛnu bɔ a ye. Anu bi a fɔla ko anuta bɛsɛ le wo la min nara anu na ka bɔ Iyipiti nyamanɛ rɔ.”

Keninteya-Siginu 8:5

Yonnu bi nala wo la ka bɔ wulɛ rɔ musi gbɔnkunnɛ a rɔ? N ya a ma, n sɔgɛ ya i bira kɔn-gbɔ-kuri kɔrɔ, i na ya a nyɛrɛ-masɔrɔn i la kan min nun.

Aiseya 24:5

Duninya la ara tinya bawo mɔgɛnu bara Allata tɔnnu tinya ka ata habadan-sarama-kan boloka.

Aiseya 41:13

Wo Mari Alla le ale la. A ye sɛnbɛ dila wo ma ka a fɔ wo ye ko hali wo ma kilan. A si wo dɛnbɛ.

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Yɛrɛmaya 11:3

A ko ale Isirɛlata Mari Alla ko ni min ma ata sarama-kan latɔnbagaya, a si wo tigi tɔrɔ.

Yɛrɛmaya 11:4

A ko a ye kumala sarama-kan wara-koe la ale Mari anubɛ ma benbanu ya min kiri. Anu bɔɛ Iyipiti, anubɛ Alla nara to sarama-kan kirila anu nyɔgɔn tɛma. A ko Iyipiti manɛ wo ye iko sulubondɔn. A ya a fɔ Isirɛla mɔgɛnu ye ko ni anu ya a kan to a gbɛ rɔ, ale si ma anuta Alla la, anu denu fanan si ma ata mɔgɛnu na.

Yɛrɛmaya 2:2

n ni ta kuma Yerusalɛm kɛnu na. A ko n ni a fɔ anu ye ko anu sibole wuli-san, anu telennɛ a ye. A ko ale Mari di anu ye nun koikoi iko kei di ala kɔɛn-kurɛ ye nya min. A ko anu bilanɛ a fɛ nun wulɛ rɔ, wulɛ min da-rakolɔn filili, kɔni.

Yɛrɛmaya 22:9

A si fɔ anu ye ko, “Kɛ mara le bawo anu ya sarama-kan tinya min bi anubɛ anuta Mari Alla tɛma ka don bɛsi-fuyinu kɔ-koe rɔ.”

Yɛrɛmaya 3:14

Mari ko wole telenbɛlɛnu ni na a ma tun. A ko wo ye ale le bolo. A si mɔgɔ kelen-kelen bi soe bɛɛ rɔ ka mɔgɔ fila-fila bi kebilɛ bɛɛ la. A ko a si na wonu na Yerusalɛm soe burɔ tun.

Yɛrɛmaya 31:1

Mari ko wati ye nala, ale si ma wole, Isirɛla bɔnsɔn bɛɛta Alla la. Wo si ma ata mɔgɛnu na.

Yɛrɛmaya 34:13

wole, ala mɔgɛnu ye ko a ya wo benbanu bɔ yɔɔnyɛ rɔ Iyipiti tumɛ min, a ya sarama-kan kiri anubɛ wo benbanu tɛma. A ko

Yɛrɛmaya 34:14

san-wɔrɔnfila wo san-wɔrɔnfila, Hiburu mɔgɛ min bara san wɔrɔ bɔ yɔɔnyɛ rɔ, anu ni wo boloka. Kɔnɔ a ko wo benbanu ma anu tole masɔ wo la.

Isikiyɛli 16:8

“ ‘Nde, Mari tenbimatoe tun, n ya i taran nkɛkuna, n ya i yen ko i wara ke. Woletɔ n ya nna duruki-ba-tɔnkɔn lata ka a mamɔrɔ-mɔrɔ i gbu-makolɔn ma bawo i di n ye. N ya lanyiri kiri ka a tɛgɛ i furu-koe ma. Ile mara ntɛ la. Nde, i Tigi Mari kan le kɛ la.

Isikiyɛli 20:37

“N si anu mara a kilɛ fɛ alako anu ni mala sarama-kan to a gbɛ rɔ.

Isikiyɛli 23:4

Sunkurun-kinamɛ wo tɔgɛ le Ohola. A dɔgɔmɛ tɔgɛ le Oholiba. N ya wonu filɛ furu. Anu ya dannu sɔrɔn n ye. Samariya soe tamasere le Ohola wo la. Yerusalɛm soe tamasere le Oholiba wo la.

Hoseya 11:1

Mari ko, “Fɔlɔ nun, wole Isirɛla bɔnsɔn dɔgɔ tumɛ min, wo diyara n ye iko n halala-dan! N ya wo kele ka bɔ Iyipiti.

Hoseya 2:2

Nna dannu, wo ni wo na makawandi bawo nna musu ma a la tun, ado ala kei ma n na tun. Wo ni wo na madiya alako a ni fara kei-gbɛrɛ-makiyi anubɛ yɛlɛnyɛ la.

Hoseya 3:1

Mari ya a fɔ nde, Nɛbi Hoseya ye ko, “Ta ila keninteyɛ yira ila musi la tun hali a keninɛ kemini-gbɛrɛkɛnu bolo. I ni a keni iko Isirɛla mɔgɛnu keninɛ nde bolo nya min hali anu bi tala bɛsɛnu kɔla dɛgɛ-lamondonɛnu tɔ.”

Saraka-Masɔlɛnuta Tɔnnu 26:15

Ni wo ma sɔn ka nta sereya kɛnu bira, ni wo ya wota sarama-kan tinya min bi ma tɛma wona,

Maraka 8:23

Yisa ya fiyɔn wo bira a bole ma ka ta a la soe kɔma. Yisa ban a da-yi kɛla a yɛ ma tumɛ min, a ya a bolenu sa a kuma ka a manyinika ko, “I ye fen yenna, wa?”

Yɔni 3:29

“Furu-kiri rɔ, kɔɛn-kurɛ ye min bolo, musu-tigi le wo la. Musu-tigi wo dafɛ-sɔlɛ sɔnɛ ka a tole masɔ. A wa musu-tigi sewa-kan lamɔɛn tumɛ min, ale fanan si sewa. Nta sewɛ kɛ da fanɛ wo nya le.

Kɛwɔlɛnu 23:19

Ale kɛlɛ-den-kun-tigi-ba tara keminɛ wo la a dan na ka a manyinika ko, “Nfen fɔ-sɔgɛ ye i la?”

2 Kɔrɛnti 11:2

N bi wo makeliyala iko Alla ye wo makeliyala nya min. Wo bɛɛ mani de iko sunkurun-nasɔlɔni-bɛrɛ, n bara min furu-koe lanyiri kiri mɔgɔ kelen pe ye, Kirasiti, kɔni.

Tɔn-Fɔɛ-Fila-Nyɔgɛ 1:31

Iko kei si ala dan sigi a kɔnkɔn tɔ nya min, a ya ma sigi a kɔnkɔn tɔ wo nya na le wulɛ rɔ ha ka na ke ma la yan.

Tɔn-Fɔɛ-Fila-Nyɔgɛ 29:1

Kuma-kolomɛ le kɛnu na Mari ya minnu lanyiri kiri Musa ye wo tumɛ Isirɛla mɔgɛnu bi Sinayi kɔnkɛ dafɛ. Kaka, a ye nala kumɛ wo le makofuli-kɛla Mohabu nyamanɛ rɔ.

Tɔn-Fɔɛ-Fila-Nyɔgɛ 29:21

Mari si mɔgɛ wo ma tamasere la Isirɛla mɔgɛnu yala. Iko dankɛ minnu sɛbɛnɛ kitabu kɛ rɔ, Mari si wo dama kasara-dɛgbɛ sigi mɔgɛ wo la.

Tɔn-Fɔɛ-Fila-Nyɔgɛ 29:24

Duninya mumɛ bɛɛ si nyinikalɛ sa ko, ‘Nfen ya a to, Mari ya anuna nyamanɛ kɛ tinya ka? Nfen ya a ma, Mari fonde bɔra wɛ kɛ ka?’

Tɔn-Fɔɛ-Fila-Nyɔgɛ 31:16

Mari ya a fɔ Musa ye nyɔ ko, “Musa, i sa mɛla so-sɛgi-kɛla tun. I wa so-sɛgi-kɛ tumɛ min, mɔgɛ kɛnu si n boloka ka sarama-kan tinya ka don lanyiri-nyamanɛ bɛsi-kɔ-koenu tɔ anu bi tala kan min.

Tɔn-Fɔɛ-Fila-Nyɔgɛ 31:20

N bara anu benbanu yili-madiya nyamani-hakikɛ min na, n si anu bi ka ta anu na nyɔ rɔ. Anu bi nyinina dɔn-fan min bɛɛsi ma, anu si wo bɛɛsi sɔrɔn nyɔ rɔ. Anu si taran anu diya nyɔ. Kɔnɔ hali wo, anu si anu kan-kɔ sɔ n na ka don bɛsi-kɔ-koenu tɔ. Anu si anu ban n na ka ma-tɛma-sarama-kan tinya.

Tɔn-Fɔɛ-Fila-Nyɔgɛ 5:2

Wo tumɛ ma ye Sinayi kɔnkɔ kɔrɔ, mata Mari Alla ya lanyiri kiri ma ye.

Tɔn-Fɔɛ-Fila-Nyɔgɛ 5:3

A ma lanyiri kiri ma benbanu dɔrɔn ye de! A ya a kiri male fanan ye, male min bi yan bi, kɔni.

Hiburunu 8:9

Mabɛ wo benbanu sarata min ma, a ti ma wo su la tun. N ya anu bole bira tumɛ min ka anu nabɔ Iyipiti nyamanɛ rɔ, sarama-kan-kɔrɛ wo kirita tumɛ wo le tɔ. Ma sarata min ma wulɔn, anu ma sarama-kan wo latɔnbagaya. Woletɔ, nde, Mari ara n kan-kɔ sɔ anu na.