Yɛrɛmaya 31:3 - ALLALA KUMƐ

³ a ya a nyɛrɛ yira wo la wula-yan la. A ko wola habadan-keninteyɛ ye a rɔ, ado a ko a si to keninteyɛ wo kun na.

Yɛrɛmaya 31:3 ပူးပေါင်းရင်းမြစ်များ

1 Mansɛnu 10:9

Tantolɛ ni kɛ ita Mari Alla ma. Ile ara Alla hɛnɛ min kɛ, woletɔ ale ara ile ma mansɛ la Isirɛla mɔgɛnu kun na. Isirɛla mɔgɛnu keninɛ Mari bolo min kɛ tolon, woletɔ a ara ile ma mansɛ la anu kun na alako i ni tɔnnu mabalan ka kitinu tɛgɛ telenbagayɛ la.”

Yaburi 103:17

Kɔnɔ minnu bi Mari gbiliyala, ala keninteyɛ ti ban wonu ye mumɛ! Ata nyimayɛ dan sa wonubɛ anu kegeyɛnu bara la.

Yaburi 25:6

E, Mari, i wara ila keninteyɛ anubɛ ila kinikinɛ min kɛ ma ye nun kebi fɔlɔ, i ni i hɛnkili to wo ko.

Keninteya-Siginu 1:4

N bi! Ma ni ta ma kun fɛ pon! I ni ma nna mansɛ la ka ta n na i bolo konko la. Ma si ma nyɔgɔn-diya bɔ. Ma ni tunu keninteyɛ rɔ pɔɛ! Ni i diyara musi bɛɛ ye, i kana tɛrɛna wo la.

Aiseya 43:4

A ko a si nyamanɛ donu ma ma kunkɛ la bawo ma wara-koe di a ye. Ma di a ye, ado a ye ma gbiliyala.

Aiseya 45:17

Kɔnɔ ale Mari le ye Isirɛla kisila, ado anu ko Isirɛla si to nɔlɛ kɛla burubukai! Anu ti yarabiyi sɔrɔn muk!

Aiseya 49:14

Kɔnɔ Yerusalɛm kɛnu bi a fɔla ko Mari ara a ban anu na. A ara nyina anu ko salon!

Hoseya 11:1

Mari ko, “Fɔlɔ nun, wole Isirɛla bɔnsɔn dɔgɔ tumɛ min, wo diyara n ye iko n halala-dan! N ya wo kele ka bɔ Iyipiti.

Hoseya 11:4

N ya wo madon n na kinikinɛ anubɛ keninteyɛ la ka wo sigi n kian kuma ka wo mayɛgɛyɛgɛ. N ya n mayigi wo ye ka wo de-nyini.

Malakayi 1:2

Mari ya a fɔ ala mɔgɛnu ye ko ka a bi fɔlɔ ma ha kaka, anu di a ye. Kɔnɔ anu bi a fɔla ko anu si a lɔn kama ko anu di Mari ye? Mari ya anu yabi ko na-kelenmɛ le Yakoba anubɛ Isɔ la. A ko Yakoba anubɛ a kegeyɛ di a ye

Romu 8:30

Alla ara minnu yabɔ, a ya wonu denu kele. A ma a to kelelɛ wo dɔrɔn ma fɔ ka anu natelen a nyɛrɛ ye fanan, ado a ma a to latelan dɔrɔn ma fɔ ka a nyɛrɛta gbiliyɛ di anu ma fanan.

Romu 9:13

Iko a sɛbɛnɛ Allala kitabu rɔ nya min, a ko, “N bara Yakoba yatɔnbɔn kɔnɔ n ya n ban Isɔ la.”

Tɔn-Fɔɛ-Fila-Nyɔgɛ 10:15

Kɔnɔ a ya wo benbanu keni nya min, wo gbɛlɛ gben! A ya wole ma mɔgɔ-yabɔnɛnu na sibolo-mɔgɛ doinu tɛma duninya rɔ. Ha bi, wo manɛ mɔgɔ-yabɔnɛnu na a bolo.

Tɔn-Fɔɛ-Fila-Nyɔgɛ 33:26

“Alla dogbɛrɛ sa nyɔ min manɛ iko male Isirɛla mɔgɛnuta Alla, ale min bi tagamana san-kole rɔ, kɔni. Ale le ye bɔla banda-finyɛ rɔ ka wo dɛnbɛ.

Tɔn-Fɔɛ-Fila-Nyɔgɛ 33:3

Marita mɔgɛnu di ale ye. A ye ata mɔgɛnu fɛ-birala. Woletɔ ma ye ma sala a tontɛ kɔrɔ ka a bato ka karan-tɔnɔnamɛ sɔrɔn ale bolo.

Tɔn-Fɔɛ-Fila-Nyɔgɛ 4:37

Bawo wo benba benbɛnu di a ye min kɛ, woletɔ a ya wole yabɔ Iyipiti ka na wo la yan ata sɛnbɛ fɛ.

2 Timoti 1:9

Alla ya ma kisi ka ma yabɔ ko ma ni ma ata mɔgɔ-sɛnimɛnu na. A ma ma yabɔ mata kɛwɔlɛnuna ko la fɔ a nyɛrɛ sako anubɛ ata hinɛ baraka rɔ. Yanni duninya ni dan, a ya ata hina-wɛ yira ma la Yisa Kirasiti rɔ.

Yemesi 1:18

Ka a tɛgɛ ala keninteyɛ ma mala ko la, a ya ma ma ala dan la kamasɔrɔn a ya tonya-bɛrɛ di ma ma iko a ya a latɛgɛ nya min. A ya wo ma alako male ni sɔ-tina-fɔlɔtɛ sɔrɔn ala dali-fan bɛɛ tɛma. A halalɛ le male la gbɛ!

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.

1 Yɔni 4:19

Ma si ma nyɔgɔn keni bawo Alla fɔlɔn ya male keni.