Yɛrɛmaya 31:27 - ALLALA KUMƐ

²⁷ Mari ko wati ye nala, a si Isirɛla anubɛ Yuda nyamanɛnu nafa hadama-dan anubɛ kolo-fannu na.

Yɛrɛmaya 31:27 ပူးပေါင်းရင်းမြစ်များ

Yaburi 107:41

A ya bolo-kolɔnnu kunyɛ bɔ tɔrɔyɛ rɔ ka anuna denbayɛnu nasiyaya iko kolo-fen-wɔrɛnu.

Yɛrɛmaya 30:19

Wo si to baraka-bira-bɛti bɔla sewɛ la. Wo si to wo diya nyɔ. A ko a si den-siyaman di wo ma, ado wo si to gbiliya-wɛ rɔ.

Isikiyɛli 36:10

N si a ma fanan, anu ni siyaya tun. Anu si to sigini soe wonu tɔ tun, ado soe min bɛɛ ara tinya, anu si wo bɛɛ sɔ tun!

Isikiyɛli 36:11

A mɔgɔ wo, a ninki wo, n si a ma, wo bɛɛ ni yiri tun bui! Anu si siyaya ka tenbi a fɔlɔtɛ la. N si a ma, anu ni sigi nyɔ lafɛrɛ rɔ iko anu bi nyɔ nya min kɔrɔma la. N si anu nasabati ka tenbi a fɔlɔtɛ la. Wo kɔma, anu si a lɔn ko Mari le nde la.

Isikiyɛli 36:9

N bi anu fɛ, yɔ! N si a ma, anuna dugi ra ni sin tun ka suginu fui anu tɔ.

Hoseya 2:23

N si nta mɔgɛnu fui nyamanɛ wo rɔ ka anu bara-koe lata yarɔ. N ya a fɔ minnu ma ko, “Hinabɛlɛnu,” n si hina wonu na. N ya a fɔ minnu ma ko, “Nta ma,” n si a fɔ wonu ma ko, “Nta mɔgɛ le kɛnu na.” Wonu fanan si a fɔ ko, “Mata Alla le ile la.”

Sakaraya 10:9

A ko hali ale ara a ma, anu ta ara nyɛnsɛn sibolo-gbɛrɛnu tɛma, hali anu bi wula-yan wonu na, anu si anu miri ale ma. A ko anubɛ anuna dannu si to anu niyi la ha anu ni anu kɔ sɛgi anu nyɔgɔn fɛ.

Tɔn-Fɔɛ-Fila-Nyɔgɛ 30:9

Wota Mari si ata duwɛ layigi wo kuma koe bɛɛ rɔ. Wo si den-siyaman sɔrɔn, wola kolo-fannu si siyaya, wola ki-fannu si sabati wo bolo kosɛbɛ! Fɔlɔ nun, wota Mari Alla sewara ka fen-siyaman di wo benbanu ma. A sewanɛ fanan si fen-siyaman di wole fanan ma wo nya na le.