Yɛrɛmaya 31:21 - ALLALA KUMƐ

²¹ Wole Isirɛla mɔgɛnu, wo ni wo sɛgi-kilɛ latɛgɛ. Wo ni wola kila-da-kunyɛ nyini alako wo ni ta a labɔ wo warɛ ma. Wole Isirɛla mɔgɛnu, wo sɛgi wo warɛ. Wo sɛgi wola soenu tɔ.

Yɛrɛmaya 31:21 ပူးပေါင်းရင်းမြစ်များ

1 Ko-Kɔrɔta-Karan 29:3

Wo bɛɛni-ata, n bara sɛnɛnu anubɛ wodi-gbɛnu bɔ n gbu rɔ ka a kofu doi kɛnu ma Bato-Bɔn sɔ-koe rɔ. N ya wo ma le bawo Allata Bɔn kɛ di n ye kati!

2 Ko-Kɔrɔta-Karan 11:16

Isirɛla mɔgɛ minnu duruta anu benba Isirɛlata Mari Alla-batoe la, wonu bilara Lifayinu fɛ ka na Yerusalɛm soe burɔ ka bɔ kantɔ-mɔgɛ wonu tɛma alako ka sarakɛnu bɔ anu benbanuta Mari Alla ye.

2 Ko-Kɔrɔta-Karan 20:3

Mansa Yɛhosafati kilanta ha a ya Mari matara ko a ni hɛnkili di a ma. A ya a fɔ ata nyamanita-mɔgɛ bɛɛ ye ko anu ni sunyɛ don.

Yaburi 62:10

I kana i yigi sa kɛlɛ-nyɔgɔnyɛ kuma. I kana i hɛnkili latɛgɛ kankanya-fen-sɔrɔn ma. Hali ila nɔnfuli sabatira nya-wo-nya, i kana i hɛnkili latɛgɛ wo ma.

Yaburi 84:5

Minnu ya sɛnbɛ sɔrɔn i bolo, wonu sewanɛ kati! Anu sewanɛ le ye tala Yerusalɛm kɔnkɔ-sɛnimɛ kuma.

Hɛnkilimaya-Kumɛnu 24:32

N ya wo yen n yɛ la tumɛ min, n ya hɛnkili sɔrɔn.

Aiseya 48:20

A ko wole, ata mɔgɛnu, wo ni wo tiriya bɔla Babilɔn. Wo ni a lasɔnkɔ sewɛ bolo kan tinɛ bɛɛ rɔ. Wo ni a fɔ mɔgɛ bɛɛ ye duninya rɔ ko Mari ara wole, ata wɔli-kɛla Isirɛla mɔgɛnu kisi.

Aiseya 57:14

Mari ko ala mɔgɛnu ni sɛgi a ma. Wo ni wola gbaran-fannu bɔ kilɛ la. Wo ni kilɛ rabɛn yɔnyɔn!

Aiseya 62:10

Wole Yerusalɛm kɛnu, wo bɔ soe burɔ. Minnu bi sɛgila ka bɔ biralɛ rɔ, wo ni kilɛ rabɛn wonu ye yɔnyɔn! Wo ni kurinu bɔ kila-kole la. Wo ni falafalɛ layɛlɛ san ma tamasereyɛ la sibolenu ye.

Yɛrɛmaya 3:12

A ko n ni ta kilayɛ lake kantɔ-wara la Isirɛla mɔgɛnu bi kan min. Mari ko wole, Isirɛla mɔgɛ minnu telenni ma, wo ni sɛgi ale Mari ma. A ko a ti a kolan firindi wo ma tun! A ko a kinikinite, a fondo-bɔnɛ ti to wo kan ma tun.

Yɛrɛmaya 3:14

Mari ko wole telenbɛlɛnu ni na a ma tun. A ko wo ye ale le bolo. A si mɔgɔ kelen-kelen bi soe bɛɛ rɔ ka mɔgɔ fila-fila bi kebilɛ bɛɛ la. A ko a si na wonu na Yerusalɛm soe burɔ tun.

Yɛrɛmaya 31:4

A ko a si wole, a diyana-mɔgɛnu nasɔ kurɛ kɛ tun. Wo si wola wasanbɛ bi ka tolɔn buta a ma tun.

Yɛrɛmaya 46:11

Iyipiti kɛnu ni ta Kaliyadi anu dandan bɛsi-nyini-tinɛ. Bɛsɛ wo ti ko nyinya anu ma. Fenfen ti anu dandan.

Yɛrɛmaya 50:5

Anu si Yerusalɛm kilɛ manyinika alako anu ni bɔ nyɔ-kilɛ la. Anu denubɛ Mari si sarama-kan kiri anu nyɔgɔn tɛma min ti tinya muk!

Yɛrɛmaya 51:50

Mari ya a fɔ ala mɔgɛnu ye Babilɔn nyamanɛ rɔ ko, “Wo ara sayɛ masangba min kɛ, wo kana fenfen makɔni. Wo ta! Hali wo fɛ-yan wo warɛnu na, wo kana nyina nde, Mari ko anubɛ Yerusalɛm soe.

Yɛrɛmaya 51:6

Anu burumatoe ni bɔ Babilɔn nyamanɛ rɔ. Anu ni anu buri alako anu niyi la ni kisi. Anu kana faga, anu tɔgɛ ni to Babilɔn kɛnuna hakɛ la. Mari ko a si a tayili sara anu na iko a bɛnta, a ni a ma nya min.

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Isikiyɛli 40:4

Kei wo ya a fɔ n ye ko, “Ile hadama-dan, i yɛ bɛn n ma ka i tole masɔ a kin na! N si min bɛɛ yira i la, i yili ni to wonu ko bɛrɛkɛ bawo i nara wo lela ko la yan. I ye min bɛɛ rayenna yan, fɔ i ni ta wo rakaran Isirɛla mɔgɛnu ye.”

Hegayi 1:5

Wo sa a yenna min bi mala wo la?

Sakaraya 10:9

A ko hali ale ara a ma, anu ta ara nyɛnsɛn sibolo-gbɛrɛnu tɛma, hali anu bi wula-yan wonu na, anu si anu miri ale ma. A ko anubɛ anuna dannu si to anu niyi la ha anu ni anu kɔ sɛgi anu nyɔgɔn fɛ.

Tɔn-Fɔɛ-Fila-Nyɔgɛ 32:46

a ya a fɔ anu ye ko, “Wo ni a ma wo fɛrɛma, n bara tɔn kɛ damasi min di wo ma kɛ la bi, wo ni wonu bira. Wo ni anu takaran wola dannu ye a kilɛ fɛ woletɔ anu si Allata karan kɛ bira anu bolo filɛ la gben!