Yɛrɛmaya 31:18 - ALLALA KUMƐ

¹⁸ Mari ko a ara Isirɛla mɔgɛnu karanton-kan lamɔɛn. Anu bi a fɔla ko, “Mari, i wara ma tɔrɔ, ado ma ara hɛnkili sɔrɔn. Ma mani de nun iko ninki-den-kolobɛlɛ. Ta ma la ma warɛ. Ma si sɛgi i ma. Tonya-bɛrɛbɛrɛ, mata Mari Alla le ile la.

Yɛrɛmaya 31:18 ပူးပေါင်းရင်းမြစ်များ

Yobu 5:17

Mɔgɔ-sewanɛ le wo mɔgɛ la Alla ye min natelenna. Alla Sɛnbɛ-Bɛɛ-Tigi tenbi mɔgɛ kolola, a yisi ka bɔ Alla kan ma.

Yaburi 118:18

A ara n tɔrɔ kosɛbɛ kɔnɔ a ma sɔn, n ni faga.

Yaburi 119:67

N sa kila-nyima fɛ nun, woletɔ i ya n tɔrɔ kɔnɔ n bi ita sereyanu birala kaka.

Yaburi 119:75

Mari, n ya a lɔn yati, ko ita kiti-tɛgɛ-nya telennɛ le sekeke! Ni i ye n tɔrɔla kɛ nya, n ya a lɔn ko lanaya-tigi le ile la.

Yaburi 31:15

N bi ita gbɔfɛ rɔ wati mumɛ bɛɛ kɔrɔ. N nakisi n yogenu ma. Minnu bi n napɛrɛnna, n nakisi wonu ma.

Yaburi 32:9

A kana ma kun-takolɔn la iko soee anubɛ sofɛlɛ, fɔ i wa karafɛ sa wo dɛ ma, a ni to tala i diyana-tinɛ.

Yaburi 80:19

E, Mari Alla Sɛnbɛ-Bɛɛ-Tigi, sɛgi ma la tun! Kinikini ma ma alako ma si kisi nya min.

Yaburi 80:3

E, Alla, sɛgi ma la tun! Kinikini ma ma alako ma si kisi nya min.

Yaburi 80:7

Alla Sɛnbɛ-Bɛɛ-Tigi, sɛgi ma la tun! Kinikini ma ma alako ma si kisi nya min.

Yaburi 85:4

E, ma kisilɛ Alla, i ni ma lasɛgi i ma tun! I fara i fonde bɔla ma kuma.

Yaburi 94:12

Mari, ile ya mɔgɛ min nabila, wo sewani de bɛrɛbɛrɛ-wɛ-kɛ, ile ya min karan tɔn ma, kɔni.

Hɛnkilimaya-Kumɛnu 26:3

Iko gbɛn anubɛ karafɛ bɛnta soee ma nya min, bosɛ fanan bɛnta kun-takolɔn ma wo nya na le.

Hɛnkilimaya-Kumɛnu 29:1

Mɔgɛ min ti sɔn a sɔn-boloka-koe ma hali anu bi a makawandila, mɔgɛ wo dɛnbɛn-kila ti taran, ado a si tinya pɔ!

Hɛnkilimaya-Kumɛnu 3:11

nna den, Mari tenbi i latelenna tumɛ min, i ni i tole masɔ a la a kin na! I ni a lɔn ko a ye i makawandila le hali i ma i ban a la

Aiseya 1:5

Nfenna wo wakilanɛ murutiya-koe ma? Ha ka, wo ye tɔrɔyɛ nyinina wo nyɛrɛ kan ma? Ile Isirɛla kunyɛ matanban-tanbannɛ le tɛrr! I hɛnkili ara pirinkan.

Aiseya 51:20

Mɔgɛnu mɔlɔkɔn-mɔlɔkɔnnɛ ye belenna buila. Anu sanɛ belenna soe lu-kunyɛnu na dinkirɛ bɛɛ. Anu mani de iko soge wa bira gbɛrɛ la. Anu bara banna Allata fondo-bɔɛ lɔnna.

Aiseya 53:7

A ma kuma-wo-kuma fɔ a latifi-tafilɛnu ma. A madenɛ iko anu bi nala saga-dan min mala sarakɛ la. A radenɛ don, iko anu bi nala sagɛ min siyi matɛgɛla. Hali da-nya-fa kelan, a ma tɛgɛ.

Aiseya 63:16

Ma fa le ile la. Iburayima ma a lɔn ni ala dan le male la. Yakoba fanan ma ma lɔn. Kɔnɔ ma fa le ile Mari nyɛrɛ la. Kebi hun, i tɔgɛ le, “Ma Kunkalɛ.”

Aiseya 9:13

Hali Mari Sɛnbɛ-Bɛɛ-Tigi ara anu tɔrɔ, Isirɛla mɔgɛnu ma anu sɔ anu hakɛ la, ado anu ma sɔn anu ya-lamununna a la.

Yɛrɛmaya 17:14

Mari, ni i ya n nakɛndɛya, wo tenbira lakɛndɛyɛ bɛɛ la. Ni ile ya n nakisi, wo tenbira lakisiyi bɛɛ la. Mari, n bi ile le kelen pe matɔgɔla.

Yɛrɛmaya 2:30

A ko a ya wole Isirɛla mɔgɛnu tɔrɔ kɔnɔ tɔrɛ wo ma wo yɛ mabɔ. Wo ya wola nɛbinu faga iko yara-kɔnkɔtoe wa a labɔ soge ma, a ye wo fagala nya min.

Yɛrɛmaya 3:25

“Fɔ ni ma ya ma sa miliyɛ bolo gbɛ! Ma ni yarabiyi burun ma ma. Ma ara hakɛ kɛ ile mata Mari Alla la. Mabɛ ma fanu bara hakɛ kɛ. Ka a bi ma dennɛ ma ha kaka, ma sa ile mata Mari Alla sako kɛla.”

Yɛrɛmaya 31:6

ado wati ye nala, so-kandannɛnu si anu dɛ bolobɔ Ifɛrɛm kɔnkɔ-nyamanɛ rɔ ko, “Ma ni ta mata Mari Alla bato Yerusalɛm soe burɔ wona.”

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Nimisa Koe 5:21

Ni i ma i ban ma la nun feufeu, ni i ma diminya ma ma ka a dan-natenbi, a ma, ma ni sɛgi i ma tun. E, Mari, i yandi, ma to gbiliyɛ rɔ iko ma ye nya min nun.

Isikiyɛli 20:43

Anu bara anu nyɛrɛ latinya min bɛɛ ma kisimiriya-ko-ladannu tɔ, anu hɛnkili si to wonu ko wati wo le tɔ. Anu si nyima anu nyɛrɛ rɔ ka a tɛgɛ anuna ko-yogomɛnu ma.

Daniyɛli 9:13

I ya ma tɔrɔ iko Musa ya a sɛbɛ ala tɔn-buku rɔ nya min. Kɔnɔ mata Mari Alla, ma ma ma raya ka duwɛ nyini i bolo ka fara mala hakɛnu na alako ma ni bila ita kila-telennɛ fɛ.

Hoseya 10:11

“Wole Isirɛla mɔgɛnu mani de nun iko sara-ninki-kolonɛ. A di wo ye ka to fui-fan tɛnna gbere-kole ma. Kɔnɔ tɔ-a-la, nde, Mari si dɛɛ kiri a la ka a lata dugu-rasin-tinɛ. N si dugu-wɔrɔ-dɛɛ kiri Yuda kɛnu na ka fen-tagbesi-dɛɛ kiri Isirɛla kɛnu na.

Hoseya 4:16

Wole, nta mɔgɛnu tengberenyanɛ iko sofɛlɛ. N ti ke wole, sofɛlɛnu nagbengbenna binyɛ ma iko saga-dannu.

Hoseya 5:15

A ko a si a kɔɛn bɔ wo wara-koe rɔ feufeu, ha wo ni kɔrɔtɔ wo yisi rɔ. Tɔrɔyɛ wo wa wo rabɔ tumɛ min, wo ni na to ale Mari nyinina. A ko tumado ni wo tɔrɔta, wo si a nyini de worɔ.

Yona 3:10

Anu bara min bɛɛsi ma, Alla ya wo yen. A ya a lɔn worɔ anu bara anu sɔn-yogomɛnu boloka. Woletɔ a ya a fonde yɛlɛma. A ma sɔn anu halaki-koe ma tun iko a ya a fɔ nya min nun.

Sɛfanaya 3:2

Yerusalɛm kɛnu sa anu tole masɔla Mari la. Anu ti sɔn ka kolo a ma. Anu ma anu yigi sa Mari rɔ. Anu ti a matara anu dɛnbɛn-koe la.

Malakayi 3:16

Wo kɔma, minnu bi Alla gbiliyala, wonu bi kirabɔla anu nyɔgɔn na. Mari ye a wɔlɔ matɔlɔla wonu na. Anu bi min bɛɛsi fɔla, a ye wonu namɔɛnna. Mɔgɛ min bɛɛsi ye Alla gbiliyala, wonu tɔgɛ sɛbɛnɛ Allata hɛnkili-lamiri-buku rɔ.

Malakayi 4:6

A ko wo si dannubɛ anu sɔrɔnbagɛnu yisi sa anu nyɔgɔn kuma. Ni anu ma sɔn tola ko kelen tɔ, a ko ale Mari si na ka wola nyamanɛ bɛɛ halaki.

Yilan-Yilan Koe 2:18

“Nde, Marita bɔn tele-yigi wara la, bɔnsɔn filɛ minnu bi nyɔ, wonu bi Ifɛrɛm bɔnsɔn kɔrɔ. Ifɛrɛm bɔnsɔn ya wonu dafa bɔnsɔn sawa ma. Bɔnsɔn sawɛ wonu nakofunɛ, wo le Ifɛrɛm bɔnsɔn anubɛ a kebilɛnu na. Anuna kun-tigi le Amihudila dan Ilasama la. Ifɛrɛm bɔnsɔn yatɛ bɛnta mɔgɔ waga bi-nani ani mɔgɔ kɛmɛ loli (40,500) ma. “Min tugunnɛ Ifɛrɛm bɔnsɔn la, wo le Manasa bɔnsɔn anubɛ a kebilɛnu na. Anuna kun-tigi le Pɛdasala dan Kamɛliya la. Manasa bɔnsɔn yatɛ bɛnta mɔgɔ waga bi-sawa, mɔgɔ waga fila ani mɔgɔ kɛmɛ fila (32,200) ma. “Min tugunnɛ Manasa bɔnsɔn la, wo le Bɛnyamɛ bɔnsɔn anubɛ a kebilɛnu na. Anuna kun-tigi le Kidiyɔnila dan Abidan la. Bɛnyamɛ bɔnsɔn yatɛ bɛnta mɔgɔ waga bi-sawa, mɔgɔ waga loli ani mɔgɔ kɛmɛ nani (35,400) ma. Bɔnsɔn sawɛ kɛnu nakofunɛ, wo le bɛnta mɔgɔ waga kɛmɛ kelen, mɔgɔ waga segin ani mɔgɔ kɛmɛ kelen (108,100) ma. Anu tenbi tala tagama rɔ tumɛ min, wonu si bila Lifayi mɔgɛnu fɛ.”

Luka 1:17

Ale fɔlɔn si na Mari yarɔ fanka anubɛ sɛnbɛ la iko Nɛbi Ilaya. A si dannu anubɛ anu fanu ma kelen na. A si kalabantenu yɛlɛma ko anu ni miriya latelennɛ sɔrɔn. A si Allala mɔgɛnu tabɛn Mari ye feu!”

Luka 15:20

Nba, a wulita ka sɛgi a fa wara. “Yanni a ni ke nyɔ, a fa ya a yen nala wula-yan la. A yisi fara kinikinɛ la. A ya a buri ka a bole mini ala dan kan ma ka a sunbu.

Kɛwɔlɛnu 3:26

Woletɔ Alla ya ala wɔli-kɛla Yisa yabɔ ka a sɔ wole fɔlɔn ma ko a ni duwa wo ye alako wo dama ni yɛlɛma ka bɔ wola ko-yogomɛnu tɔ nya min.”

Filipai 2:13

Ado nfan, Alla ye wɔlila wole rɔ wati bɛɛ alako a ni diya wo ye ka a sako kɛ, ado a ye sɛnbɛ dila wo ma ka wo ma.

Hiburunu 12:5

Alla ya a fɔ wole, ala dannu ye ko, “Nna dan, nde, Mari tenbi i latelennna, i ni i tole masɔ n na a kin na! N tenbi i makumala, i yisi kana tinya, ado nde, Mari ara min bɛɛ keni, n si wonu bɛɛ kolo. N bi min bɛɛ rabirala iko nna dannu, n bi wonu denu tɔrɔla.” Wo ara nyina makawandili-kumɛ wonu ko, wa?

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.