Yɛrɛmaya 31:15 - ALLALA KUMƐ

¹⁵ Mari ko sɔnkɔ-sɔnkɛ anubɛ di-kɛ-kan bɔra Rema soe burɔ. Resɛli ye dila ala dannuna ko la. A ye dila, ado a ma ti diya bawo anu bara ala dan bɛɛ faga.

Yɛrɛmaya 31:15 ပူးပေါင်းရင်းမြစ်များ

Ko-Dabirɛnu 37:35

Yakobala dannu ya anu taya ka anu fa madiya kɔnɔ a ma sɔn a rade-koe ma. A ko, “Nde si to nna dan kɛ dila ha n ni a taran lakira.” A tora dila ala dan Yusufula ko la wo nya le.

Ko-Dabirɛnu 42:13

Anu ko, “Ma siginɛ Kenan nyamanɛ le tɔ. Ma den mɔgɔ tan-ni-filɛ le nun. Mɔgɔ kelen bara faga ma rɔ. Ma ara ma dɔgɛ to ma fa fɛ nyɔ.”

Ko-Dabirɛnu 42:36

Anu fa ya a fɔ anu ye ko, “A sɔgɛ ye wole la, n ni foo nna dan dama la, wa? Yusufu sa tun, Simiyɔn sa tun. A sɔgɛ ye wole la, wo ni ta Bɛnyamɛ fanan na? Tɔrɔyɛ kɛ damasi ara sigi nde le la.”

Ko-Dabirɛnu 5:24

Inɔki tora Allala kilɛ fɛ. A tununta yen! Wo mara bawo Alla tara a la a warɛ.

Yobu 7:21

Ha bi, i ti n hakɛ makoto? I ti i muin nna fɛɛnu ma? A ti mɛ tun, n si taran nna kanbɛ rɔ. Ni i ya n nyini, i ti n yen.

Yaburi 37:36

Kɔnɔ lunyɛ do, n bɔra nyɔ-kilɛ la kɔnɔ a sa nyɔ. N ya a nyini furr, kɔnɔ n ma a yen.

Yaburi 77:2

N tenbi tɔrɔyɛ rɔ, n bi n tigi matarala. Ki-kudu, n bole siginɛ Alla ye ka a madiya kɔnɔ n sa yisi-kima sɔrɔnna.

Aiseya 10:29

Anu bara tenbi kɔnkɔ-gbɛran la ka ta ki Kiba soe burɔ. Rema so-burɔ-mɔgɛnu kun ma ara kɔ dɔgɔma-ma-de! Kibiya soe, Mansa Sɔli sɔrɔnta kan min, nyɔ-mɔgɛ bɛɛ ara anu buri.

Aiseya 22:4

Wo ni nde, Aiseya kelan to, woletɔ n si di biribiri nna mɔgɛnuna ko la minnu bara faga nun kɔrɔma la. Hali wo ma n madiya.

Yɛrɛmaya 10:20

Mala fani-bɔnnu bara wuya. A balan-yili bɛɛ ra ara tɛgɛ. Mala dannu ta ara nyɛnsɛn. Fani-bɔn wo sɔla-wo-sɔla sa nyɔ tun. Hali a yorolan, a kirila sa tun.”

Yɛrɛmaya 40:1

Anu bi tala mabɛ Yerusalɛm anubɛ Yuda kɛ toenu na Babilɔn tumɛ min, mansɛla kɛlɛ-den-kunyɛ Nɛbusaradan ya yɔlɔkɛ kɛnɛ yen n ma mɔgɛ kɛnu tɛma. A ya nde boloka Rema soe burɔ, Mari kumara n ye kan min.

Nimisa Koe 5:7

Ma benba minnu bara faga, wonu ya hakɛ min kɛ, male ye wo le tɔrɔyɛ kun na kɛ la kaka.

Isikiyɛli 2:10

Bole wo ya gbole wo rafulen n yakɔrɔ. N ya sɛbɛli kɛnɛ yen a ya filɛ bɛɛ ma. Fenfen sɛbɛnɛ sa a rɔ fɔ di-kɛ-kumɛnu, gbalo-kumɛnu anubɛ yisi-lafin-kumɛnu.

Yasowa 18:25

Kibiyon, Rema, Birɔti,

Kɛlɛ-Kurugbɛnu 4:5

Tuma-wo-tuma nun, a si a sigi tamaro-kuri do kɔrɔ min bi Rema soe anubɛ Bɛtɛli soe tɛma Ifɛrɛm kɔnkɔ-nyamanɛ rɔ ka ata kiti-tɛgɛya-wɔlɛ kɛ nyɔ. Mɔgɛnu si ta a wara ka hɛnkili sɔrɔn a bolo.

1 Samuwɛli 7:17

A wa ban kɛ la, a si sɛgi a kɔma kiti-sa-tinɛ a sɔrɔn-soe burɔ Rema. A ya saraka-mintan-tinɛ sɔ Mari ye nyɔ.