Yɛrɛmaya 31:14 - ALLALA KUMƐ

¹⁴ Sarakɛ ti dasa saraka-masɔlɛnu bolo. Ala mɔgɛnu si fa fen-diyamɛnu na, ale Mari ye minnu dila anu ma, kɔni. Mari kan le kɛ la.

Yɛrɛmaya 31:14 ပူးပေါင်းရင်းမြစ်များ

2 Ko-Kɔrɔta-Karan 6:41

E, Mari Alla, i lakɔɛnma. Ta i mayigi Bato-Bɔn burɔ ila tɔn-kenkirɛ ye kan min ado wo manɛ ila sɛnbɛ-tamasere la. I si to nyɔ burubukai! Ila saraka-masɔlɛnu bi koe min bɛɛsi mala, ita duwɛ layigi anu kuma wonu tɔ. Ka a tɛgɛ ila ko-nyimɛ ma, alamɛ mɔgɛ bɛɛ sewara.

Nihɛmaya 10:39

A fui-fen wo, a minni-fen wo, a tuli wo, Isirɛla mɔgɛnu anubɛ Lifayinu si wonu namara Bato-Bon-konko do la Bato-Bon-mirannu maranɛ kan min. Bato-Bon-makandannɛnu anubɛ saraka-masɔlɛnu bi wɔlila nyɔ le, ado Bato-Bon-sigi-salɛnu si ki nyɔ le fanan. Ma ti nyina mata Alla Bato-Bɔn ko mumɛ!

Yaburi 107:9

Minnu kan nagbalanɛ, a si wonu kan lakimɛ. Kɔnkɛ ye minnu na, a si wonu nafa pen!

Yaburi 132:16

A si kisi-ko-duruki don saraka-masɔlɛnu kan na. A ko ata mɔgɛnu si to sigi sala sewɛ bolo nyɔ rɔ.

Yaburi 132:9

Alamɛ ila saraka-masɔlɛnu ya telenbagayɛ bila anu kan na iko duruku-ba-wɛ. Alamɛ ita mɔgɛnu tora a lawɔyɔla sewɛ bolo.

Yaburi 17:15

Kɔnɔ sɔn sa n na min kɛ, fɔ n ba i yen. N ba n yɛ laka, i yen-koe si a diya don n tɔ.

Yaburi 36:8

Ma tenbi ladiyɛ rɔ i warɛ bɔn la, ma ti dɔn-fan ban ile bolo. Ita ko-nyimɛ mani de ma ye iko ba-belebele, ma si ma min kan min.

Yaburi 63:2

I yen-sɔgɛ ye n na ila Bato-Bɔn la. Ila sɛnbɛ anubɛ ila gbiliyɛ yen-sɔgɛ ye n na.

Yaburi 63:5

N sɔndɔmɛ la si fa iko mɔgɔ wa fa ladiyɛ kuma. N si sewa-bɛtinu bɔ i ye ka i tanto wonu na.

Yaburi 63:6

N tenbi sani, n hɛnkili ye i ko. Ki kudu, n bi n mirila i ma

Yaburi 65:4

Ile Alla ye mɔgɛ min yabɔla ko a ni a sigi ila Bato-Bɔn la, mɔgɔ-sewanɛ le mɔgɛ wo la. Ko-nyimɛ minnu bi i Bato-Bon-sɛnimɛ la, wonu denu si ma hɛnɛ.

Yaburi 85:13

Mari tenbi tala kan-bo-kan, telenbagayɛ ye tala a yarɔ nyɔ ka ta kilɛ lakala a ye.

Yaburi 90:14

Ila hinɛ yira ma la subaga ma. Wo si a ma, ma siyi-tele-bɛɛ kɔrɔ, ma si sigi sa sewɛ rɔ.

Keninteya-Siginu 5:1

N bara na nna nakɔɛ rɔ gbɛ! Fen-suma-diyamɛ minnu bi a rɔ, n bi wonu madɛnna. N bi nna liyi anubɛ a fafɛ dɔn tinɛ le gbɛ! N bi nna gbɛɛ anubɛ nna nono-minyɛ le kun na gbɛ! Wole keninte-ma-filɛ, wo ni wo yanban ka wo min ha diyanayɛ ni sɔ wo yɛ la.

Aiseya 25:6

Mari Sɛnbɛ-Bɛɛ-Tigi si ladiyɛ rabɛn duninya-mɔgɛ bɛɛ ye ata kɔnkɔ-sɛnimɛ kuma. Dɔn-fen-hakikɛ anubɛ minni-fen-diyamɛ su bɛɛ si taran nyɔ.

Aiseya 61:6

Anu si wo kele ko Marita saraka-masɔlɛnu. Mɔgɛnu si wo lɔn Allata wɔli-kɛlɛnu na. Duninya-sibole bɛɛ si na fen-kolomɛnu na wo ye. Wo si a ma, wo wasa ma ni ka.

Yɛrɛmaya 31:25

Fanka sa minnu na, a si wonu kolo gbɛlɛya tun. Kɔnkɛ ara minnu bɔ anu su la, a si wonu buyi lafa.

Yɛrɛmaya 33:9

Yerusalɛm si ale Mari lasewa. A si gbiliyɛ sɔrɔn ka a wasi soe wo la. Ale Mari ko a ara min kɛ Yerusalɛm ye, sibolo-gbɛrɛnu ba a lamɔɛn a ara anu nama-a-la nya min, anu si to yɛrɛyɛrɛnna kilan bolo.

Yɛrɛmaya 50:19

A ko a si Isirɛla mɔgɛnu nasɛgi anu halala-nyamanɛ rɔ. Dɔn-fan min bi bɔla Kamɛli kɔnkɛ kuma wo, anubɛ min bi bɔla Basan nyamanɛ rɔ wo, a ko anu si to wonu dɔnna. Ifɛrɛm bɔnsɔn nyamanɛ dɔn-fan wo, Kaliyadi bɔnsɔn nyamanɛ dɔn-fan wo, anu ni to fala wonu na.

Isikiyɛli 34:14

N si a ma, anu nafɛrɛnɛ ni to anu de-nyinina kɔnkɔ-tɛma-lɛɛnu tɔ Isirɛla nyamanɛ mumɛ rɔ.

Hegayi 2:19

Wo ma a yen? Dɔn-fen sa wo bolo. Hali wola nɔnbɔ-kurinu anubɛ wola toro-kurinu anubɛ wola ɔlifi-kurinu sa gbɔla. Kɔnɔ ka a dabira kaka ma, Mari si ata duwɛ layigi wo kuma.”

Matiyu 5:6

Mɔgɔ-sewanɛ le wo mɔgɛ la Alla sako-kɛ-koe di min ye bawo Alla si wo tigi wasa feu!

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.

Ɛfɛsa 3:19

N bi a matarala ko wo ni ala keninteyɛ lɔn yati, ado hadama-dan ti ban wo nya-yenna. N bi a fɛ, wo ni wo lɔn alako a Fa Alla nyɛrɛta kɛ-nya ni wara wole rɔ.

Tɔn-Fɔɛ-Fila-Nyɔgɛ 33:23

Musa ya kɛ fɔ Nafatali bɔnsɔn-mɔgɛnuna ko la ko, “Marita duwɛ tora anu fɛ kosɛbɛ! A si nyamanɛ di anu ma min bi Kalili dalɛ tɔgɔfɛ.”

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

Lankɛnimayɛ 5:10

I wara anu ma sibole anubɛ saraka-masɔlɛnu na minnu si wɔli mata Alla ye, ado anu si kun-tigiyɛ kɛ dugu-kole kuma.”