Yɛrɛmaya 31:13 - ALLALA KUMƐ

¹³ Sunkurɔnnu si anu dɔn sewa-wati wo rɔ. Kɛmɔgɛnu anubɛ kemini-mɛsɛnu fanani si anu dɔn anu fɛ. Mari ko a si anuna yisi-magboyɛ yɛlɛma anu ye, nyagalan la. A si anuna yisi-tinyɛ ma anu ye, kɔntɔ-diyɛ la.

Yɛrɛmaya 31:13 ပူးပေါင်းရင်းမြစ်များ

Ɛsira 6:22

Tele wɔrɔnfila dɛgɛdɛgɛ, anu bi Biredi-Yɛlɛbɛlɛ-Dɔn-Ladɛn kun na sewɛ rɔ. Anu bi sewɛ rɔ bawo Mari le ya a ma, mansɛ min bi Asiriya nyamanɛ kun na, anuna hinɛ donta wo rɔ. Mansɛ wo tora anu madɛnbɛna Isirɛlata Alla Bato-Bɔn sɔ-koe rɔ.

Nihɛmaya 12:27

Anu wuli tarɛ dantɛgɛla Mari ma Yerusalɛm soe burɔ, anu ya kilayɛ lata Lifayi bɛɛ ma Yuda nyamanɛ rɔ alako anu ni na kofu anu ma ladɛn wo rɔ. Anu ya wo ma le alako wonu ni na anu dɛnbɛ baraka-bira-bɛti-bɔɛ anubɛ wasanba-fɔɛ anubɛ sɔrɔn-fɔɛnu na.

Nihɛmaya 12:43

Mɔgɛnu ya saraka-siyaman nabɔ wulɔn tele rɔ, ado anu sewara dɔgɔma-ma-de bawo Alla le ya anu nasewa. Musinu anubɛ dennɛnu kofura anu ma. Mɔgɔ tenbi wula-yan la, a ye anu wɔyɔ-kan lamɔɛnna sewɛ bolo.

Ɛsita 9:22

bawo anu ya lafɛrɛ sɔrɔn anu yogenu bolo tele filɛ wo le ma. Anuna kɔndɔfili anubɛ anuna yakɔrɔ-mamɔɛ mara anu bolo kun-nadiyɛ la karɛ wo le la. A sɛbɛnɛ a rɔ fanan ko anu ni ladiyɛ anubɛ tolɔn kɛ wulɔn ka to anu nyɔgɔn kɔla katarala bolo-kolɔnnu ma.

Yaburi 126:5

Minnu si fen-fuyi kɛ yisi-tinyɛ rɔ, wonu denu si fen-tɛgɛ-kɛ sewɛ rɔ.

Yaburi 148:12

a sunkurun-mɛsɛ wo, a kemini-mɛsɛ wo, a denni wo, a kina wo, wonu damasi ni Mari tanto.

Yaburi 149:3

Ma ni ma dɔn a tɔgɛ tanto tinɛ. Ma ni wasanbɛ lamaga ka sɔrɔn kɛ-a-rɔ a matɔgɔ tinɛ.

Yaburi 30:11

I wara nna diyi yɛlɛma n ye sewɛ la. I wara di-kɛ-bɔrɛ bɔ n kan na ka sewa-bɔrɛ don n kan na wo gbɛ rɔ.

Aiseya 12:1

Wati ye nala, mɔgɛnu si to bɛti bɔla ko, “E, Mari, n bi i matɔgɔla. Hali i fununɛ ye ma la nun kɔnɔ mala diminyɛ sa i bolo tun, ado i ye ma ladiyala.

Aiseya 35:10

Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Aiseya 51:11

I ya minnu niyi lakisi, wonu sewamatoe si ta Yerusalɛm. Anu si ta tolonna sewɛ la anu bolo. Anu sewanɛ si to habadan! Mɔnɛ anubɛ tɔrɛ si to-a-rɔ anu ma yen!

Aiseya 51:3

Mari ko a si kinikini Yerusalɛm soe ma, min bi tonbonyɛ la nun, kɔni. Hali ala dugi mara kɛnkɛn-dugi la, a ko a si nyɔ ma dugu-lamonɛ la a ye. Sewɛ anubɛ kɔntɔdiyɛ si taran nyɔ kati! Mɔgɛnu si baraka-bira-siginu sa ka a tanto tolon!

Aiseya 60:20

Yili si kiri ita diminya-dan la. Ale Mari si ma ita wan-takanɛ la tolon! Wo si a laban ka tenbi tele anubɛ karɛtɛ la.

Aiseya 61:2

Mɔgɛnu bi hɔrɔyala san min na, Mari ya n sɔ ka wo le wara-koe fɔ anu ye. Wo wati wa ke, Alla si karagbɛlɛnu tɔrɔ. Min bɛɛsi kɔrɔtɔnɛ, a ya n sɔ ka wonu manugu-nɛgɛ.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Yɛrɛmaya 31:4

A ko a si wole, a diyana-mɔgɛnu nasɔ kurɛ kɛ tun. Wo si wola wasanbɛ bi ka tolɔn buta a ma tun.

Sakaraya 8:19

A ko wo ye sunyɛ min donna san karɛ nani, anubɛ karɛ loli, anubɛ karɛ wɔrɔnfilɛ anubɛ karɛ tan ma, wonu si ma wola ladiya-ladɛn-karɛnu na Yuda kɛnu ye. Kɔnɔ a ko fɔ tonyɛ anubɛ yisi-kimɛ ni diya wo ye.

Yɔni 16:22

A ye wo nya le wole fanan bolo. Wo yisi si gbala kaka kɔnɔ n si wo yen tun. Wo yisinu si fa sewɛ sifa wo la, mɔgɔ ti ke min bila wo bolo.