Yɛrɛmaya 29:32 - ALLALA KUMƐ

³² Bawo Sɛmaya ara wo ma, Mari ko a ti mɛ Sɛmaya tɔrɔla tun. A ko Mari ye wɔli-nyimɛ min kɛla ata mɔgɛnu ye, ale Sɛmaya ti bɛn wonu tɔ. Hali ala kebila-mɔgɔ den kelen ti taran Isirɛla mɔgɛnu tɛma tun bawo a ya mɔgɛnu nabila murutiyɛ ma Mari kan ma. Mari nyɛrɛ kan le kɛ la.

Yɛrɛmaya 29:32 ပူးပေါင်းရင်းမြစ်များ

1 Mansɛnu 13:18

Nɛbi-kɛmɔgɛ wo ya a fɔ a ye ko, “Nɛbi le nde fanan na iko ile. Marita melika ya kɛ le fɔ n ye ko fɔ n ni na i bi kilɛ la. Ma ni ta fen-dɔn-kɛ ma nyɔgɔn fɛ ka ma min.” Kɔnɔ Nɛbi-kɛmɔgɛ wo ya foninyɛ le fɔ wo la.

2 Mansɛnu 5:27

Nba, ka a tɛgɛ i sɔn kɛ ma, kirayɛ min bi Neyaman ma nun, wo si bɔ ile ma. Kirayɛ wo si to bɔla i kegeyɛnu ma burubukai!” Kɛhasi bɔnɛ a dafɛ nyɔ, kirayɛ wo wuyara a ma pi! A fɛrɛ gbɛra a ma iko bɛgi-gbɛ.

2 Mansɛnu 7:2

Ale mansa-makandannɛ ya a fɔ Nɛbi Ilaisa ye ko, “Wo ti ma mumɛ! Hali Mari ya fui-fan bɛɛ layigi a nyɔgɔn fɛ, kɛ ti ma hali!” Nɛbi ya a fɔ a ye ko, “Ile nyɛrɛ si a yen i yɛ la sina kɔnɔ i ti fen dɔn a rɔ muk!”

Bɔ-Koe-Iyipiti 20:5

wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.

Aiseya 14:20

Anu ma i togon iko mansɛ doinu bara togon nya min bawo i ya ila nyamanɛ kasara ka ila nyamanita-mɔgɛnu faga. I sɔn ye ila denbayɛ bɛɛsi bolo ma. Wo fenfen ti to a niyi la.

Aiseya 14:22

Mari Sɛnbɛ-Bɛɛ-Tigi ye a fɔla ko a si Babilɔn nyamanɛ kɛlɛ ka a kasara pɔ! A ko a ti mɔgɔ-wo-mɔgɔ to a niyi la hali dennɛnu.

Yɛrɛmaya 17:6

Mɔgɛ wo mani de iko fan min kinɛ dugu-ragbalanɛ rɔ, ado a ye kan min, mɔgɛ ti ke sigila nyɔ. Nyɔ kaliyanɛ kodokodo, ado dugu-karakasɛ le. Alla ye ko-nyimɛ minnu niyi la, ale ti wo nya-yen.

Yɛrɛmaya 20:6

A ko wo yogenu si ta ale Pasura, anubɛ ala bonna-mɔgɛnu na anu bolo fɔɔ Babilɔn. Anu si anu bira fɔrɔsɛ la ka ta anu natoron-toronna. Anu bi anu togonna nyɔ le. Ale Pasura ya wɔlɔyiya-foninya-kumɛ fɔ a diyana-mɔgɛ minnu ye, wonu dama fanan si faga nyɔ ka togon nyɔ.

Yɛrɛmaya 22:30

Ale Mari ko a ara ban a latɛgɛla ko fɔ ale Mansa Yɛhoyasin kɔrɔ wa kolonya filili! A wara-koe ti ta yarɔ muk! A kegeya-wo-kegeya ti taran a gbɛ rɔ Yuda nyamanɛ kun na Mansa Dawudata bɔn la. Mari kan le kɛ la.

Yɛrɛmaya 28:16

Woletɔ Mari ko a ti mɛ tun, a si i firan duninya ma. A ko bawo i wara a ma, mɔgɛnu bara anu kan-kɔ sɔ Mari la min kɛ, i si faga nyina san kɛ la.”

Yɛrɛmaya 29:24

Mari Sɛnbɛ-Bɛɛ-Tigi, Isirɛlata Alla, kɔni, wo ya sarakanɛ di n ma Sɛmayala ko la min bɔra Nɛhɛlam kebilɛ la. Ale Sɛmaya ya kɛdi sɛbɛ Meyaseyala den Sɛfanaya ma min bi saraka-masɔ-wɔlɛ kɛla. A ya wo sɛbɛ saraka-masɔlɛ toenu anubɛ Yerusalɛm kɛnu fanan ma a nyɛrɛta miriya rɔ. A ya min sɛbɛ Sɛfanaya ma kɛdi kɛ rɔ, wo le kɛ la.

Yɛrɛmaya 30:1

Isirɛlata Mari Alla ya a fɔ nde, Yɛrɛmaya ye ko a ara min bɛɛ fɔ n ye, n ni wo sɛbɛ buku do rɔ.

Yɛrɛmaya 35:19

a ara lanyiri kiri wo ye ko Yonadabu kebilɛ si to den-keinu sɔrɔnna min si to wɔlɛ kɛla ale Mari ye.”

Yɛrɛmaya 36:31

Ale mansɛ wo, a kegeyɛ wo, ala mɔgɔ-ba wo, Mari ko a si anu dama tɔrɔ tɛrr ka a tɛgɛ anu hakɛ ma. Ale mansɛ wo, a Yerusalɛm ka wo, anubɛ a Yuda kɛ toe wo, a ko anu do-wo-do ma anu tole masɔ ata kawandili-kan la. Woletɔ a ara kasarɛ min wara-koe fɔ tɛrr, a ye nala wo sigila anu ma.

Isikiyɛli 20:38

N si hakɛ-tiginu anubɛ mɔgɔ-murutiyanɛnu wurun anu tɛma. N si anu bɔ dugi wonu tɔ anu bi kan min kaka kɔnɔ n ti sɔn anu ni sɛgi tun Isirɛla nyamanɛ rɔ. Anu si a lɔn wo le ma ko anuta Mari le nde la.

Emɔsi 7:17

Nba, ile Saraka-Masɔla-Kun-Tigi-Wɛ Hamasa, i ni i tole masɔ Mari ye nala min fɔla i wara-koe rɔ. Mari ko ila musi si ma yɛlan la ka to yilan-yilanna keinu kuma. Ila dannu si to kɛlɛ rɔ. Wo yogenu si na wola nyamanɛ kɛ bi wo bolo ka a tala anu nyɔgɔn na. Anu si ta Isirɛla mɔgɛnu na ka anu ma yɔɔnnu na nyamani-gbɛrɛ rɔ. Ile Hamasa nyɛrɛ-nyɛrɛ si faga nyamani-gbɛrɛ rɔ.”

Emɔsi 9:10

A ko minnu ba a fɔ ko, “Alla ti sɔn ko-wo-ko ni male dumɛ,” hakɛ-tigi wonu kunyɛ si to kɛlɛ rɔ.

Tɔn-Fɔɛ-Fila-Nyɔgɛ 13:5

Ni wɔlɔyi anubɛ kiyo-kɔrɔ-takarannɛ do ya wo labila kɛwuyɛ do la alako wo ni murutiya Alla ma, wo si wo tigi faga. Wota Mari le ya wo kunka ka wo labɔ Iyipiti nyamanɛ rɔ. Maritɛ le wole la gbɛ! Mɔgɔ-sufa wo yogo. A sɔgɛ ye mɔgɔ-sufa wo la ka wo labɔ Allata kilɛ fɛ. Wo si a faga alako ka ko-yogoma-sufa wonu nabɔ wo tɛma.