Yɛrɛmaya 29:26 - ALLALA KUMƐ

²⁶ Sɛmaya ko Mari ya Sɛfanaya sɔ Saraka-Masɔla Yɛhoyada gbɛ le tɔ Bato-Bon-kun-tigiyɛ la. A ko ata wɔlɛ le ko mɔgɔ-rakolɔn fenfen min si a nyɛrɛ ma nɛbi la, ale Sɛfanaya ni wo bole anubɛ wo kian sa banban la ka yɔlɔkɛ sɔ wo kan la.

Yɛrɛmaya 29:26 ပူးပေါင်းရင်းမြစ်များ

2 Mansɛnu 11:15

Bawo a ma di Saraka-Masɔla Yɛhoyada ye ko anu ni Atalaya faga Bato-Bɔn dafɛ nyɔ, woletɔ a ya a fɔ kandali-kɛlɛ wonuna kun-tiginu ye ko, “Wo ni a bi ka a labɔ. A ni ta kandali-kɛlɛnu tɛma. Ni mɔgɔ-wo-mɔgɔ bilara a fɛ ko a ye a lakisila, wo ni wo tigi faga.”

2 Mansɛnu 11:18

Nyɔ-nyamanita-mɔgɛ wo damasi wulita ka ta bɔn wo la anu si Beyali kɔ kan min. Anu ya saraka-bɔ-tinɛnu tinya nyɔ ka bɛsɛ wonu tinya. Anu ya bɔn wo tinya fanan. Wo kɔma, anuna bɛsi-kɔlɛ min tɔgɛ Matan, anu ya wo fanan faga saraka-mintan-tinɛnu dafɛ nyɔ. Yɛhoyada ya kandali-kɛlɛ donu to Mari Bato-Bɔn makandan tinɛ nyɔ.

2 Mansɛnu 9:11

Yehu fanan bɔra ka ta a ta-nyɔgɛnu tɛma ladɛn wo rɔ. Wonu ya a manyinika ko, “Yuwɛ kɛ ya i kele nfen yuwaya-kuma ma nun? Tana ma bɔ nyɔ, nyɛ?” Yehu ya a fɔ anu ye ko, “Wo ya mɔgɔ-sufa kɛla kuma-bole lɔn.”

2 Ko-Kɔrɔta-Karan 16:10

Mansa Esa diminyara nɛbi wo ma ha a ya a sa banba la. A donta ko-yogoma-kɛ la ata mɔgɛ donu na wo wati rɔ.

2 Ko-Kɔrɔta-Karan 18:26

Anu ni a ladon yele la. Anu kana fenfen di a ma fɔ biredi anubɛ yi ha n kɛndɛ ni sɛgi tun ka bɔ kɛlɛ rɔ.”

Yɛrɛmaya 29:27

A ya a manyinika ni min ya a to a ma yɔlɔkɛ kɛ nde, Anatɔti kɛ Yɛrɛmaya ma, nde min kumara mɔgɛnu ye iko nɛbi. A ko nde ya a fɔ Babilɔn mɔgɔ-biranɛnu ye ko anu si mɛ biralɛ rɔ nyɔ. Anu ni bɔnnu sɔ nyɔ ka anu sigi-bole rabɛn. Anu ni dɔn-fannu ki ka to wonu gbɔɛ dɔnna. Sɛmaya ko anu ni n nakala, n kana wonu fɔ.

Yɛrɛmaya 38:28

Anu ya n namara n gbɛ rɔ kata burɔ nyɔ ha anu nara Yerusalɛm soe bira lunyɛ min.

Yɛrɛmaya 38:6

Anu ya n nayigi yili la mansɛla den Malakiyala kɔlɔn rɔ kata burɔ mansɛla bolɔn la. Wo ya a taran, a ragbalanɛ fɔ bore min bi nyɔ. N yigira bore wo rɔ pirin!

Hoseya 9:7

Wo tɔrɔ-wati ara ke. Wo si wotɛ sɔrɔn iko a bɛnta wo ni a sɔrɔn nya min. Wo tumɛ wa ke, wole Isirɛla mɔgɛnu si a lɔn yati, ko wo tɔrɔya-wati ara ke. Wo ye a fɔla ko, “Nɛbi kɛ, yuwɛ le kɛ la.” Wo hakɛ da ara koloya min kɛ, woletɔ n gboyanɛ wo ye dɔgɔma-ma-de!

Sakaraya 13:1

Wo wati wa ke, Mari Sɛnbɛ-Bɛɛ-Tigi ko tenke si bɔ alako Mansa Dawuda kegeyɛnubɛ Yerusalɛm kɛnu ni anu ku a rɔ ka anu hakɛ anubɛ anuna bɛsi-kɔ-koe ku anu ma feufeu!

Matiyu 21:23

Yisa tara Alla-Bato-Bɔn la tun. A ye mɔgɛnu karanna tumɛ min, saraka-masɔla-wɛnu anubɛ Yahudiya-kɛmɔgɛnu nara a wara ka a manyinika ko, “I ye koe kɛnu kɛla nfen sɛnbɛ la? Yon ya sɛnbɛ kɛ di i ma?”

Maraka 3:21

A warɛ-mɔgɛnu ya wo lamɔɛn tumɛ min, anu tara a bi tinɛ bawo anu miri ko a ara yuwaya!

Yɔni 10:20

Anu siyaman ya a fɔ ko, “Nyinatoe le! A ara yuwaya! Mɔgɔ si a tole masɔ wo la nfenna?”

Yɔni 10:33

Yahudiyanu ya a yabi ko, “Ma sa i mabonna ila kɛwɔli-nyima-fenfenna ko la. Ma ye i mabonna bawo i ye Alla lafɛyala! Mɔgɛ le ile la dɔrɔn kɔnɔ i ye i nyɛrɛ mala Alla la!”

Yɔni 8:53

Ma fa Iburayima fagara. I miri ko i tenbira Iburayima la, wa? Nɛbinu bara faga fanan. I miriya ye kama?”

Kɛwɔlɛnu 16:24

Yele-kandannɛ wo ya a ma iko a fɔra a ye nya min. A ya anu nakɛ yele burɔ pon ka anu kiannu sa kurɔn la gben!

Kɛwɔlɛnu 26:11

N ya anu tɔrɔ mata dina-bɔnnu na kinyama siyaman. N ya n taya ko anu ni anuna dɛnkɛninyɛ boloka. N yisi bɔra anu kan ma ha n tara sibolo-gbɛrɛnuta soenu tɔ anu tɔrɔ tinɛ.

Kɛwɔlɛnu 26:24

Pɔli ye a nyɛrɛ fɛkala tumɛ min, Sigisɔn-Mansa Fɛsitasi kumara a ma kan-mayɛlɛnɛ la ko, “Pɔli, i wara yuwaya. Ila karan-wɛ kɛ ye i layuwayala.”

Kɛwɔlɛnu 26:25

Kɔnɔ Pɔli ya a fɔ a ye ko, “N tigi Fɛsitasi, n yuwayani ma. N bi kuma-kɛndɛ anubɛ tonya-kumɛnu denu fɔla,

Kɛwɔlɛnu 4:1

Pita anubɛ Yɔni ye kumala mɔgɛnu ye tumɛ min, saraka-masɔlɛ donu wo, Alla-Bato-Bɔn makandanna kun-tigi wo, anubɛ Sadusi donu nara anu bara.

Kɛwɔlɛnu 5:18

Anu ya Marita kilayɛnu bira mɔgɛnu yala ka anu sa yele la.

Kɛwɔlɛnu 5:24

Alla-Bato-Bon-makandannɛnuna kun-tigi anubɛ saraka-masɔla-wɛnu ya wo lamɔɛn tumɛ min, anu kɔndɔfilita. Anu ma a lɔn ni min bara ma kilayɛ wonu na.

2 Kɔrɛnti 11:33

Kɔnɔ n diyana-mɔgɛnu ya n nayigi sende rɔ ka n natenbi tarɛ kɔma alako n ni bɔ anu bolo.

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.