Yɛrɛmaya 29:22 - ALLALA KUMƐ

^22-23 Anu bara sɔn-yogoya-siyaman kɛ Isirɛla mɔgɛnu tɛma. Anu yilikinɛ ka a tɛgɛ yɛlɛnyɛ ma anu sigi-nyɔgɔ-musi keni, kɔni. Wo kɔma, anu bi foninyɛ fɔla, ado anu bi a fɔla ko Mari nyɛrɛ kan le. Mari ko a ma fenfen fɔ anu ye. A ko anu bara ko-yogomɛ min bɛɛ kɛ, ale Mari ye wo kalama, ado Mari ko sere le ale la anu kan ma. Ka a tɛgɛ wo ma, wole Yuda kɛ minnu bi biralɛ rɔ, wo si dankali kɛ ko, “Alamɛ Mari ya wo bira iko Babilɔn mansɛ ya Sɛdɛkaya anubɛ Ehabu mintan nya min gburr, anu bi anu kɛndɛ la tumɛ min.” Mari kan le kɛ la.

Yɛrɛmaya 29:22 ပူးပေါင်းရင်းမြစ်များ

Ko-Dabirɛnu 48:20

Yakoba ya anuna duwɛ makofu wulɔn ko, “Isirɛla mɔgɛnu tenbi duwala, anu si duwɛ wo sanka ila dan kɛnu denu ma ka a fɔ ko, ‘Alamɛ i mara iko Ifɛrɛm anubɛ Manasa ye nya min.’ ” Woletɔ Yakoba ya Ifɛrɛm sɔ a kɔrɔ Manasa yarɔ duwɛ fɛ.

Yaburi 102:8

Telen-gbɛn, n yogenu bi n manyinina. Minnu bi n mɔɛnna, wonu bi n tɔgɛ mala dankali-kɛ-fan la.

Aiseya 65:15

Wole karagbɛlɛnu tɔgɔ-ratɛgɛ mani de ala wɔli-kɛlɛnu bolo iko mɔɛn, ado ale Mari Alla nyɛrɛ le ye wo fagala. Kɔnɔ ale si ata wɔli-kɛlɛnu kele tɔgɔ-gbɛrɛ la.

Daniyɛli 3:21

Wonu ya anu kiri gben! Anu ma anuna durukinu bɔ anu kan na anubɛ anuna kurusinu, hali anuna fulɛnu. Anu ya anubɛ wonu nafili sulubondon tɛ rɔ.

Daniyɛli 3:6

Ni mɔgɔ-wo-mɔgɔ ma sɔn a madula a kɔrɔ ka a matɔgɔ, anu si wo mɔgɛ lakɛ sulubondon tɛ rɔ tiriya!”

1 Kɔrɛnti 16:22

Ni min ti Mari keni, dankatoe le wo tigi la. Ma Mari, na!

Ruti 4:11

Mɔgɔ-ba wonu ya a fɔ ko, “Male ara ma i sereyɛ la.” Mɔgɔ-ba wonu ya duwɛ dabira Bowasi ye, anu ko, “Alamɛ ila musi Ruti yirita iko ma benba Yakobata musinu Resɛli anubɛ Liya yirita nya min. Alamɛ ile mara bana la Ɛfarati kebilɛ la ka ma tɔgɔ-tigi la Bɛtalehɛm soe kɛ rɔ.