Yɛrɛmaya 29:21 - ALLALA KUMƐ

²¹ Mari Sɛnbɛ-Bɛɛ-Tigi, Isirɛlata Alla, kɔni, wo kumara mɔgɔ fila wara-koe rɔ, Kolayala den Ehabu anubɛ Meyaseyala den Sɛdɛkaya. A ko mɔgɔ filɛ kɛnu bara nɛbiya-kumɛnu fɔ wo ye foninyɛ rɔ. Anu bi a fɔla ko Mari le ya sarakanɛ wonu di anu ma. Mari ko a si foninya-nɛbi filɛ kɛnu don Babilɔn Mansa Nɛbukanasa bolo. Ale mansɛ si anu faga wo dama yala.

Yɛrɛmaya 29:21 ပူးပေါင်းရင်းမြစ်များ

Yɛrɛmaya 20:4

Mari ko a ara a tɔgɛ yɛlɛma bawo ale anubɛ a diyana-mɔgɛnu kun ma ni kɔ anu nyɛrɛ kuma. A ko a yogenu tenbi a diyana-mɔgɛnu fagala, a si a yɛ bɛn wonu ma. A ko ale Mari si wole, Yuda mɔgɛ bɛɛ don Babilɔn mansɛ bolo min si wo bira ka ta wo la Babilɔn. Ni wo ma, Babilɔn kɛlɛ-dannu si mɔgɔ-biranɛ wo donu faga.

Yɛrɛmaya 20:6

A ko wo yogenu si ta ale Pasura, anubɛ ala bonna-mɔgɛnu na anu bolo fɔɔ Babilɔn. Anu si anu bira fɔrɔsɛ la ka ta anu natoron-toronna. Anu bi anu togonna nyɔ le. Ale Pasura ya wɔlɔyiya-foninya-kumɛ fɔ a diyana-mɔgɛ minnu ye, wonu dama fanan si faga nyɔ ka togon nyɔ.

Yɛrɛmaya 23:14

Kɔnɔ nɛbi minnu bi Yerusalɛm, wonuna sɔn-yogoyɛ tenbira Samariya kɛnutɛ la. Anu sa fenfen kun na fɔ yɛlɛnyɛ anubɛ foninya-fɔɛ. Anu sa fenfen kun na fɔ ka mɔgɛnu nadon ko-yogoma-kɛ rɔ. Mɔgɔ-wo-mɔgɔ sa nyɔ min si a fara ko-yogoma-kɛ la. Mari ko anu yogo a yala iko mɔgɛ minnu siginɛ Sɔdɔm anubɛ Kɔmɔra soenu burɔ nun.

Yɛrɛmaya 29:15

Tumado wo ye a fɔla ko Mari ara nɛbinu di wo ma Babilɔn nyɔ.

Nimisa Koe 2:14

Ila nɛbinu sa fenfen fɔla i ye fɔ foninyɛ gbansan! Anu ma sɔn ila mɔgɛnu hakɛ yirala anu na min si a ma nun, anu kana ta biralɛ rɔ. Ka wo sɔn wo hakɛ la, anu bi a mala wo bɔrɔbɔnɛ wo ye.

2 Pita 2:1

Foninya-nɛbinu bi fɔlɔ-mɔgɛnu tɛma nya min nun, foninya-karan-mɔgɛnu si taran wo fanan tɛma wo nya na le. Anu si na foninya-karan la, min si halakilɛ kɛ. Mari min ya anu hɔrɔya, anu ya anu kan-kɔ sɔ wo la. Wo si halaki-lakalimɛ lana anu nyɛrɛ kuma.