Yɛrɛmaya 29:17 - ALLALA KUMƐ

¹⁷ Mari Sɛnbɛ-Bɛɛ-Tigi ko kɛlɛ-fitini wo, kɔnkɔ-fitini wo, kiraya-fitini wo, a si wonu nata Yerusalɛm kɛnu ma kaka. A ko a si anu ma iko toro-gbɔ-tulunɛ minnu ti dɔn tun.

Yɛrɛmaya 29:17 ပူးပေါင်းရင်းမြစ်များ

Yɛrɛmaya 27:8

Nde, Yɛrɛmaya ya n sara kilayɛ wonu na ka ta a fɔ anuna mansɛnu ye ko ni nyamanɛ min ma sɔn a kunyɛ ladonna ale Nɛbukanasata kanma-kɔlɔma rɔ, Mari ko a si nyamanɛ wo tɔrɔ kɛlɛ anubɛ kɔnkɔ-fitinɛ anubɛ kirayɛ la. Nɛbukanasa si nyamanɛ wo halaki pɔ!

Yɛrɛmaya 29:18

A ko a si kɛlɛ anubɛ kɔnkɛ anubɛ kirayɛ ma anu gben-fan la, ado sibolo-gbɛrɛnu ba anu yen tumɛ min, anu kuma si tɛgɛ wao! Mɔgɛnu si anu manyini ka anu tɔgɛ ma dankali-kɛ-fan la.

Yɛrɛmaya 32:24

“Babilɔn kɛnu bara bɔnkɛ ladɛn tarɛ kɔma alako anu ni Yerusalɛm soe bira, ado anu bi ma kɛlɛ-tinɛ le. Kɛlɛ wo, kɔnkɔ wo, anubɛ kirayɛ si a ma, soe kɛ ni don anu bolo. I wara min bɛɛ fɔ, i ma a yen, wo bɛɛ ara bɔ-a-la,

Yɛrɛmaya 43:11

Nɛbukanasa si na Iyipiti nɔ feu! Minnu bɛnta, anu tɔgɔ ni to kirayɛ la, wonu tɔgɔ si to kirayɛ la. Minnu bɛnta, anu ni ta birɛ rɔ, fɔ wonu ba ta birɛ rɔ. Minnu bɛnta, anu tɔgɔ ni to kɛlɛ la, wonu tɔgɔ ye tola wo le la.

Yɛrɛmaya 52:6

A san tan-ni-kelen-nyɔgɛ, a karɛ nani, a tele kɔnɔntɛ ma, Babilɔn kɛnu kera tarɛ punsɔgɔla ka don, ado wo ya a taran, kɔnkɛ ara mɔgɛnu malɔfɔkɔrɔya, fenfen sa anu si min dɔn. Hali Yerusalɛm soe lafoonɛ Babilɔn kɛlɛ-dannu na kɔnɔ Yerusalɛm mansɛ anubɛ ala kɛlɛ-dannu ya anu buri tala pinpi rɔ. Anu tenbira anuna mansɛla nakorɔ-kilɛ la. Tarɛ kun-da filɛ latugun tinɛ, anu tenbira nyɔ le. Anu tara Yorodan-ba-lɛɛ wara la.

Luka 21:11

Dugu-yɛrɛyɛran si kɛ anubɛ kɔnkɔ-fitinɛ anubɛ kiraya-fitinɛnu kan tina siyaman tɔ. Ko-makilannɛnu anubɛ tamasere-wɛnu si kɛ san-kole rɔ fanan.

Luka 21:23

Wo telenu tɔ, gbalo-belebele si na musu-kolomɛnu anubɛ denbɛnu kuma! Gbalo-yogoma-wɛ si na nyamanɛ kɛ rɔ. Allala diminyɛ si na mɔgɛ kɛnu kan ma.

Lankɛnimayɛ 6:8

N ya so-pɔrɔkɔsɛ yen. Min siginɛ a kuma, wo tɔgɛ “Sayɛ.” Lakira bilanɛ a kɔma. Alla ya sarati di sayɛ anubɛ lakira ma ka mɔgɛnu faga kɛlɛ anubɛ kɔnkɔ-fitinɛ anubɛ kirayɛ anubɛ sogo-feremɛnu na duninya-tonko-nanɛ wo kelan tɔ.