Yɛrɛmaya 29:14 - ALLALA KUMƐ

¹⁴ A ko a si a ma, wo ni a yen. A si wo bɔ biralɛ rɔ ka sɛgi wo la wo halala-nyamanɛ rɔ yan. A ko hali a ara wo fɔrɔsɛ ko wo ni bɔ Yerusalɛm, a si wo yatɔnbɔn sibolo-gbɛrɛnu tɛma. A ya wo lata biralɛ rɔ kan tinɛ minnu tɔ, a ko a si wo kundɛn kan-tina-kelen ka na wo la Yerusalɛm yan. Ale Mari kan le.

Yɛrɛmaya 29:14 ပူးပေါင်းရင်းမြစ်များ

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

Yaburi 126:1

Mari ya ma lasɛgi Yerusalɛm soe burɔ tumɛ min, a mara le iko kiyo.

Yaburi 126:4

Mari, iko bandɛ si yi-woron-kɔrɛ lafa nya min, ma lata yarɔ tun wo nya le.

Yaburi 32:6

Ila mɔgɔ-sɛnimɛnu si ke tubila wati min, anu si i madiya wati wo le tɔ. Woletɔ tɔrɔya-belebele wa na, a ti anu masɔrɔn.

Yaburi 46:1

Ma latanka-tinɛ anubɛ ma sɛnbɛ le Alla la. Ma tenbi tɔrɔyɛ rɔ, a rabɛnnɛ ma dɛnbɛn-koe la tuma-wo-tuma.

Aiseya 14:1

Mari si kinikini Isirɛla mɔgɛnu ma tun ka anu ma atɛ la. A si a ma, anu ni sigi anu halala-nyamanɛ rɔ tun baff! Sibolo-gbɛrɛnu si sigi anu tɛma.

Aiseya 43:5

Ma kana kilan bawo a ye ma fɛ. A ko a si na mala mɔgɛnu na ka bɔ tele-bɔɛ anubɛ tele-yigi pon!

Aiseya 43:6

A si a fɔ kantɔ-nyamanɛnu ye ko anu ni mala mɔgɛnu boloka. A si a fɔ dugula-mɔgɛnu fanan ye ko mala mɔgɛnu kana na to birɛ rɔ anu bolo. A ko mala mɔgɛnu ni sɛgi ka bɔ nyamani-yannu tɔ duninya-tonko-nanɛ bɛɛ rɔ.

Aiseya 45:19

A ko a sa kumala dogɔn rɔ. A ma ala ko-ladan-nya to pinpi rɔ. A ko a ma a fɔ male Isirɛla mɔgɛnu ye ko ma ni a nyini kan-tina-rakolɔn tɔ. A ko Mari le ale la min si tonyɛ fɔ ma ye. A ye ko-telennɛnu sala gbɛ ma ma ye.

Aiseya 55:6

Mari-nyini-tumɛ le kɛ la yanni tele ni ta wo ma, ado a rakele-tumɛ le kɛ la bawo a gbɛrɛnnɛ wo ma.

Yɛrɛmaya 12:15

A ko a wa ban sibolo-gbɛrɛ wonu wurunna tumɛ min, anuna hinɛ ni na to donna ale rɔ. A ko a si bɛɛ sigi a halala-fen kun na.

Yɛrɛmaya 3:14

Mari ko wole telenbɛlɛnu ni na a ma tun. A ko wo ye ale le bolo. A si mɔgɔ kelen-kelen bi soe bɛɛ rɔ ka mɔgɔ fila-fila bi kebilɛ bɛɛ la. A ko a si na wonu na Yerusalɛm soe burɔ tun.

Yɛrɛmaya 30:10

A ko wole, ata mɔgɛnu, wo kana kilan. Wole Isirɛla mɔgɛnu, wo kuma kana kɔ. A ko a si wo kunyɛ bɔ nyamani-yan wo rɔ wo ye biralɛ rɔ kan min nun, kɔni. A ko wo si sɛgi wo warɛ. Wo ni sigi nyɔ wo fanbolo. Wo si to sigini lafɛrɛ rɔ. Mɔgɔ ti wo rakilan.

Yɛrɛmaya 30:18

Mari ko a si wole, ala mɔgɛnu nasɛgi wo halala-nyamanɛ rɔ tun. A si kinikini wo kebilɛ bɛɛ ma. Yerusalɛm soe si sɔ a gbɛ rɔ tun. Mansɛla bolɔn si sɔ a gba-kɔrɛ rɔ tun.

Yɛrɛmaya 30:3

A ko tumɛ do ye nala, a si koe bɛɛ lakinya iko a ye nya min nun fɔlɔ. Isirɛla mɔgɛnu wo, Yuda mɔgɛnu wo, a si sɛgi wonu na anu barɛ ka bɔ biralɛ rɔ. A ko a ya dugi min di anu benbanu ma, a si wo lasɛgi anu denu ma. A si to anu halalayɛ la. Mari nyɛrɛ kan le kɛ la.

Yɛrɛmaya 31:16

Kɔnɔ Mari ko a ni a fara diyi la. Ale Resɛli ni a yɛ lafiran. A ko a ara wɔlɛ minnu kɛ ala dannu ye, a si a kɔndɔn sɔrɔn wo rɔ. Ala dan wonu si bɔ anu yogenuna nyamanɛ rɔ ka sɛgi anu halala-nyamanɛ rɔ.

Yɛrɛmaya 31:17

A ko yigi ye nyɔ yarɔla ko la bawo ala dannu si sɛgi anu barɛnu tɔ. Mari kan le kɛ la.

Yɛrɛmaya 31:23

Mari Sɛnbɛ-Bɛɛ-Tigi, Isirɛlata Alla ko a wa mɔgɛnu nasɛgi anuna nyamanɛ rɔ tumɛ min, anu si to a fɔla nyɔ ko, “Alamɛ Marita duwɛ yigira ata kɔnkɔ-sɛnimɛ kuma, a mayiginɛ kan min, kɔni.”

Yɛrɛmaya 51:10

Mari ko ala mɔgɛnu bi a sɔnkɔla ko Mari ye a yirala ko yoe ye anu bolo. Anu ko anuta Mari Alla ara min ma, anu ni ta wo fɔ Yerusalɛm kɛnu ye.

Yɛrɛmaya 8:3

Mari Sɛnbɛ-Bɛɛ-Tigi ko wole, mɔgɔ-yogomɛ toe minnu tonɛ, a si wo gben wola nyamanɛ rɔ, ado gbɛlɛyɛ si karagbɛlɛ wonu bira nyamanɛ wonu tɔ ha saya-sɔgɛ ni wo bira a ye wo ranyɛnsɛnna kan min.

Isikiyɛli 37:21

A fɔ anu ye ko nde, anu Tigi Mari si nta mɔgɛnu bɔ sibolo-gbɛrɛnu tɛma anu tanyɛnsɛnnɛ minnu tɛma nun. N si anu kundɛn kan-tina-kelen ka na anu na anu halala-nyamanɛ rɔ.

Isikiyɛli 39:25

N Tigi Mari ya a fɔ n ye ko, “Kaka, n si kinikini Yakoba kegeyɛnu ma, Isirɛla mɔgɛnu, kɔni. N si a ma, anu ni sabati tun. Wo si a ma, n tɔgɔ-sɛninyanɛ ni to.

Emɔsi 9:14

Mari ko a si ala mɔgɛnu nasɛgi anu halala-dugi ma. Anu si anuna so-tinyanɛ sɔ tun ka anu sigi nyɔ. Anu si kɔlɔmanu ki ka anu gbɔɛ dɔn. Anu si ki-fannu ki ka wo fanan dɔn.

Maika 4:12

Kɔnɔ mɔgɛ kɛnu ma a lɔn Mari ara min tabɛn anu kan ma. Anu ma a lɔn ko Mari ara anu nadɛn anu gbesi koe la iko sɛni-salɛ wa fui-fan ladɛn gbere ma a gbesi-koe la.

Sɛfanaya 3:20

A ko wo wati ma fɛ-yan tun. Wola mɔgɛ min bɛɛsi ra ara nyɛnsɛn nun, a ko a si wo damasi kundɛn anu barɛ tun. A ko a si a ma, wo mankan ni ta wuu! A ko a si a ma, wo wara-koe ni ta yarɔ tun! Mari kan le kɛ la de!

Romu 10:20

Wo kɔma, Nɛbi Aiseya ya a kerinteya wo tumɛ a ya a fɔ ko, “Minnuna ko sa Allala ko rɔ, a sɔnta ko wonu fɔlɔn ni a yen. Minnu sa a wara-koe manyinikala, a ara a nyɛrɛ yira wonu na.”

Tɔn-Fɔɛ-Fila-Nyɔgɛ 30:1

“Wota Mari Alla si wo ranyɛnsɛn wo yogenu tɛma. Hali wo ye tɔrɔyɛ kɛnu tɔ, wo hɛnkili si to wota bi-koe ko duwɛ anubɛ dankɛ tɛma.

Tɔn-Fɔɛ-Fila-Nyɔgɛ 30:3

wota Mari Alla fanan si kinikini wo ma. A ya wo don bɔnsɔn minnu bolo nun, a si wo labɔ wonu tɛma. Wola koe bɛɛ si ta a kilɛ fɛ wo bolo tun.

Tɔn-Fɔɛ-Fila-Nyɔgɛ 30:5

A si a ma, wo kegeyɛnu ni anu sigi anu benbanuna tonbon-kɔrɛ rɔ. Wota Mari si a ma, wo ya wo bole don ko-wo-ko rɔ, wo si wo munanfaga ka tenbi wo benbanu na, ado wo si yiri boi, ka tenbi wo benbanu na.

Tɔn-Fɔɛ-Fila-Nyɔgɛ 4:7

Musa ya a fɔ kɛ kɔma tun ko, “Hali sibolo-gbɛrɛkɛ-mɔgɛnu siya ka tenbi ma la, anuta bɛsɛnu sa anu dɛnbɛna iko mata Mari Alla ye ma fɛ nya min ka ma dɛnbɛ ni ma ya a tɔgɛ rakele wati min.