Yɛrɛmaya 28:15 - ALLALA KUMƐ

¹⁵ Wo kɔma, nde, Yɛrɛmaya ya a fɔ Hananaya ye ko, “I tole masɔ. Mari ma i sɔ de! I wara a ma, Yuda kɛnu bara la ila foninyɛnu na.

Yɛrɛmaya 28:15 ပူးပေါင်းရင်းမြစ်များ

1 Mansɛnu 22:23

Nɛbi Mɛkaya ya kumɛ kundon a ye ko, “A ara ma wo nya na le. Mari ara a ma, nɛbi kɛnu bara foninyɛ fɔ i ye ka i mayuwaya. Mari nyɛrɛ-nyɛrɛ ara ban a latɛgɛla ko i si kasara.”

Yɛrɛmaya 20:6

A ko wo yogenu si ta ale Pasura, anubɛ ala bonna-mɔgɛnu na anu bolo fɔɔ Babilɔn. Anu si anu bira fɔrɔsɛ la ka ta anu natoron-toronna. Anu bi anu togonna nyɔ le. Ale Pasura ya wɔlɔyiya-foninya-kumɛ fɔ a diyana-mɔgɛ minnu ye, wonu dama fanan si faga nyɔ ka togon nyɔ.

Yɛrɛmaya 23:21

Mari ko ale ma nɛbi kɛnu sɔ kɔnɔ hali wo, anu burumatoe ye tala anu halala-kumɛnu fɔla. A ko ale ma a sara anu na mumɛ, kɔnɔ hali wo, anu bi kumala a tɔgɛ rɔ.

Yɛrɛmaya 23:31

Nɛbi minnu bi anu nyɛrɛ miriya fɔla, anu kɛnɛna a fɔla ko ale Mari kan le, Mari ko a ye nɛbi-sufa wonu fanan kɛlɛla le.

Yɛrɛmaya 27:15

Mari nyɛrɛ ko ale ma kunta-kumalɛ kɛnu sɔ mumɛ! A ko anu bi ale Mari da-ragbala-tinɛ le. Woletɔ ile anubɛ nɛbi minnu bi foninyɛ fɔla i ye, a ko ale nyɛrɛ si tugu wo la ka wo faga.”

Yɛrɛmaya 28:11

A ya a fɔ mɔgɛ bɛɛ yala ko Babilɔn Mansa Nɛbukanasala kanma-kɔlɔma min bi anuna ko la, Mari ko a si wo rakerikeri wo nya na le. Ale Hananaya ko Babilɔn Mansa Nɛbukanasa ya kanma-kɔlɔma sa sibole bɛɛ kan ma kɔnɔ a ko Mari ko yanni san fila, a si wo rakeri. Kɛ fɔɛ Hananaya bolo, nde, Yɛrɛmaya bɔra Bato-Bɔn la ka ta n ye.

Yɛrɛmaya 29:8

Mari Sɛnbɛ-Bɛɛ-Tigi, Isirɛlata Alla ko wola foninya-nɛbinu anubɛ wola bolo-tafɛlɛnnɛnu kana wo bolo labira. Wo kana wo tole masɔ anuna kiyo-kannu na.

Yɛrɛmaya 7:8

Kɔnɔ i ma a yen, wo lanɛ foninyɛnu na, ado lanaya-fuyi le wonu na.

Nimisa Koe 2:14

Ila nɛbinu sa fenfen fɔla i ye fɔ foninyɛ gbansan! Anu ma sɔn ila mɔgɛnu hakɛ yirala anu na min si a ma nun, anu kana ta biralɛ rɔ. Ka wo sɔn wo hakɛ la, anu bi a mala wo bɔrɔbɔnɛ wo ye.

Isikiyɛli 13:22

“Anu bi mɔgɔ-telennɛnu yisi tɔntɔnna a rɔ anuna foninya-kumɛnu na, ado a ma di n ye, mɔgɔ-telennɛ kɛnu yisi ma ni gboya. Anu bi mɔgɛnu manugu-nɛgɛla alako wonu kana na bɔ anu sɔn-yogomɛnu da kɔrɔ bawo ni wonu bɔra anu sɔn-yogomɛ da kɔrɔ, anu si kisi.

Isikiyɛli 13:6

Anuna ko-rayirɛ anubɛ anuna wɔlɔyiya-kumɛnu, wo bɛɛ foninya-kuma. Anu kɛnɛna nyɛrɛmankola-kumɛnu fɔla ko nde, Mari le ya anu sɔ. Kɔnɔ anu denu mirinɛ ko anu kan wo si bɔ-a-la.

Isikiyɛli 13:9

Ka a tɛgɛ anuna ko-rayirɛ anubɛ anuna foninya-wɔlɔyiya-kuma-fɔɛ wo ma, a ara to sɛ, n ni bila anu tɔ. Nna mɔgɛnu ba anu kundɛn ka koe latɛgɛ anu nyɛrɛ ma, foninya-nɛbi wonu ti bɛn wo rɔ. Isirɛla dugurannu tɔgɛ sɛbɛnɛ kan min, anu denu tɔgɔ ti taran nyɔ hali! Anu ti sɛgi anuna nyamanɛ wo rɔ tun. Wo wa ma tumɛ min, anu si a lɔn ko wo Tigi Mari le nde la.

Isikiyɛli 22:28

Iko mɔgɛ wa bɔnku-gbɛ layɛlɛ dandan ma alako ka a tinya-tinɛnu yamatogon, anuna nɛbinu kɛnɛna mɔgɔ-ba kɛnu hakɛ dogonna wo nya na le. Anu bi foninya-ko-rayirɛ kɛla. Anu bi foninya-wɔlɔyiya-kumɛnu fɔla. Anu kɛnɛna anu nyɛrɛ mala iko nde, anu Tigi Mari le kumala anu ye kɔnɔ anu foni fuss! Nde ma kuma-wo-kuma fɔ anu ye.

Sakaraya 13:3

Wo kɔma, ni mɔgɔ-wo-mɔgɔ ya a tui ka wɔlɔyiya-kumɛ fɔ min kara Allatɛ ma, a sɔrɔnnɛnu si a fɔ a ye ko anu bi a fagala le bawo a ara a nyɛrɛ ma nɛbi la ka foninyɛ fɔ ale Mari tɔgɛ rɔ. A wa wɔlɔyiya-kumɛ fɔ tonya ma min na, a fa anubɛ a na ni a sɔgɔ alako a ni faga.

Tɔn-Fɔɛ-Fila-Nyɔgɛ 13:6

“Ni a sɔgɛ ya mɔgɛ do bira ka mɔgɛ do sagan kɛwuyɛ la bɛsi-kɔ-koe rɔ, hali wobɛ wo benbanu ma minnu kɔ tele-kelen-bɛrɛni, wo kana kinikini wo mɔgɔ-su ma. Hali a mara i na-kelen-nyɔgɛ le la wo, i halala-dan la wo, i diyana-musi la wo, i diyana-mɔgɔ-bɛrɛ la wo, wo kana mɔgɛ wo madɛnbɛ.

Tɔn-Fɔɛ-Fila-Nyɔgɛ 18:20

Ni foninya-nɛbi min kumara Mari Alla tɔgɛ rɔ, a ma min sɔ wo wara, wo tigi si faga. Ni nɛbi min ya bɛsɛ dola koe fɔ wo ye, wo tigi fanan si faga.