Yɛrɛmaya 27:13 - ALLALA KUMƐ

¹³ bawo a ma kin wobɛ ila mɔgɛnu ni faga kɛlɛ anubɛ kɔnkɛ anubɛ kirayɛ bolo. Mari nyɛrɛ le ya a fɔ ko ni nyamanɛ min ma a nyɛrɛ don Babilɔn Mansa Nɛbukanasa bolo, ko sufa kɛnu denu bi sigila wo ma.

Yɛrɛmaya 27:13 ပူးပေါင်းရင်းမြစ်များ

Hɛnkilimaya-Kumɛnu 8:36

Kɔnɔ mɔgɛ min sa sɔnna n nyinina, wo ara a nyɛrɛ tanban, ado a ara sayɛ keni.”

Yɛrɛmaya 17:4

A ko a ara nyamanɛ min di wo ma, wo si foo wo la, ado wo gbɛ le wo la. A ko a si a ma, wo yogenu ni wo ma yɔɔn la. Wo si taran yɔɔnyɛ wo rɔ nyamanɛ do rɔ wo ma min lɔn mumɛ! Ni wo ara a yen wo ye mala, wo mara bawo a fonde kaliyanɛ iko tɛ min si to mintanna kudai!

Yɛrɛmaya 24:9

A ko a ye kasarɛ min sigila wo ma, wo si a ma, duninya mumɛ bɛɛ ni kilan. Mɔgɛnu si wo mayɛlɛn. Anu si wo ma yɛlɛnma-fan la. Anu si wo tɔgɛ ma dankali-kɛ-fan la.

Yɛrɛmaya 27:8

Nde, Yɛrɛmaya ya n sara kilayɛ wonu na ka ta a fɔ anuna mansɛnu ye ko ni nyamanɛ min ma sɔn a kunyɛ ladonna ale Nɛbukanasata kanma-kɔlɔma rɔ, Mari ko a si nyamanɛ wo tɔrɔ kɛlɛ anubɛ kɔnkɔ-fitinɛ anubɛ kirayɛ la. Nɛbukanasa si nyamanɛ wo halaki pɔ!

Yɛrɛmaya 38:2

Mari ara a fɔ n ye ko mɔgɔ-wo-mɔgɔ tora sigini Yerusalɛm soe burɔ, a ma ta dɛgɛ min Babilɔn kɛnu ye, ni wo tigi ma faga kɛlɛ bolo, a si faga kɔnkɛ bolo, ni wo ma, kirayɛ bolo. Mɔgɔ-wo-mɔgɔ tara dɛgɛ min anu ye, wo tigi ti faga. Anubɛ a niyi dɔrɔn de ye tola.

Yɛrɛmaya 38:20

N ya a fɔ a ye ko, “Anu ti i don anu bolo. I yandi, Mari kan kɛ bira. Ni i ya wo ma, i wara-koe bɛɛ si ta a kilɛ fɛ. I si to i niyi la.

Yɛrɛmaya 38:23

N ko, “Min sanɛ wo kuma, anu bi tala ila musinu anubɛ ila dannu na Babilɔn kɛnu bara. Ile nyɛrɛ-nyɛrɛ kunyɛ ti bɔ anu bolo. Babilɔn mansɛ si ta i la. Anu si soe kɛ mintan gburr!”

Isikiyɛli 14:21

Ma Tigi Mari kan le kɛ la ko, “N si nta tɔrɔya-su nanɛ kɛnu nana Yerusalɛm kɛnu ma min tenbira tɔrɔyɛ bɛɛ la, kɛlɛ wo, kɔnkɔ-fitina wo, sogo-feremɛnu wo, anubɛ wuka. Wonu si mɔgɛnu anubɛ sogenu nato dogbe!

Isikiyɛli 18:24

“Kɔnɔ ni mɔgɔ-telennɛ ya a bɔ ko-nyima-kɛ da kɔrɔ, a ni kisimiriya-ko-kɛ dabira iko karagbɛlɛ doinu bi a mala nya min, mɔgɔ-sufa wo si to a niyi la, wa? Ade! A ara ko-nyimɛ min bɛɛsi ma, wo fenfen bɔrɔ ti taran nde, wo Tigi Mari ye. A si faga ka a tɛgɛ ata telenbɛlitayɛ anubɛ a hakɛla ko ma.

Isikiyɛli 18:31

Anu bi karagbɛlɛyɛ min bɛɛ kun na, anu ni anu bole bɔ wo bɛɛ rɔ. Anu ni sɔndɔma-kurɛ anubɛ miriya-kurɛ lana anu burɔ. Nfenna saya-sɔgɛ ye Isirɛla mɔgɛnu na?

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?