Yɛrɛmaya 25:34 - ALLALA KUMƐ

³⁴ Wole kun-tigi minnu bɛnta ka ma Marita mɔgɛnu kandannɛ la, wo ni sɔnkɔ di-kɛ-tinɛ. Wo ni di ka wo forongbesi gbangban rɔ. Wo ratii-tumɛ ara ke. Anu si wo ratii iko bɔnku-dagɛ wa fɛrɛn dugi la.

Yɛrɛmaya 25:34 ပူးပေါင်းရင်းမြစ်များ

2 Ko-Kɔrɔta-Karan 36:10

San kurɛ kenɛ, Mansa Nɛbukanasa tara ale Mansa Yɛhoyasin anubɛ Mari Bato-Bɔn fen-kolomɛnu na a bolo Babilɔn. Wo kɔma, a ya Mansa Yɛhoyasin fa dɔgɔma Sɛdɛkaya ma mansɛ la ale Yɛhoyasin gbɛ rɔ Yuda nyamanɛ anubɛ Yerusalɛm soe kun na.

Yaburi 2:9

A ko n si nɛgɛ-gbelekɛ bi ka anu kunyɛ lasɛgi a rɔ. N si anu kasara iko mɔgɔ wa bɔnku-dagɛ ratii.

Aiseya 10:12

Kɔnɔ Mari ko min di a ye, a wa ban wo sigila Yerusalɛm kɛnu ma, a ni to a ya-lamununna Asiriya mansɛ kɛ la ka a tɛgɛ ala nyɛrɛ-matɔgɛ anubɛ ala wasinteyɛ ma.

Aiseya 2:16

Hali anuna kulun-belebele-hakikɛnu, a si wonu natunu yi kɔrɔ.

Aiseya 30:14

A ko wo ra si tii iko bɔnku-dagɛ. Wo ra si nyɛnsɛn gbesenkirin, hali min si ma ta-kɔ-fan la, wo ti taran. Hali min-kɛ-fan ti sɔrɔn a rɔ.

Aiseya 33:1

Ma yogenu si halaki. Hali mɔgɔ ma anu denu yanfa ka anu kankan, anu denu bi mɔgɛnu yanfala ka anu kankan. Kɔnɔ koe wo dama katoe le a-la bawo mɔgɛnu bi nala anu denu yanfala ka anu kankan.

Aiseya 34:6

Anu kɛɛn anubɛ anu yele si don faan wo ma iko saraka-masɔlɛta saraka-boso-muri. Mari si sarakɛ kɛ bɔ Bɔsira soe burɔ, ado kɛ si ma kan-natɛgɛ-ba la Idɔm nyamanɛ rɔ.

Aiseya 34:7

Mɔgɛnu si to buila iko ninki-feremɛ anubɛ tura-bulan si bui nya min bosoli-kɛlɛnu bolo. Anu yele si dugi wo wulen. Anu kɛɛn si nyɔ yamatogon.

Yɛrɛmaya 18:22

A ma, anu ni to gbele-gbelenna anuna bɔnnu na. A ma, anu yogenu ni na anu kɛlɛ tiriya! Kɛ bɛɛ ni ma bawo n yogenu bara denkɛ sin n bira-koe la. Anu bara gbɛrɛ-siyaman lasigi n ya rɔ.

Yɛrɛmaya 22:28

Yɛhoyasin mani de iko bɔnku-daga-kore min nakɛnɛ a rɔ. Mɔgɔ-wo-mɔgɔ mako ti taran a la tun. Nfen bi a mala, Yɛhoyasin anubɛ ala dannu na ye kɛla a rɔ? Nfenna anu na ye kɛla a rɔ sibolo-gbɛrɛnuna nyamanɛ rɔ?

Yɛrɛmaya 23:1

Mari ko gbalo ye wole, Yuda mɔgɔ-banu kan ma bawo wo ye ala mɔgɛnu tinyana. Wo ye a mala, ala mɔgɛnu bi nyɛnsɛnna.

Yɛrɛmaya 25:12

San bi-wɔrɔnfilɛ kɛ wa tenbi tumɛ min, Mari ko a ni na to Babilɔn anubɛ ala mansɛ tɔrɔla ka a tɛgɛ anuna yogoyɛ ma. A ko nyamanɛ wo kasaranɛ si to tolon!

Yɛrɛmaya 25:23

Didan, Tema, anubɛ Busi so-tiginu wo, mɔgɛ minnu si anu kun-sigi wuruya wo,

Yɛrɛmaya 25:36

N bi wole, kun-tiginu yerelen-tɛgɛ-kan lamɔɛnna. N bi wole, mɔgɔ-banu di-kɛ-kan lamɔɛnna. Wo ye mala le bawo Mari ye wola nyamanɛ kasarɛ kun na.

Yɛrɛmaya 27:7

Ale mansɛ wo, ala dan wo, a mamanɛ wo, nyamanɛ bɛɛ si mansɛ wonu sako kɛ ha ale fananna nyamanɛ bu-wati ni ke. Wo wati wa ke, ale fananta mɔgɛnu kunyɛ si don mansa-gbɛrɛkɛnu bolo min sɛnbɛ kolo aletɛ ko.

Yɛrɛmaya 3:19

Ale Mari ko a si sewa nun ka wo bira iko a halala-dannu. A sewanɛ si nyamani-hakikɛ di wo ma nun, ado nyamanɛ wo kin sibole bɛɛta nyamanɛ ko. A ko ale ya a lɔn nun ko wo ye a fɔla a ma ko, “Ma Fa,” ado wo ti wo kan-kɔ sɔ a la nun.

Yɛrɛmaya 48:26

Mari ko, “Wo ni Mohabu kɛnu lamin kɔlikɔli, bawo anu bara murutiya ale Mari ma. Mohabu si a mataragban a nyɛrɛ tesere gbɛ rɔ ha mɔgɛnu ni a mayɛlɛn.

Yɛrɛmaya 48:38

Fenfen sa nala taranna Mohabununa bɔnnu na anubɛ barɛnu tɔ fɔ diyi kɛ bawo Mari ko a si na Mohabu nyamanɛ ratii iko mɔgɛ si bɔnku-dagɛ ratii nya min mɔgɔ-mako sa min na.

Yɛrɛmaya 50:27

Anu ni Babilɔn kɛlɛ-dan damasi kan natɛgɛ. Gbalo ye Babilɔn kɛnu ma. Anu kasara-wati ara ke.

Yɛrɛmaya 6:26

Mari ko wole, ata mɔgɛnu ni kasa-kurɛ kɛ wo ma. Wo ni wo nyɛrɛ maforongban gbangban rɔ yisi-tinyala ko la. Minnu bara lakiraya, wo ni wo dɛ sa-a-rɔ wonuna ko la. Wo ni wo dɛ bolobɔ iko mɔgɔla den kelan wa bɔ a bolo. Wo ni wo bɛɛ ma bawo kasarɛ sa mɛla kɛla wo ma.

Nimisa Koe 4:21

Wole, ma yoge Idɔm minnu siginɛ Yusi nyamanɛnu tɔ, wo ni wo yɛlɛn bawo a ti mɛ tun tɔn si sigi wola yɛlan wo la. Wota kasarɛ ye nala wo ma. Wola ko-yogomɛnu si bɔ gbɛ ma. Wo gbu-makolɔn si to miliyɛ bolo.

Isikiyɛli 34:20

“Woletɔ nde, anu Tigi Mari ye a fɔla anu ye ko n si kiti sa saga-tɔlɔnɛnu anubɛ saga-baranɛnu tɛma.

Daniyɛli 11:8

A si ta anuna bɛsɛnu na. Sɛnɛ anubɛ wodi-gbɛ-miran minnu dantɛgɛnɛ bɛsɛ wonu ma, a si ta wonu na fanan. Ni yisi-kimɛ taranta san kurun kɔrɔ,

Hoseya 8:8

Wole Isirɛla mɔgɛnu bara ma iko sibolo-gbɛrɛnu. Wo ara ma iko bɔnku-daga-gbɛnkian mɔgɛ mako sa min na.

Emɔsi 5:11

Wo ara bolo-kolɔnnu tɔrɔ ka anuna dɔntɛnu bi anu bolo fufafu! Wo ara wo ma min kɛ, woletɔ Mari ko wo ara bon-hakikɛ minnu sɔ, wo ti don anu na. Wola ki-fen-hakikɛ minnu bi wo bolo, wo ti wonu dɔn.

Sakaraya 10:3

Mari ko minnu bi ala mɔgɛnu kun na mansayɛ la, a fonde tɔrɔnɛ a ma wonuna ko la. A ko fɔ a wa kun-tigi wonu tɔrɔ. Mari Sɛnbɛ-Bɛɛ-Tigi ko atɛ le Yuda mɔgɛnu na. A ko anu kumafɛlɛnnɛ le ale la. A ko a si anu ma mɔgɔ-makilannɛnu na iko soee-kɛlɛ-tatalɛnu.

Sakaraya 11:3

Wo ni wo tole masɔ saga-fɛ-biralɛnu di-kɛ-kan la bawo kolo-fen de-nyini-tinɛnu na ara gbana. Wo ni wo tole masɔ yarɛnu worondo-kan la bawo anu bi anu sala fɔgbɛ minnu kɔrɔ Yorodan bɛ dala, wo bɛɛ ara ban.

Yemesi 5:5

Wo siyi duninya kɛ rɔ, a fanɛ ladiyɛ anubɛ nyɛrɛ-diyana-ko-gbansan le la. Wo ara wo nyɛrɛ matɔlɔ wo kan-natɛgɛ-tele ye.