Yɛrɛmaya 25:32 - ALLALA KUMƐ

³² Mari Sɛnbɛ-Bɛɛ-Tigi ko kasarɛ si to bɔla nyamanɛ do rɔ ka ta nyamanɛ do rɔ. A si ta iko banda-fin-fɔn-bɛ ha ka ke wula-yanna-nyamanɛnu ma duninya bɛɛ rɔ.

Yɛrɛmaya 25:32 ပူးပေါင်းရင်းမြစ်များ

2 Ko-Kɔrɔta-Karan 15:6

Sibole donu bi sibole donu kɛlɛla. Soe donu bi soe donu kɛlɛla bawo Mari ye tɔrɔyɛ lanala wo ma.

Aiseya 30:30

Mari si a ma, bɛɛ ni a nyɛrɛ kuman-kan-makilannɛ lamɔɛn. Bɛɛ si ata diminya-sɛnbɛ lɔn. A ta-mɛlɛn wo, a fɔn-digidigi-wa wo, a banda-kolo-wa wo, a gbɔrɔndɔ-yi wo, bɛɛ si wo yen a yɛ la.

Aiseya 34:2

Mari ara diminya sibole bɛɛ ma anubɛ anuna kɛlɛ-dannu. A ara anu dama kasara-koe latɛgɛ.

Aiseya 5:28

Anuna bɛɛnnu nasulennɛ boliboli! Anuna kalɛnu tabɛnnɛ. Anuna soeenu kiannu gbɛlɛyanɛ iko fara-kole. Anuna kirindi kiannu bi tintanna anu kɔrɔ iko tɔnkɔlɔn.

Aiseya 66:18

Mari ko a ya anu miriya-yoge anubɛ anu kɛ-nya-yoge lɔn. Woletɔ a ko a ye nala anu tɔrɔla. A si kan-siyamɛ-mɔgɛnu nadɛn kan-tina-kelen ala gbiliyɛ yen-koe la.

Yɛrɛmaya 23:19

Marita tɔrɔyɛ si tonkore sɔ karagbɛlɛ kɛnu na iko banda-fin-fɔnyɔ. Ata fondo-bɔɛ si karagbɛlɛ wonu kunyɛ ratii pɔ,

Yɛrɛmaya 30:23

Mari diminyara dɔgɔma-ma-de ha a ya karagbɛlɛnu tɔrɔ. Tɔrɛ wo nara le iko fɔn-digidigi-wɛ. Tɔrɔyɛ wo nara anu denu kan ma iko tɔnkɔlɔn,

Yɛrɛmaya 6:22

Mari ya a fɔ ko, “Wo ni wo yɛ lata. Kɛlɛ-dannu bi nala ka bɔ kantɔ-findan ma pon! Sibolo-makawanɛ do ye nala. Anu tabɛnnɛ kɛlɛ-wɛla ko la.

Yɛrɛmaya 6:23

Anu bi nala kalabɛn anubɛ tanbɛ la anu bolo. Anu karagbɛlɛ dɔgɔma-ma-de! Hina-wo-hina sa anu tɔ. Anubɛ anuna soeenu na-kan mani de iko kɔgɔ-yi tenbi tugula a rɔ. Kɛlɛ-dan wonu bara sɔ anu sansan-yili ma wo kɛlɛ-kan ma. Anu bi nala wole, Yerusalɛm kɛnu kɛlɛ-koe la.”

Sɛfanaya 3:8

Kɔnɔ Mari ko wo ni a makɔnɔ tun! Lunyɛ do, fɔ a wa sibole bɛɛ kiti. Mari ko a ara ban a latɛgɛla ko a si sibole bɛɛsi ladɛn alako anu ni ata diminyɛ-sɛnbɛ lɔn. A ko ata diminyɛ wo si ma tɛ la min si duninya mumɛ halaki.

Luka 21:10

Wo kɔma, Yisa ko, “Sibolo-gbɛrɛnu si wuli anu nyɔgɔn kan ma. Nyamanɛnu si wuli anu nyɔgɔn kan ma.

Luka 21:25

“Tamaserenu si sa tele anubɛ karɛ anubɛ lolenu ma. Duninya-mɔgɛ bɛɛ yigi si tɛgɛ ka kilan kɔgɔ-yi wɔyɔ-kan anubɛ a mɔrɔn-wɛla ko la.