Yɛrɛmaya 25:3 - ALLALA KUMƐ

³ ka a bi Amɔnna den Yosayala mansayɛ Yuda nyamanɛ rɔ san tan-ni-sawɛ ma ka a sigi wati kɛ la, wo ara san mogan-ni-sawa bɔ. San-dande kɛ mumɛ bɛɛ kɔrɔ, Mari ya kumɛ min bɛɛ fɔ n ye, n ma n ban wo do-wo-do fɔla wo ye kɔnɔ wo ma wo tolo-wo-tolo masɔ.

Yɛrɛmaya 25:3 ပူးပေါင်းရင်းမြစ်များ

Ko-Dabirɛnu 22:3

Iburayima ya a lasɔ subagɛ ma ka sɔgɛ do nyini saraka-mintantɛla ko la. A ya ala dunɛnu kiri ala sofɛlɛ kɔ tɛma. Anubɛ ala den Isiyaka anubɛ wɔli-kɛla mɔgɔ filɛ wonu wulita ka ta kan tinɛ wo rɔ Alla ya minna ko fɔ a ye.

1 Mansɛnu 22:3

Mansa Ehabu ya ala mɔgɔ-banu manyinika, a ko, “Nfenna ma ma ma raya ka Ramɔti-Kaliyadi soe bi Siriya mansɛ bolo, ado ma halalɛ le nyɔ la?”

2 Mansɛnu 17:13

Mari ya kilayɛnu anubɛ nɛbinu sɔ Isirɛla kɛnu anubɛ Yuda kɛnu makawandi tinɛ nun. A ya a fɔ anu ye nun ko, “Wo ni wo sɔn-yogomɛnu boloka ka nta kumɛnu bira. N bara nna tɔnnu di wo benbanu ma nun, ado nna nɛbinu bara wo bɛɛ fɔ wo ye nun.”

2 Ko-Kɔrɔta-Karan 24:19

Mari ya nɛbi donu nata anu makawandi tinɛ alako anu ni sɛgi ale Mari ma. Kɔnɔ mɔgɛnu ya anu tole gberen.

2 Ko-Kɔrɔta-Karan 34:1

Yosaya ya mansayɛ sɔrɔn Yuda nyamanɛ rɔ a sɔrɔn-san segin nyɔgɛ le ma. San bi-sawa ani san kelen, a ye mansayɛ la ka bɔ Yerusalɛm soe burɔ.

2 Ko-Kɔrɔta-Karan 34:3

Mansa Yosayala mansayɛ san segin nyɔgɛ ma, ado wati wo ya a taran a dɔgɔ fɔlɔn, a ya a benba Mansa Dawudata Alla-batoe dabira. San nani wo kɔma, a donta Alla-batobɛlɛnuna kɔ tinɛnu tinya koe rɔ. Hali bɛsi-musi Asurala muninyɛ, a ya wola tamaserenu tinya anubɛ bɛsɛ toe bɛɛ.

2 Ko-Kɔrɔta-Karan 34:8

Mansa Yosayala mansayɛ san tan-ni-segin nyɔgɛ ma, a ya bɛsi-kɔ-koe ban min kɛ, wo le ya a ma, nyamanɛ anubɛ Mari Bato-Bɔn sɛninyara. A ya mɔgɔ sawa sɔ Mari Bato-Bɔn la a mabɛn-koe rɔ. Wonu tɔgɛ le kɛnu na, Asalayala den Safan anubɛ Meyaseya min bi Yerusalɛm so-tigiyɛ la, anubɛ Yowahasila den Yowa. Kɛdi-sɛbɛnɛnu-namaralɛ le wo la.

2 Ko-Kɔrɔta-Karan 36:15

Anu benbanuta Mari Alla tora nɛbinu nanala anu makawandi tinɛ bawo a sɔgɛ ye a la, a ni ata mɔgɛnu anubɛ a Bato-Bɔn lakisi.

Yaburi 81:13

E, nta mɔgɛnu Isirɛla, alako nun wo ya wo tole masɔ n na, wo si diya n ye. Alako nun wo ya nna kumɛnu bira nun.

Bɔ-Koe-Iyipiti 8:20

Mari ya a fɔ Musa ye ko, “Mansɛ tenbi tala yi dɛ la tumɛ min sinan subaga ma, i ni suri ka ta a taran kilɛ la. I ni a fɔ a ye ko nde, Mari kan le kɛ la ko a ni nta mɔgɛnu boloka alako anu ni ta n bato tinɛ.”

Aiseya 55:2

I si wodi labɔ fan dola ko rɔ min ti i fa? I si i sara-kunyɛ lagbana, kɔnkɛ ni to i niginigila? Ni wo ya wo tole masɔ ale Mari la, wo si to fen-diyamɛnu dɔnna. Dɔn-fan min bi i sɔndɔmɛ wasala, i si to wo dɔnna.

Yɛrɛmaya 11:7

A bɔɛ wo benbanu na Iyipiti, a ya anu makawandi ko anu ni a kan to a gbɛ rɔ. A ko a mɛra anu makawandi-siyaman kɛla ha bi!

Yɛrɛmaya 19:15

Mari Sɛnbɛ-Bɛɛ-Tigi, Isirɛlata Alla ko a si kasarɛ lana Yerusalɛm anubɛ a dafɛ-soenu ma. A ti mɛ tun. A ye kɛ fɔla le bawo wo ara wo yisi gbɛlɛya ka wo tengberenya.

Yɛrɛmaya 22:21

Fen bi wo bolo wati min, Mari kumara wo ye kɔnɔ wo ma wo tole masɔ a la, ado kebi wo dennɛ pɔipɔi, wo tora a mala wo nya. Lun kelen, lun tala, wo ma Mari sako kɛ.

Yɛrɛmaya 25:4

Hali Mari ye tola ala wɔli-kɛlɛnu nanala wo ma minnu bi nɛbiya-wɔli kɛla, wo ma wo tole masɔ wonu na, ado wo bɔrɔ ma taran wo ye.

Yɛrɛmaya 26:5

A ko a tora nɛbi minnu nanala wo ma, ala wɔli-kɛlɛnu, kɔni, wo ni wo tole masɔ wonuna nɛbiya-kumɛnu na a kin na kɔnɔ wo sa sɔnna wo tole masɔla.

Yɛrɛmaya 29:19

Mari ko wo ye mala le bawo Yerusalɛm kɛnu ma anu tole masɔ a la. A tora sarakani-siyaman donna ala nɛbinu bolo kɔnɔ a ko Yerusalɛm kɛnu ma anu tole masɔ sarakanɛ wonu na mumɛ!

Yɛrɛmaya 32:33

A ko hali a taranta anu karanna nun, anu ma anu bɔ anu gbɛ da la fɔ ka anu kan-kɔ sɔ a la.

Yɛrɛmaya 35:14

A ko Yonadabu kebilɛ ara anu benba kan bira. Ha bi, anu denu ma nɔnbɔ-gbɔ-yi sɔ anu dɛ la. Kɔnɔ ale Mari ara kuma wole, Isirɛla mɔgɛnu ye. Hali wo, wo tengberenyanɛ.

Yɛrɛmaya 35:15

A ko a ara mɛ ala wɔli-kɛlɛnu sɔla wo wara ala nɛbinu, kɔni, alako wo ni wo fara karagbɛlɛyɛ la ka don ko-latelenni-kɛ rɔ. Anu ya wo lasɛgi bɛsi-kɔ-koe ma alako wo ni a laban nyamanɛ kɛ rɔ, a ya min di wobɛ wo benbanu ma, kɔni. Kɔnɔ a ko hali wo, wo ti wo tole masɔ a la ka a kan to a gbɛ rɔ.

Yɛrɛmaya 36:1

Yosayala den Yahoyakim, wola mansayɛ san nani nyɔgɛ ma Yuda nyamanɛ rɔ, Mari ya a fɔ nde, Yɛrɛmaya ye ko

Yɛrɛmaya 36:2

n ni gbolo-kolonɛ do bi. A ko a ye min fɔla Isirɛla anubɛ Yuda anubɛ sibolo-gbɛrɛnu bara-koe rɔ, n ni wo bɛɛ sɛbɛ gbole wo ma. Ka a bi Mansa Yosayata wati ma, ka a sigi kaka la, a ko a ara min bɛɛ fɔ, n ni wo bɛɛ sɛbɛ.

Yɛrɛmaya 44:4

Mari ko a taranta ala wɔli-kɛla-nɛbinu nanala wo ma ka wo makawandi ko-yogomɛ kɛnu wara-koe ma min gbo a ye ha ka a dan-natenbi.

Yɛrɛmaya 7:13

Mari ko wole, Isirɛla mɔgɛ damasi bole ye ko-yogoma-kɛ kɛ rɔ. A ye wo makawandila su-ni-tele kɔnɔ a ko wo ma sɔn wo tole masɔla a la. A ya wo rakele kɔnɔ wo ma sɔn a labirala.

Yɛrɛmaya 7:25

A ko kebi wo benbanu bɔra Iyipiti, ale Alla tora ala nɛbinu nanala anu ma le tolon, ata wɔli-kɛlɛnu, kɔni!

Isikiyɛli 33:4

Ni min ya buru-kan wo lamɔɛn, a ni a tengberenya, ni mɔgɛ wo fagara, a tɔgɛ tora a nyɛrɛ le la.

Sakaraya 1:4

Mari ko wo kana wo benbanu kɛ-nya bi. A ko wati do ara tenbi nun, a ya ata nɛbinu sɔ anu bara alako anu ni anu fara ko-yogoma-kɛ la kɔnɔ anu ma anu tole masɔ a la ka a kan to a gbɛ rɔ.

Maraka 1:35

Wo banda kɛ, subaga dɛ ma, Yisa tara soe kɔma a dan na Alla matara tinɛ.

Yɔni 8:2

Wo banda kɛ, Yisa suruta sɛgila Alla-Bato-Bɔn la. Mɔgɛ bɛɛ ya a lafoo. A sigira ka anu karan dabira.

Yɔni 8:47

Ni min bɔnɛ Alla warɛ, wo si a tole masɔ Allala kumɛ la. Nba, wole ma bɔ Alla warɛ, woletɔ wo sa wo tole masɔla n na.”

2 Timoti 4:2

ko ile Timoti ni Allala kumɛ lake ka i kiri a fɔɛ ma. Ni mɔgɛnu ya a bira, ni anu ma a bira, ile ni to a fɔla anu ye tun! I ni mɔgɛnu makuma ka anu makawandi. Kɔnɔ i ni anu karan dinyɛ rɔ