Yɛrɛmaya 25:18 - ALLALA KUMƐ

¹⁸ N ya do di wole, Yerusalɛm kɛnu ma anubɛ Yuda nyamanita-mɔgɛ toenu, a mansa wo, a mɔgɔ-ba wo. N ya wo ma le alako yan kasaranɛ ni to. Mɔgɛnu ba anu tinya-bole mafɛlɛn, anu kuma si tɛgɛ. Wo si a ma, mɔgɛnu ni anu mamɔɛn ka anu tɔgɛ ratɛgɛ dankali-kɛ-tinɛ, ado a ye wo nya na le ha bi.

Yɛrɛmaya 25:18 ပူးပေါင်းရင်းမြစ်များ

1 Mansɛnu 8:24

I ya ila lanyiri min kiri n fa Dawuda ye Bato-Bɔn sɔ-koe rɔ, i wara wo bɛɛsi dafa bi.

2 Mansɛnu 22:19

bawo mansɛ ara a yen, ale Mari ye nala Yerusalɛm kɛnu tɔrɔyala nya min ka Yerusalɛm soe ma kan-tina-makilannɛ la, ado nyɔ-tɔgɛ si ma dankalɛ la mɔgɛnu bolo. Wo yen mansɛ bolo, a tubira ka a nyɛrɛ famayigi ale Mari ye. A donta diyi-kɛ rɔ ka ala duruki rafara yisi-tinyɛ bolo. Woletɔ Mari ko a ara ale mansɛla matarali-kan lamɔɛn.

2 Ko-Kɔrɔta-Karan 29:8

Ka a tɛgɛ wo ma, Mari fonde bɔra Yuda kɛnu anubɛ Yerusalɛm kɛnu kuma. Mari ya min sigi anu ma, wo ara anu dama kumakɔ. Anu mara yɛlɛnma-fan la mɔgɛnu yala, ado wo ya wo lɔn bɛrɛkɛ!

Ɛsira 9:7

Ka a bi ma benbanuta wati ma ha kaka, male, ita mɔgɛnu, ma hakɛ dan na ara tenbi. Ka a tɛgɛ ma hakɛnuna ko ma, mabɛ mala mansɛnu anubɛ mala saraka-masɔlɛnu kunyɛ ara don sibolo-gbɛrɛnu bolo. Anu bara ma mafaga ka ta mabɛ ma bolo-fannu na biralɛ rɔ pon! Anu bara ma layarabi kosɛbɛ, ado ha bi, ma ye yarabi kelan wo le kɔrɔ.

Nihɛmaya 9:36

I ya nyamanɛ min di ma ma, ma siginɛ wo rɔ iko yɔɔnnu. Ile ya nyamanɛ kɛ di ma ma le alako ma ni sigi a tɔnɛ kun na kɔnɔ yaga, ma ye yɔɔnyɛ le la yan tɔ.

Yaburi 60:3

I wara a ma, ita mɔgɛnu bara tɔrɔ kosɛbɛ! Ma ye tonko-tankanna iko gbɛɛtoe si tonko-tankan nya min.

Aiseya 40:23

A si mansa-makawanɛnuna fanka-dɛ makeri ka anu ma fufafuyi la.

Aiseya 65:15

Wole karagbɛlɛnu tɔgɔ-ratɛgɛ mani de ala wɔli-kɛlɛnu bolo iko mɔɛn, ado ale Mari Alla nyɛrɛ le ye wo fagala. Kɔnɔ ale si ata wɔli-kɛlɛnu kele tɔgɔ-gbɛrɛ la.

Yɛrɛmaya 1:10

Ka a dabira bi ma, n bara sibole anubɛ nyamanɛnu natenbi i ma. I si donu wurun ka donu fanka mayigi. I si donu kasara ka donuta mansayɛ bi anu bolo. I si donu sigi mansayɛ la ka donu sɔ fanka rɔ fanan.”

Yɛrɛmaya 13:3

Wo kɔma, Mari ya a fɔ n ye tun ko

Yɛrɛmaya 13:9

a si wole, Yerusalɛm so-burɔ-mɔgɛnu anubɛ Yuda nyamanita-mɔgɛ toe bɛɛta wasinteyɛ ma iko kura-kore wo.

Yɛrɛmaya 24:9

A ko a ye kasarɛ min sigila wo ma, wo si a ma, duninya mumɛ bɛɛ ni kilan. Mɔgɛnu si wo mayɛlɛn. Anu si wo ma yɛlɛnma-fan la. Anu si wo tɔgɛ ma dankali-kɛ-fan la.

Yɛrɛmaya 25:11

Nyamanɛ mumɛ bɛɛ kasaranɛ si to. San bi-wɔrɔnfila dɛgɛdɛgɛ, wobɛ wo dan-masa-nyɔgɛnu bi Babilɔn mansɛ kɔrɔ.

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 26:6

Ni wo tora murutiyɛ kɛ kun na, a ko a ya ala Fani-Bɔn tinya Sailo soe burɔ nya min nun, a ye a Bato-Bɔn fanan tinyana wo nya na le, ado duninya-mɔgɛ bɛɛ si Yerusalɛm soe tɔgɔ ratɛgɛ dankali-kɛ-tinɛ.

Yɛrɛmaya 44:22

Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Isikiyɛli 30:7

Nyamanɛ wo si kasara ka tenbi nyamanɛ bɛɛ la. A soe bɛɛ kasaranɛ si to pɔ!

Daniyɛli 9:12

I ya a fɔ ko i ye nala koe min bɛɛsi mala male anubɛ mala kun-tiginu na, i wara wonu ma ma la serr! I wara Yerusalɛm soe tɔrɔ ka tenbi soe bɛɛ la duninya rɔ.

Emɔsi 2:5

Woletɔ a si tɛ layigi Yuda nyamanɛ kuma ka wola so-latankanɛ, Yerusalɛm mintan.”

Emɔsi 3:2

Mari ko wole Isirɛla mɔgɛnu di ale ye ka tenbi sibole bɛɛsi la duninya rɔ. Mari ya wole le dɔrɔn yabɔ ka wo fɛ-bira. Wo le ya a ma, wola hakɛ ara yogoya a ya la dɔgɔma-ma-de! Woletɔ a ko a fɛrɛ sa fɔ a wa wo tɔrɔ.”

Maika 6:16

Wo ara ko-yogomɛ ma iko wola mansɛ Hɔmɔri anubɛ ala den Mansa Ehabu, woletɔ tɔrɔya-su kɛ ye nala sigila wo la. Mari si wola nyamanɛ kɛ halaki. Mɔgɛnu si wo mayɛlɛn dɔgɔma-ma-de! Fɔ ni wo ya wo munyu manyinɛnu kɔrɔ bawo wo ma sɔn Marita kumɛ birala.

1 Pita 4:17

Kiti-tɛgɛ-dabira-wati ara ke. Nba, Alla si ala mɔgɛnu fɔlɔn kiti. Ni kiti gbɛlɛ da si bira male le ma, a laban si ma kama worɔ wonu kuma minnu ma Allala kibara-nyimɛ bira?