Yɛrɛmaya 25:15 - ALLALA KUMƐ

¹⁵ Isirɛlata Mari Alla ya a fɔ nde, Yɛrɛmaya ye ko n ni yi-lafɛ bi a kɔɛn rɔ min nafanɛ ata fondo-bɔɛ la. A ko a ye n sɔla sibolo-gbɛrɛ minnu bara, n ni ta yi-lafɛ kɛ la wo bɛɛ warɛ. Anu ni anu min a la.

Yɛrɛmaya 25:15 ပူးပေါင်းရင်းမြစ်များ

Yobu 21:20

A bɛnta, hakɛ-tiginu ni tɔrɔ anu hakɛ kɛnuna ko la. Fɔ anu nyɛrɛ ni Alla Sɛnbɛ-Bɛɛ-Tigita fondo-bɔɛ rayen.

Yaburi 11:6

Mari si tɛ anubɛ munku-gbɛ layigi karagbɛlɛnu kuma. A si anu tɔrɔ fɔn-kalamɛ la.

Yaburi 60:3

I wara a ma, ita mɔgɛnu bara tɔrɔ kosɛbɛ! Ma ye tonko-tankanna iko gbɛɛtoe si tonko-tankan nya min.

Yaburi 75:8

Marita yi-lafɛ lafanɛ ata fondo-bɔɛ la iko gbɛɛ-kunɛ min bi kanfala. A si a kɛ karagbɛlɛnu ye alako anu ni anu min kɔlikɔli! Anu si a min ha a ni ban fegba!

Yaburi 75:9

Kɔnɔ ni ndetɛ le, n ti Yakobata Alla matɔgɛ boloka. N si to a tanto-bɛtinu bɔla a ye.

Aiseya 14:26

A ko miriya kɛ le a bolo duninyala ko la. A ara a kɔɛn kɔrɔbi sibole mumɛ tɔrɔ-koe la.

Aiseya 34:2

Mari ara diminya sibole bɛɛ ma anubɛ anuna kɛlɛ-dannu. A ara anu dama kasara-koe latɛgɛ.

Aiseya 51:17

Ile Yerusalɛm soe, kunden. I rasagan ka i lawuli. Mari fonde bɔnɛ ya tɔrɔya-yi-lafɛ min di i ma, i wara i min wo la. I ya i min a la tumɛ min, i ya yi-lafɛ ragbala todo! Wo ya a ma, i tora tonko-tankanna.

Aiseya 51:22

ita Mari Alla ye wo latankala ka a fɔ wo ye ko a fonde bɔnɛ ya tɔrɔya-yi-lafɛ min di wo ma, a si wo bi wo bolo tun. Tɔrɔyɛ min si wo ma tɔlɔn iko gbɛɛtoe, a ko wo ti wo min wo la tun.

Aiseya 51:23

A ko a si yi-lafɛ wo di wo tɔrɔlɛnu ma, anu denu minnu ya wo boloka belenna lu-kolenu ma, kɔni. Anu denu denu taranta wo ratɛntɛnna iko bore.

Yɛrɛmaya 1:5

yanni n ni ma mɔgɔni-finyɛ la n na burɔ, a ya n yabɔ. Yanni n ni sɔrɔn, a ya wɔli-gbɛrɛ dantɛgɛ n ma a dan na. A ya n ma nɛbi la sibole bɛɛ ye.

Yɛrɛmaya 36:2

n ni gbolo-kolonɛ do bi. A ko a ye min fɔla Isirɛla anubɛ Yuda anubɛ sibolo-gbɛrɛnu bara-koe rɔ, n ni wo bɛɛ sɛbɛ gbole wo ma. Ka a bi Mansa Yosayata wati ma, ka a sigi kaka la, a ko a ara min bɛɛ fɔ, n ni wo bɛɛ sɛbɛ.

Yɛrɛmaya 43:11

Nɛbukanasa si na Iyipiti nɔ feu! Minnu bɛnta, anu tɔgɔ ni to kirayɛ la, wonu tɔgɔ si to kirayɛ la. Minnu bɛnta, anu ni ta birɛ rɔ, fɔ wonu ba ta birɛ rɔ. Minnu bɛnta, anu tɔgɔ ni to kɛlɛ la, wonu tɔgɔ ye tola wo le la.

Yɛrɛmaya 45:5

Nfenna wo rɔ, ile Baruki yili ye kun-nadiyɛ ko? A ko hali i ma i miri wo ma. A si kasarɛ lana mɔgɛ bɛɛ ma kɔnɔ i taranta kan-bo-kan, a ko i si ta i niyi dɔrɔn na i bolo.

Yɛrɛmaya 46:1

Mari kumara n ye sibolo-gbɛrɛnuna ko rɔ.

Yɛrɛmaya 48:26

Mari ko, “Wo ni Mohabu kɛnu lamin kɔlikɔli, bawo anu bara murutiya ale Mari ma. Mohabu si a mataragban a nyɛrɛ tesere gbɛ rɔ ha mɔgɛnu ni a mayɛlɛn.

Yɛrɛmaya 49:12

Hali a ma bɛn minnu ni tɔrɔyɛ sɔrɔn, fɔ tɔrɔya-yi-lafɛ ni sɔ anu dɛ la. Anu denu don? Anu miri ko anu ti tɔrɔyɛ sɔrɔn.

Yɛrɛmaya 51:7

A ko Babilɔn mani de Mari bolo iko sɛnɛ-yi-lafɛ min bi duninya bɛɛ laminna. Sibolo-wo-sibolo wa a min, wo kunyɛ si wuli.

Isikiyɛli 23:32

I kɔrɔta kumakɔɛ mani de iko a kɛnɛ yi-lafɛ le tɔ. Kɔpu wo kolo, a rayan, ado ile fanan bi wo le nyɔgɔn tɔrɔya sufa minna. Mɔgɛ bɛɛ si i rasɛ ka i lafɛya bawo ita yi-lafɛ wo lafanɛ i kɔrɔtɛ ko.

Isikiyɛli 23:33

I kɔrɔ Ohola, Samariya, kɔni, wota yi-lafɛ lafanɛ kilan anubɛ kasarɛ le la. I wa itɛ min, a si i bira ha i sɔndɔmɛ ma ni gboya!

Isikiyɛli 29:12

N si Iyipiti nyamanɛ ma nyamani-halakinɛ la ka tenbi nyamanɛ bɛɛ la. San bi-nani dɛgɛdɛgɛ, Iyipiti so-kunbɛ bɛɛ ye kasarɛ kɔrɔ pɔ! So-wo-so ti kasara ka ke anu tɔ. N si Iyipiti kɛ bɛɛ ma kɛlɛ-kɔrɔ-maburilɛnu na tɛrr! Anu si anu buri ka ta anu sigi nyamani-gbɛrɛnu tɔ.”

Isikiyɛli 36:5

Nde, anu Tigi Mari ara sibolo-gbɛrɛnu makuma n sɛbɛ-kuna-wɛ la, katarala Idɔm ma. Anu buira nna kolo-fannu de-nyini-tinɛnu ma ka wonu bi nna mɔgɛnu bolo bɔrɔbɔnteyɛ anubɛ sewɛ la.

Hɔbadaya 1:16

Ata mɔgɛnu ya tɔrɔya-yi min Yerusalɛm soe burɔ. Kɔnɔ wole minnu bi Yerusalɛmna foolɛ rɔ, wole si tɔrɔya-yi min min, a ko yi wo si kunaya ka tenbi ata mɔgɛnuta tɔrɔya-yi la pirr! Wole ata mɔgɛnu, wo yogenu ya wo tɔrɔya kɔnkɔ-sɛnimɛ kuma Yerusalɛm soe burɔ kɔnɔ wo yoge minnu bi Yerusalɛmna foolɛ rɔ, a ko wonu fanan si tɔrɔyɛ sɔrɔn ka tenbi wole la ka tunu tɔrɔyɛ bolo!

Habakuku 2:16

Wola gbiliyɛ si yɛlɛma miliyɛ la wo ye! Mɔgɛnu si wole fanan nakolɔn yen. Wola minni-fan si ma wola kun-nagboya-fan la Mari bolo.

Lankɛnimayɛ 14:10

Allata diminyɛ si wo bira iko baan. Ala diminyɛ min manɛ iko baan-sɛnbɛmɛ, a ara wo wuya ala diminya-yi-lafɛ rɔ. Min bɛɛ ye wo minna, wonu si nyankankantan sɔrɔn tɛ anubɛ munku-gbɛ bolo melika-sɛnimɛnu anubɛ saga-dan-yakɔrɔ.

Lankɛnimayɛ 14:19

Woletɔ melika wo ya ala wɔrɔtɛ ladon nɔnbɔ-gbɔɛ wonu kɔrɔ. A ban anu tɛgɛla, a ya anu nafili dugu-kole ma anu burun tinɛ, Allala diminyɛ si anu sugun kan min.