Yɛrɛmaya 25:14 - ALLALA KUMƐ

¹⁴ Mari ko a si sibolo-gbɛrɛ donu tayili sara Babilɔn kɛnu na ka a tɛgɛ anu sɔn-yogomɛ ma. Sibolo siyamɛ anubɛ anuna mansɛnu si anu ma anuna yɔɔn la.

Yɛrɛmaya 25:14 ပူးပေါင်းရင်းမြစ်များ

Yaburi 137:8

Ile Babilɔn, ita gbalo ye nala. Mɔgɔ-sewanɛ le wo tigi la min bi ma tayili sarala ile Babilɔn na

Aiseya 13:4

Wo ni wo tole masɔ sɔnkɔ-sɔnkɔ-kan la kɔnkɛnu kuma, ado nyama-bɛrɛ-sɔnkɔ-kan le wo la. Nyamani-siyaman mɔgɛnu sɔnkɔ-kan le wo la. Kɛlɛ-dan bɛɛta Mari ye ala kɛlɛ-dannu mabɛnna kɛlɛ-kɛ-koe la.

Aiseya 14:2

Mɔgɔ-siyaman si Isirɛla mɔgɛnu dɛnbɛ alako Mari ya anu barɛ min di anu ma nun, anu ni sɛgi nyɔ tun. Mɔgɔ-sibolo-siyaman si taran Isirɛla mɔgɛnu bolo yɔɔnyɛ la. Minnu bi Isirɛla mɔgɛnu birala kɔrɔma la nun, anu denu fanan si wonu bira. Minnu bara Isirɛla mɔgɛnu niyi ragbɛrɛn anu ma nun, Isirɛla mɔgɛnu fanan si wonu mara.

Aiseya 66:6

Wo ni wo tole masɔ yerelen-kan la Yerusalɛm soe burɔ. Wo ni wo tole masɔ sɔnkɔ-sɔnkɔ-kan la Bato-Bɔn la. Mari le a yogenu tɔrɔ tinɛ wo la. Tɔrɔyɛ min bɛnnɛ anu ma yɔ, a ye wo le sigila anu ma wo la.

Yɛrɛmaya 27:7

Ale mansɛ wo, ala dan wo, a mamanɛ wo, nyamanɛ bɛɛ si mansɛ wonu sako kɛ ha ale fananna nyamanɛ bu-wati ni ke. Wo wati wa ke, ale fananta mɔgɛnu kunyɛ si don mansa-gbɛrɛkɛnu bolo min sɛnbɛ kolo aletɛ ko.

Yɛrɛmaya 32:19

I miriya kolo. I kɛ-nya kolo. I ye mɔgɛnuna ko-ladan-bole bɛɛ kalama. I si bɛɛ sara iko anu bi wɔlila nya min.

Yɛrɛmaya 50:41

Mansa-siyaman tabɛnnɛ kɛlɛ-koe la, ado anuna kɛlɛ-dannu bi bɔla kantɔ-findan ma, sibolo-makilannɛ min fɛ-yan anu na, kɔni.

Yɛrɛmaya 50:9

N si sibolo kurun nabɔ kantɔ-wara la ka na kɛ Babilɔn kɛnu ma. Wonu si nyamanɛ kɛlɛ ka a nɔ. Donso-nyana le wonu na, min bole di kalabɛn la dɔgɔma-ma-de!

Yɛrɛmaya 51:6

Anu burumatoe ni bɔ Babilɔn nyamanɛ rɔ. Anu ni anu buri alako anu niyi la ni kisi. Anu kana faga, anu tɔgɛ ni to Babilɔn kɛnuna hakɛ la. Mari ko a si a tayili sara anu na iko a bɛnta, a ni a ma nya min.

Daniyɛli 5:28

Ka a fɔ, ‘A TALA,’ wo kɔrɛ le, Alla ara ila nyamanɛ bi i bolo ka a ratala Midiya kɛnu anubɛ Pasiya kɛnu na.”

Hoseya 9:7

Wo tɔrɔ-wati ara ke. Wo si wotɛ sɔrɔn iko a bɛnta wo ni a sɔrɔn nya min. Wo tumɛ wa ke, wole Isirɛla mɔgɛnu si a lɔn yati, ko wo tɔrɔya-wati ara ke. Wo ye a fɔla ko, “Nɛbi kɛ, yuwɛ le kɛ la.” Wo hakɛ da ara koloya min kɛ, woletɔ n gboyanɛ wo ye dɔgɔma-ma-de!