Yɛrɛmaya 22:22 - ALLALA KUMƐ

²² Kɛlɛ si wola mɔgɔ-banu anubɛ wo ta-nyɔgɛ bɛɛ bira iko fɔnyɔ si fan bi nya min ka ta a la. Ka a tɛgɛ wola wunduyogoyɛ wonu ma, wo mawurannɛ si to yarabiyi bolo.

Yɛrɛmaya 22:22 ပူးပေါင်းရင်းမြစ်များ

Aiseya 64:6

Ma dama latinyanɛ hakɛ bolo. Ma ya ko-telennɛ min bɛɛ kɛ, wonu manɛ i ya la iko kura-koro-nɔgɔnɛ. Ma dama mani de iko yanba-kun-gbalɛ. Ma hakɛ ara ta ma la fulufele, iko fɔnyɔ ye tala yanba-kun-gbalɛ wonu na nya min.

Aiseya 65:13

Woletɔ Mari Alla ya a fɔ ko Ata wɔli-kɛlɛnu si to anu buyi lafala kɔnɔ kɔnkɛ si to wole karagbɛlɛnu forongbanna. Ata wɔli-kɛlɛnu si to yi minna kɔnɔ wole karagbɛlɛnu sɔn ma si to gbalala yi-ko-sɔgɛ bolo. Ata wɔli-kɛlɛnu si to sewala tolon! Kɔnɔ miliyɛ ti bɔ karagbɛlɛnu kuma.

Yɛrɛmaya 10:21

Nde, Yɛrɛmaya ya a fɔ wo ye ko mala kun-tiginu hɛnkili sa. Anu ti anu gbɛrɛn Mari ma anu dɛnbɛn-koe la. Woletɔ mala mɔgɛnu sa sabatila. Ma ara nyɛnsɛn mala mɔgɔ-banu ma.

Yɛrɛmaya 12:10

Sibolo-gbɛrɛ kun-tigi-siyaman si nta ki-fannu tinya. Anu si ki-fan wonu tatɛntɛn ka anu nunku tɔi! Anu si nna sɛnɛ-hakikɛ ma iko wula-da-rakolɔn.

Yɛrɛmaya 2:36

Wo toni ma kan-tina-kelen ma wo dɛnbɛn-koe rɔ. Asiriya kɛnu ya wo baya nya min, Iyipiti kɛnu bi nala wo bayala wo nya na le,

Yɛrɛmaya 2:37

ado wo bole sanɛ si bɔ wo kuma Iyipiti nyamanɛ rɔ miliyɛ bolo. Wo yili latɛgɛnɛ nyamanɛ kɛnu ma kɔnɔ Mari ara a ban wonu na. Wo ti dɛnbɛni-wo-dɛnbɛni sɔrɔn wonu bolo.

Yɛrɛmaya 2:8

Hali saraka-masɔlɛnu ma Mari manyinika. Anu denu minnu bɛnta ka ale Marita karan lɔn, anu miriya ma ke a ma lefan! Mari ko wo benbanuna kun-tiginu wulita a kan ma. Hali aleta nɛbinu ya wɔlɔyiya-kumɛnu fɔ bɛsi Beyalila ko rɔ ka bɛsi-fufafuyi wo kɔ.

Yɛrɛmaya 20:11

Kɔnɔ ile Mari taranta n fɛ iko kɛlɛ-nyana. N gbennɛnu si anu kian latugu ka bui fugbu! Anu ti n nɔ muk! Anu ba foo n na, anu si to miliyɛ rɔ kɔgɔrɔyɔlɔ! Anu si to miliyɛ wo rɔ ha, ado mɔgɔ ti nyina anu bara-koe la,

Yɛrɛmaya 30:14

Wo diyana-mɔgɛ sibolo-gbɛrɛ bɛɛsi ara nyina wo wara-koe la. Anuna ko ti taran wola ko rɔ. Mari ko a ya wo kɛlɛ iko wo yogenu. Wola tɔrɔyɛ ara gbɛlɛya wo kuma bawo wo hakɛ ara siyaya, ado wola karagbɛlɛyɛ ara wara.

Yɛrɛmaya 4:30

Ile Yuda nyamani-tinyanɛ, i ye nfen kun na? Nfenna i ye kura-hakikɛnu donna i kan na? Nfenna i ye i makirila sɛnɛ la? Nfenna i ye i ya-siyi lafinna? I ye i nyɛrɛ mabɛnna fu! I gbo i kenintenu ye, ado i faga-sɔgɛ ara anu bira.

Yɛrɛmaya 5:13

Nɛbinu bi fɔnyɔ le bɔla anu da rɔ. Allata kuma sa anu burɔ. Nɛbinu bi magbalama-kumɛ minnu fɔla ma kan ma, alamɛ wo sɛgira anu denu kɔgɔ rɔ.”

Yɛrɛmaya 7:19

Kɔnɔ Mari ko wole, Yuda kɛnu sa ale tɔrɔla. Wo ye wo nyɛrɛ tɔrɔla. A ko wo ye wo nyɛrɛ le lamiliyala.

Hoseya 12:1

“Ka a bi sɔgɔmɛ ma ha wurɛ la, wole Isirɛla mɔgɛnu sa ko-wo-ko kun na fɔ ko-fuyinu anubɛ tinyalɛ. Karagbɛlɛyɛ ara wara wo tɛma. Wo ara dogonta-fannu di Iyipiti kɛnu anubɛ Asiriyanu ma wo dɛnbɛn-koe la.”

Hoseya 13:15

Hali wo sabatira iko binyɛ, n si fɔn-kalamɛ lana ka bɔ tele-bɔɛ wara la min si wola kɔlɔnnu anubɛ wola tenkenu tagbala todo! Wola fen-kolomɛnu namara tinɛnu ta si kolonya filili!

Hoseya 4:19

Fɔnyɔ si ta wo la. Wo si miliya kɔgɔrɔyɔlɔ ka a tɛgɛ wola bɛsi-kɔɛ ma.

Sakaraya 11:17

Mari ko saga-fɛ-birala-kuntan wo si halaki pɔ bawo a ara ala sagɛnu boloka. A ko alamɛ wo bole tɛgɛra a la kɛlɛ rɔ. A bolo-nyimama-yɛ ni tii fanani.

Sakaraya 11:8

N kuruta saga-fɛ-birala sawɛ minnu ma, n ya wonu gben karɛ kelen kɔrɔ. N sɔgɔ labɔra sagɛnu fanan na ha n bandanta anu kɔrɔ.