Yɛrɛmaya 22:18 - ALLALA KUMƐ

¹⁸ Mari le ya kɛ fɔ Yuda Mansa Yosayala den Yahoyakim ma, a ko, “Yuda mɔgɛnu ti anu dɛ sa-a-rɔ i san-koe kuma. Ila kinikini ti taran anu tɔ. Hali ka a fɔ i kebilɛ ma, ‘Sɛkɔrɔ,’ anu ti wo ma.

Yɛrɛmaya 22:18 ပူးပေါင်းရင်းမြစ်များ

2 Samuwɛli 1:26

N bi n diyana-mɔgɛ Yonatan wo le di tinɛ kɛ la. I ya n bira boloko-nyimɛ-kɛ. I ya ila keninteyɛ min yira n na, wo tenbira musitɛ la.

1 Mansɛnu 13:30

A ya a togon anuna kebila kaburu-soe la. Anubɛ ala dannu dira ala ko la ka a fɔ ko, “E, n na-kelen-nyɔgɛ. E, n na-kelen-nyɔgɛ. I wara n kelan to.”

2 Mansɛnu 23:36

Yahoyakim ya mansayɛ sɔrɔn Yuda nyamanɛ rɔ a sɔrɔn-san mogan-ni-loli nyɔgɛ le ma. San tan-ni-kelen kɔrɔ, a ye mansayɛ la Yerusalɛm soe burɔ. A na le Pɛdayala den Sɛbuda ka bɔ Ruma soe burɔ.

2 Mansɛnu 23:6

Bɛsɛ min tɔgɛ Asura, a ya kɔlɔma wo labɔ luyi ma ka ta a la Kidirɔn lɛɛ rɔ. A ya wo mintan nyɔ ka a bunden gburr! A ya wo gbangban bi ka a furufuru nyɔ-kaburu-soe rɔ.

2 Mansɛnu 24:6

Mansa Yahoyakim fagara tumɛ min, ala den Yɛhoyasin sigira a gbɛ rɔ.

1 Ko-Kɔrɔta-Karan 3:15

Yosaya ya den-kei mɔgɔ nani sɔrɔn, Yohenan wo, Yahoyakim wo, Sɛdɛkaya wo, anubɛ Yɛhowahasi.

2 Ko-Kɔrɔta-Karan 35:25

Nɛbi Yɛrɛmaya ya kinikini-sigi do sa Mansa Yosayala sayɛ kuma. Wo mara Isirɛla mɔgɛnuna namunyɛ la. Ni min bi dila Mansa Yosaya kɛla ko la, wo tigi si sigi kɛ sa. Anu ya sigi wo sɛbɛ saya-sigi-buku rɔ.

2 Ko-Kɔrɔta-Karan 36:5

Mansa Yahoyakim ya mansayɛ sɔrɔn Yuda nyamanɛ rɔ a sɔrɔn-san mogan-ni-loli nyɔgɛ le ma. San tan-ni-kelen, a ye mansayɛ la ka bɔ Yerusalɛm soe burɔ kɔnɔ a bilara ata Mari Alla la.

Yɛrɛmaya 16:4

A ko kiraya-fitinɛ si ta anu na. Anu kunyɛ si to kɛlɛ rɔ, ni wo ma, kɔnkɛ si anu firan dugu-kole kuma. Anu dila-wo-dila ti taran, ado anu togonna-wo-togonna ti taran. A ko anu furi-bolokanɛ si taran dugi ma iko ninki-nyɛ. Anu furinu si ma konanu de-nyini-fan la, ni wo ma, firarɔ-sogenu.

Yɛrɛmaya 16:6

A mɔgɔ-ba wo, a mɔgɔ-ni wo, wo dama si faga Yuda nyamanɛ rɔ. Mɔgɔ ti wo togon hali ka di wola ko la. Mɔgɔ ti a nyɛrɛ matanban, ni wo ma, ka anu kunyɛ gbana wolela ko la di-kɛ-tinɛ.

Yɛrɛmaya 21:11

Mari ko n ni sarakanɛ kɛ latenbi wole, Yuda mansaya-bɔn la, Dawuda kegeyɛnu, kɔni. Mari ko wo ni wo tole masɔ a kan la. Wo ni to ko-latelennɛ kɛla tolon! Mɔgɛ min kensunnɛ, wo ni wo latanka a kensunte ma. Ni wo ma wo ma, a ko ata fondo-labɔɛ si ma iko tɛ min si mintanni kɛ a yisi ma, ado tɛ wo dufen-nya sa.

Yɛrɛmaya 22:10

Wole Yuda mɔgɛnu kana Mansa Yosaya di. Wo kana a saya-di-kɛ kɛ. Kɔnɔ wo ni ala den Yɛhowahasi di biribiri! Anu ba ta a la, a ti sɛgi yan muk! A ti a sɔrɔn-nyamanɛ yen tun!

Yɛrɛmaya 22:12

Anu tara a la nyamanɛ min tɔ, a ye tala fagala nyɔ le. A ti a yɛ masa nyamanɛ kɛ ma tun!

Yɛrɛmaya 34:5

A ko a si faga a fanbolo. Iko anu ya isɛnti mintan a benbanu saya-koe kuma nya min, anu si isɛnti mintan ale fanan saya-koe kuma wo nya na le. Anu si a di ka a fɔ ko, “E, mala mansɛ ara faga.” Ale Mari kan le kɛ la.

Yɛrɛmaya 36:30

Woletɔ Mari ye a fɔla ale Mansa Yahoyakimla ko la ko a ti den-wo-den sɔrɔn min si Mansa Dawuda gbɛ bi hali! A ko anu si a furi lakɛ a rɔ, tele si to a mamintanna, duri si to a kimala suyi rɔ.