Yɛrɛmaya 2:27 - ALLALA KUMƐ

²⁷ Wo kɛnɛna a fɔla wola kɔlɔma-malɛsɛnɛnu ma ko wo fa le wonu na. Wo kɛnɛna a fɔla wola kuru-malɛsɛnɛnu ma ko wonu denu ya wo sɔrɔn. Mari ko wo ara wo yɛ bɔ a la. Wo ara wo kan-kɔ sɔ a la. Kɔnɔ nanparan wa na wo ma, wo ye dila Mari dala wo kisi-koe la.

Yɛrɛmaya 2:27 ပူးပေါင်းရင်းမြစ်များ

2 Ko-Kɔrɔta-Karan 29:6

Ma benbanu ma anu telen mata Mari Alla ye. Anu ya minnu ma, wonu ma ale Mari hɛnɛ. Anu ya Mari boloka ka anu kan-kɔ sɔ ata Bato-Bɔn la.

Aiseya 26:16

Mari, i wara ita mɔgɛnu tɔrɔ nun, anu kɔndɔfilinɛ wati min, anu ya i matara wɛwɛ rɔ.

Yɛrɛmaya 10:8

Hɛnkilimɛ wonu hɛnkili sa, ado kuntan le anu na. Anuna hɛnkilimayɛ wonu bɔnɛ anuna bɛsi-fuyi wonu denu tɔ.

Yɛrɛmaya 18:17

Mari ko a si wo ranyɛnsɛn wo yogenu yakɔrɔ. A si wo ranyɛnsɛn iko tele-bɔ-fɔnyɔ wa gbangban ranyɛnsɛn a sɛnbɛ la. A si a kan-kɔ sɔ wo la. A ko wo tenbi tɔrɔyɛ rɔ, a ti wo dɛnbɛ.

Yɛrɛmaya 2:24

A ko wo mani de iko sofɛli-musumɛ min bi wulɛ rɔ. A kɛnɛna sofɛli-keimɛnu sumɛ birala. Wo wati rɔ, mɔgɔ-wo-mɔgɔ nɔ-ko ti taran ale sofɛli-musi wo rɔ. Sofɛli-keimɛ min ba a labɔ a ma lenkan wo la, anubɛ wo si dɛn. A musumɛ wo lasɔrɔn ma gbo wati wo le.

Yɛrɛmaya 22:23

Wola mansɛla bɔn sɔra sida-fɛran minnu na ka bɔ Lɛbanan kɔnkɛnu kuma, ale mansɛ lafɛrɛnɛ sanɛ wo burɔ! Kɔnɔ dumɛ wa tagbaya a ma, a makinikininɛ si to iko nyaganɛ wa sigi tin kɔrɔ.

Yɛrɛmaya 3:9

ado a sɔn-yogomɛ wo bɔrɔ ma taran a ye. Woletɔ nyamanɛ wo sɛninyani ma tun. A ara farɛ anubɛ kɔlɔma kɔ min kɛ, wo mani de iko anu ya yɛlɛnyɛ kɛ,

Yɛrɛmaya 30:7

Kabana-ko-tele ye nala min nyɔgɔn ti na tun. Kɛ si ma tɔrɔya-tele la wole, Yakoba kegeyɛnu ye kɔnɔ wo kunyɛ si bɔ a rɔ.

Yɛrɛmaya 32:33

A ko hali a taranta anu karanna nun, anu ma anu bɔ anu gbɛ da la fɔ ka anu kan-kɔ sɔ a la.

Yɛrɛmaya 37:3

Mansa Sɛdɛkaya ya Sɛlimayala den Yɛhukali anubɛ Meyaseyala den Saraka-Masɔla Sɛfanaya sɔ nde, Yɛrɛmaya wara alako n ni ale Mari, mata Alla madiya mala nyamanɛla ko la.

Yɛrɛmaya 42:2

Anu ya a fɔ n ye ko, “I yandi, ma ye i manyinikala min na, wo kɛ ma ye. Male min tonɛ, i ni mata Mari Alla madiya ma ye. I ma a yen, fɔlɔ nun ma siya kɔnɔ kaka, ma ara dɔgɔya.

Isikiyɛli 23:35

“ ‘Bawo i wara i kan-kɔ sɔ n na ka nyina n ko, i si tɔrɔya ka a tɛgɛ ila kei-koyɛ anubɛ ila yɛlɛnyɛ ma.’ ”

Isikiyɛli 8:16

A tara n na kata burɔ. N ya mɔgɔ mogan-ni-loli yen saraka-mintan-tinɛ anubɛ Bato-Bɔn don-dɛ tɛma. Anu kan-kɔ sɔnɛ Bato-Bɔn la. Anu yɛ lamununnɛ tele-bɔɛ la ka tele bato.

Daniyɛli 9:7

Ile n Tigi, i ya ko-wo-ko ma, wo telennɛ kɔnɔ male waralɛ, ma ara koe min bɛɛsi ma, fenfen sa wo kɔma fɔ miliya-koe gbansan! A mara Yuda nyamanita-mɔgɔ la wo, a mara Yerusalɛm so-burɔ-mɔgɔ la wo, a Isirɛla mɔgɔ to wo, kɛlɛ tara minnu na wo, kɛlɛ ma ta minnu na wo, ma damasi ye kɛ yilikiyi kɔrɔ.

Hoseya 4:12

Wo ye kɔlɔma-malɛsɛnɛnu mala wola nya-nyini-kɛ-fannu na. Kɔlɔma-fuyi le wonu na dɔrɔn. Wo si min ma, wonu denu bi wo labilala wonu na. Wo ara wo kan-kɔ don nde, Mari la feufeu! Wo ara nde, Mari boloka iko musu-yɛlan si ala kei boloka nya min ka ta yɛlɛnya-kɛ-tinɛ.

Hoseya 5:15

A ko a si a kɔɛn bɔ wo wara-koe rɔ feufeu, ha wo ni kɔrɔtɔ wo yisi rɔ. Tɔrɔyɛ wo wa wo rabɔ tumɛ min, wo ni na to ale Mari nyinina. A ko tumado ni wo tɔrɔta, wo si a nyini de worɔ.

Hoseya 7:14

Wo ma n matara wo yisi la fɔ ka wo nyɛrɛ gbesi dugi la ka belenna dila iko Alla-lɔnbɛlɛnu bi a mala nya min. Wo tenbi n matarala dɔn-fen-koe la, wo ye belenna wo mafarafarala iko kafirinu. Mɔgɔ-murutiyani-bɛrɛbɛrɛ le wo la.