Yɛrɛmaya 2:24 - ALLALA KUMƐ

²⁴ A ko wo mani de iko sofɛli-musumɛ min bi wulɛ rɔ. A kɛnɛna sofɛli-keimɛnu sumɛ birala. Wo wati rɔ, mɔgɔ-wo-mɔgɔ nɔ-ko ti taran ale sofɛli-musi wo rɔ. Sofɛli-keimɛ min ba a labɔ a ma lenkan wo la, anubɛ wo si dɛn. A musumɛ wo lasɔrɔn ma gbo wati wo le.

Yɛrɛmaya 2:24 ပူးပေါင်းရင်းမြစ်များ

Yobu 11:12

Ni sofɛli-feremɛ si den-kolonɛ sɔrɔn, nba, ni wo si ma, mani kun-takolɔn si ma hɛnkilimɛ la.

Yobu 39:2

A buyi ye karɛ min nyɔgɔn yatɛ bɔla, i si ke wo lɔnna? I ya a lɔn ni anu si dan sɔrɔn samɛ, ka, telemɛ rɔ?

Yɛrɛmaya 14:6

Bintɔ-sofɛlɛnu bi anu sɔla kɔnkɔ-makolɔnnu kuma. Anu bi anu niyi makawala kan-nagbalɛ ma. Anu yɛ manɛ kɔnkɛ bolo pankulan!

Yɛrɛmaya 2:27

Wo kɛnɛna a fɔla wola kɔlɔma-malɛsɛnɛnu ma ko wo fa le wonu na. Wo kɛnɛna a fɔla wola kuru-malɛsɛnɛnu ma ko wonu denu ya wo sɔrɔn. Mari ko wo ara wo yɛ bɔ a la. Wo ara wo kan-kɔ sɔ a la. Kɔnɔ nanparan wa na wo ma, wo ye dila Mari dala wo kisi-koe la.

Isikiyɛli 16:33

Yɛlan doinu bi fen sɔrɔnna yɛlɛnyɛ rɔ kɔnɔ ile ye fen sala i nyɛrɛ kuma yɛlɛnya-kɛ-tinɛ. I ye keinu sarala kan-tinɛ bɛɛ rɔ alako anu ni na anu sa i fɛ.

Hoseya 5:15

A ko a si a kɔɛn bɔ wo wara-koe rɔ feufeu, ha wo ni kɔrɔtɔ wo yisi rɔ. Tɔrɔyɛ wo wa wo rabɔ tumɛ min, wo ni na to ale Mari nyinina. A ko tumado ni wo tɔrɔta, wo si a nyini de worɔ.

Hoseya 8:9

Wole Isirɛla mɔgɛnu bara ta wo kun fɛ iko sofɛli-kalabante. Wo ya wo buri tala Asiriyanu bara wo dɛnbɛn-koe rɔ. Wo ara wo kun madiya sibolo-gbɛrɛnu na wo lakanan-koe la.