Yɛrɛmaya 15:18 - ALLALA KUMƐ

¹⁸ Nfenna dumɛ sa foola n kun na. Nna tɛlɛ sa sɔnna kɛndɛyala. Mari, i kana ma n ma iko yi min bi gbalala a worɔn la todo! I kana ma n ma iko tenke min sa yigila tun.

Yɛrɛmaya 15:18 ပူးပေါင်းရင်းမြစ်များ

Yobu 14:11

Iko bɛ si gbala a worɔn la nya min iko dalɛ si gbala a gbɛ rɔ nya min,

Yobu 34:6

Ale Yobu ye a fɔla ko hali ale latelennɛ, mɔgɛnu bi a fɔla ko foninya-fɔlɛ le ale la. A ko hali hakɛ sa a ma, dumɛ waranɛ a ma Alla bolo.

Yaburi 6:3

N sɔndɔmɛ lafinnɛ n ma. Mari, i si to n dɛnbɛn-koe masigila ha wati nyamintan?

Yɛrɛmaya 14:19

Mari, i wara i ban bɛrɛbɛrɛkɛ male, Yuda mɔgɛnu na, wa? Yerusalɛm gbo i ye, wa? Nfen bara a to, i wara ma tanban boloko-yogomɛ-kɛ ha ma sa kɛndɛyala tun? Ma yili ye yisi-kimɛ le ma nun kɔnɔ ma ma a sɔrɔn. Ma yili-madiyanɛ ma kɛndɛya-koe la Yaga, kumakɔɛ le ma kuma.

Yɛrɛmaya 14:3

Mɔgɔ-banu ba anu kɔrɔ-wɔli-kɛlɛnu nata yi-bi-tinɛ, wonu ti yi-wo-yi taran yi-denkɛ rɔ. Anu ba sɛgi anuna yi-bi-fan wonu takolɔn la, anu si anu yakɔrɛ dogon miliyɛ bolo dɔgɔma-ma-de! Anu si anu kunyɛ layigi yarabiyi bolo.

Yɛrɛmaya 20:18

Nfenna n sɔrɔnta worɔ ka to tɔrɔyɛ anubɛ nimisɛ rɔ tolon? N bi n siyi banna miliyɛ le tɔ.

Yɛrɛmaya 20:7

Mari, i wara n bolo labira ha n ma ara yuwaya. I ragbɛlɛ n ko, ado i wara n nɔ. N bara ma yɛlɛnma-fan la. Bɛɛ ye n mayɛlɛnna tumɛ bɛɛ.

Yɛrɛmaya 30:12

Mari ko tanban-nɛ ye wo ma min ti dandan. Wo duma-tinɛnu ti kɛndɛya.

Yɛrɛmaya 30:15

Hali wo ma wo tɔrɔ wola tɛlɛnu bara-koe fɔla bawo a dandan-fen sa. Mari ko a ara wo tɔrɔ wo nya bawo wo hakɛ ara siyaya, ado wola karagbɛlɛyɛ ara wara.

Maika 1:14

“Wole Yuda nyamanita-mɔgɛnu, wo ni bolo-fan to Mɔrɔsɛti-Kati soe-mɔgɛnu bolo. Soe wo tɔgɔ-kɔrɛ mani de iko ‘musu-nɛla fandɛ.’ Akisibu soe wo tɔgɔ-kɔrɛ mani de iko ‘baya.’ Mansɛ minnu bi Isirɛla nyamanɛ rɔ, wonu ti dɛnbɛnɛ sɔrɔn Akisibu mɔgɛnu bolo.

Maika 1:9

Samariya si na tinya feu, ado mɔgɔ ti ke a ladanna tun. Yuda nyamanɛ fanan si tinya wo nya na le, hali anuna Yerusalɛm so-karantan fanan.”