Yɛrɛmaya 15:13 - ALLALA KUMƐ

¹³ Wodi anubɛ fen-kolomɛ minnu bi wole, Yuda kɛnu bolo, Mari ko a si wonu don wo yogenu bolo, hali anu ma tɔrɔ wo la. A ko a si wo ma ka a tɛgɛ wole, Yuda kɛnu hakɛ ma, wo ye min mala kan-tinɛ bɛɛ rɔ.

Yɛrɛmaya 15:13 ပူးပေါင်းရင်းမြစ်များ

Yaburi 44:12

I ma ila mɔgɛnu dɛ lagbɛlɛya. I ya ma mayira ka ma ma iko fan min dɛ ma gbɛlɛ.

Aiseya 52:3

Ma Tigi Mari ko wole, ata mɔgɛnu donta yɔɔnyɛ rɔ tumɛ min, mɔgɔ-wo-mɔgɔ ma sɔn wo sanna wodi la, ado mɔgɔ ti wo kunka fanan wodi la.

Aiseya 52:5

Wo ye Babilɔn nyamanɛ min tɔ kaka, ko-sifa wo le mara nyɔ fanan. Wonu ya wole, ata mɔgɛnu bira, wonu fanan ma wo sɔnkɔ di. Wo biralɛ kɛnu bi anu nyɛrɛ matɔgɔla. Anu bi ale Mari tɔgɔ tinyana tuma-wo-tuma.

Yɛrɛmaya 15:8

Wole Yuda musu-siyaman si foo wola keinu na. A ko kɛɛ-nyaganɛ si siyaya ka tenbi ba-kɛnkɛn la. A ko a si kasarɛ lana tele-latelen-wati wole, Yuda kemini-mɛsɛnu kan ma. A ko kɛ si kilan anubɛ dumɛ lana anu nanu kuma.

Yɛrɛmaya 17:3

Mari ko bɛsi-kɔ-tinɛ minnu bi kɔnkɛnu ma wo, anubɛ wola nɔnfuli anubɛ wola fen-kolomɛnu wo, a ko a si wonu toronde wo la ka wonu natenbi wo yogenu ma bawo wo ara hakɛ kɛ ka a dan-natenbi wola nyamanɛ bɛɛ rɔ.

Yɛrɛmaya 20:5

Mari ko a si wola so-karantan kɛ fen-kolomɛnu di wo yogenu ma Babilɔn nyamanɛ rɔ. Wola mirannu wo, wola mansaya-fen-kolomɛnu wo, wo si foo wo dama la.

Isikiyɛli 38:13

A ko Siba kɛnu anubɛ Didan kɛnu anubɛ Sipeni nyamani-yilanu si to ale mansɛ manyinikala ko, “I wara ban ila kɛlɛ-dannu kundɛnna alako anu ni ta bui mɔgɛnu ma, wa? I wara ban anu bolo-fannu torondela anu na, wa? A wodi-gbɛ wo, a sɛnɛ wo, a kolo-fen wo, a bolo-fen wo, a sɔgɛ ye i la, i ni ta wo bɛɛ la i bolo, wa?”

Sɛfanaya 1:13

A yogenu si a bolo-fannu bi ka ala bon-nakolɔn to. A si bɔn sɔ kɔnɔ a ti ki a la. A si nɔnbɔ-gbɔ-sɛnɛnu sa kɔnɔ a ti a yi min.