Yɛrɛmaya 11:19 - ALLALA KUMƐ

¹⁹ N mani de anu yala nun iko anu bi saga-den-makimanɛ min kan-natɛgɛ-koe rɔ. N ma a lɔn nun ko anu si yanfɛ don n ma. Anu bi a fɔla ko, “Ma ni kɔlɔma kɛ anubɛ a gbɔɛ kasara. Ma ni a faga. Wo si a ma, mɔgɛnu ni nyina a ko salon!”

Yɛrɛmaya 11:19 ပူးပေါင်းရင်းမြစ်များ

Yobu 28:13

Mɔgɔ ti hɛnkilimayɛ taran mɔgɛnu tɛma. Mɔgɔ-wo-mɔgɔ ma hɛnkilimaya-mɔlɔn-dan lɔn.

Yaburi 109:13

Alamɛ a kegeyɛnu tora fagala. Alamɛ a tɔgɛ tununta a kɔma-mɔgɛnu tɛma yen!

Yaburi 112:6

Mɔgɔ-nyimɛ wara-koe ti sɛgi kɔma. Mɔgɛnu yili si to a ko wati bɛɛ.

Yaburi 116:9

N bi Mari yakɔrɔ min kɛ, n bi kɛndɛwaganu tɛma duninya rɔ.

Yaburi 142:5

N bi ile Mari rakelela n dɛnbɛn-koe rɔ. N natankalɛ le ile la. Ile le n sigi-kunya bɛɛ la, ado n mako ti taran fenfen na.

Yaburi 27:13

N ya a lɔn serr, ko fɔ n ba to n niyi la ha n ni Marita kɛ-nya-nyimɛ yen n yɛ la.

Yaburi 31:13

N bi n yogenu wɛwɛ-sa-kan lamɔɛnna. Kilan ye nna foolɛ rɔ. Anu bi n faga-mɔlɔnɛ bɛɛ ladanna.

Yaburi 35:15

Kɔnɔ tɔrɔyɛ ya n sɔrɔn wati min, anu dama nyagalenta. Anu ya a kinki n ma ka n mayɛlɛn. Mɔgɛ kɛnu ya n natɛrɛna ka kɛ n ma. Anu ya n kumakiri foninyɛ la.

Yaburi 52:5

Woletɔ fɔ Alla wa i kasara pɔ! A si i gbɔrɔndo ila bɔn la. A si i wurun mɔgɛnu tɛma.

Yaburi 83:4

Anu bi a fɔla ko, “Wo na, ma ni mɔgɛ kɛnu nato alako Isirɛla wara-koe ni tuni yen!”

Hɛnkilimaya-Kumɛnu 10:7

Mɔgɔ-nyimɛnu tɔgɛ si ta wuu! Kɔnɔ mɔgɔ-karagbɛlɛnu tɔgɔ si tunu yen!

Hɛnkilimaya-Kumɛnu 24:15

I kana ma iko karagbɛlɛ minnu bi yanfɛ sigila mɔgɔ-telennɛnu na anu kankan-koe la.

Hɛnkilimaya-Kumɛnu 7:22

A ma mɛ lefan, keminɛ wo kungban-kungban bilara a fɛ iko ninki-tigi tenbi tala ala ninki la a faga tinɛ. Keminɛ wo ye tala yɔlɔn-yɔlɔn iko mina tenbi tala a kunyɛ ladonna kan-birɛ la.

Aiseya 32:7

Hɛnkili-tinyanɛ si kuntanya-kumɛnu fɔ ka karagbɛlɛya-koenu nadan. Anu si yanfɛ ladan alako anu si bolo-kolɔnnu tabunden foninyɛ la nya min. A si a ma, bolo-kolɔn ni foo a yoe la.

Aiseya 38:11

N bi nilamɛnu tɛma tumɛ min, n miri n ko n ti Mari yen tun n yɛ la, ado n ti mɔgɔ-wo-mɔgɔ yen tun a niyi la.

Yɛrɛmaya 1:19

Anu si i kɛlɛ kɔnɔ anu ti i nɔ bawo n bi i fɛ. Nde le si i lakanan.”

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Yɛrɛmaya 26:8

N banta Mari kan kɛ fɔla nya min wo, wo kɛra n ma ka a lasɔnkɔ ko, “Ma ye i fagala kumɛ kɛla ko la.

Nimisa Koe 3:60

Yanfɛ min tabɛnnɛ n kan ma n yogenu bolo, i ya wo bɛɛ lɔn.

Isikiyɛli 32:24

“Ilam kɛlɛ-dannu fanan bi lakira nyɔ. Alla-lɔnbɛlɛ kɛnu bi anu niyi la tumɛ min, anu bi mɔgɛnu takilanna kɔnɔ anu dama kunyɛ tora kɛlɛ rɔ nun. Kaka, anu faganɛ sanɛ lakira miliyɛ rɔ, ado anuna ban-bole anubɛ kɛlɛ-dannutɛ mara kelen na.

Daniyɛli 9:26

Wo wati wa tenbi, anu si Allata-Mɔgɔ-Yabɔnɛ faga hali a ma ko tinya. Kun-tigi-sɛnbɛmɛ do si ala kɛlɛ-dannu nata ka ta Yerusalɛm anubɛ Alla Bato-Bɔn tinya pɔ! Wola ban si na iko gboron-gboronna-yi. Kɛlɛ anubɛ kasarɛ si ma anutɛ la burubukai iko Alla ya a fɔ nya min.

Hoseya 9:8

Alla ara n sɔ nɛbiyɛ la ka wole, Isirɛla mɔgɛnu makawandi. Kɔnɔ n tara kan-bo-kan, n bira-sɔgɛ ye wo la iko kona. Hali Mari Bato-Bɔn la, nɛbinu yoge le wole la.

Yilan-Yilan Koe 1:14

Wo ni Duwɛlila dan Iliyasafu kele ka bɔ Kadi bɔnsɔn rɔ.