Yemesi 5:7 - ALLALA KUMƐ

⁷ Nba, n na-kelen-nyɔgɛnu, wo ni wo muin ha Mari ni na. Wo ni sɛni-salɛta munyu-nya mafɛlɛn. A ye ala sɛnɛ makɔnɔna munyu-ba rɔ, ha a ni banda-yi-kun-fɔlɔtɛ anubɛ a laban sɔrɔn. A ye a fɛ, ala ki-fannu ni ma-a-la ka nanfa.

Yemesi 5:7 ပူးပေါင်းရင်းမြစ်များ

Yɛrɛmaya 5:24

Wo sa a fɔla wo nyɔgɔn ye ko, “Ma ni kilan mata Mari Alla la wona. Ale le ye bandɛ lanala ma ye a tumɛ rɔ. Ale le ye a mala, ma ye mala fui-fannu tɛgɛla a tumɛ rɔ.”

Hoseya 6:3

Ma ni ma sɛbɛ don Mari lɔn-koe ma alako a ni to sɛgila ma ma tun iko sun-tele-tiyi ye nala sɔgɔma-wo-sɔgɔma nya min. A si to sɛgila ma ma tun iko samɛ min bi donna san-bo-san.”

Yowɛli 2:23

Mari si a fɔ wole, Yerusalɛm kɛnu fanan ye ko wo ni sewa ka a tɛgɛ ale Mari ara min ma wo ye. A ara banda-yi kun-fɔlɛ di wo ma, ado a ara bandɛ yirika lana wo ye min si wola sɛnɛnu tabɔ.

Sakaraya 10:1

Wo ni Mari matara ko a ni bandɛ lana a tumɛ rɔ, ado Mari ye a mala, bandɛ ye nala. Ale le ye bandɛ lanala hadama-dan ye alako ki-fannu ni ma-a-la wɔli-kɛ-tinɛnu tɔ.

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Matiyu 16:28

Wo ni wo hɛnkili to kɛ ko! Donu bi yan, wonu ti faga ha anu ni nde, Hadama-dan, yen nala nta mansayɛ rɔ.”

Matiyu 24:27

Iko banda-nyin-masɔgɛ si ke tele-bɔɛ ka ta tele-yigi, nde, Hadama-dan si na wo nya le tiriya!

Matiyu 24:44

Wo le ya a to, wo rabɛnnɛ ni to tuma-wo-tuma bawo wo hɛnkili sa a ko tumɛ min, nde, Hadama-dan si na wati wo le tɔ.

Luka 18:8

N ni a fɔ wo ye, a si kiti tɛgɛ a kilɛ fɛ ka a ma tiriya! Kɔnɔ nde, Hadama-dan wa na tun, n si dɛnkɛninyɛ taran duninya rɔ, wa?”

Luka 21:27

Nba, nde, Hadama-dan si bɔ gbɛ rɔ wo wati rɔ. N bi nala banda-fin-gbɛ rɔ sɛnbɛ anubɛ gbiliya-ba rɔ.

Luka 8:15

Sugi min buira dugu-lamonɛ rɔ, wo mani de iko mɔgɛ min bara Allala kumɛ lamɔɛn ka a lamara a yisi-nyimɛ rɔ. A si to ala kumɛ birala ha a si gbɔ.

Yɔni 21:22

Yisa ya a yabi ko, “Ni n bi a fɛ, ale ni to ha n ni na, ila ko le wo rɔ? Bila n fɛ tun!”

Yɔni 21:23

Nba, kumɛ kɛ nyɛnsɛnta Yisala karan-dannu tɛma ko ala karan-dan doi kɛ ti faga. Kɔnɔ Yisa ma a fɔ ko a ti faga. A ko, “Ni n bi a fɛ, ale ni to ha n ni na, ila ko le wo rɔ?”

Romu 15:4

Min bɛɛ sɛbɛnɛ Allala kitabu rɔ kɔrɔma la, wo sɛbɛnɛ alako ka ma karan. Anu si a ma, ma ni ma munyu ka ma sɛnbɛ don alako ma si yigi sɔrɔn nya min.

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

1 Kɔrɛnti 1:7

Wo le ya a to, wo tenbi Mari Yisa, Allata-Mɔgɔ-Yabɔnɛ makɔnɔna ko a ni na duninya kɛ rɔ tun, wo sa dasala nirɔ-kɔ-fen kelen bɛrɛn na.

Kalesiya 5:5

Male min tonɛ Allata Ni-Sɛnimɛ baraka rɔ, Alla ara fan min lanyiri kiri, ma gbarannɛ ma nyɛrɛ la wo bɛɛ-sɔrɔn-koe la. A ya lanyiri wo kiri anu ye minnu telennɛ a ye dɛnkɛninyɛ fɛ,

Kalesiya 6:9

Ma ni ma tunadiya ko-nyima-kɛ-koe ma bawo ni ma ma bandan, wati si na, ma si ma ko-nyima-kɛ-sarɛ sɔrɔn.

Tɔn-Fɔɛ-Fila-Nyɔgɛ 11:14

Ni wo ya wo ma, a si bandɛ lana a wati rɔ, wo ye nyinina a ma tumɛ min. Wo si a ma, wo ni ki-fen-siyaman tɛgɛ anubɛ fui-fannu.

Kɔlɔsi 1:11

Ma ye a matarala fanan ko wo ni sɛnbɛ sɔrɔn bɛrɛkɛ ka bɔ ata sɛnbɛ-makawanɛ rɔ. Wo le si a ma, wo ni ke a birala wo rɔ ka wo munyu koe bɛɛ rɔ, ado wo bɛɛ rɔ, wo

1 Tɛsalonaika 1:3

Ma wa madiyali kɛ ma Fa Alla ye tuma-wo-tuma, ma si to wola kɛwɔlɛnu takaranna a ye, wo ara minnu kɛ ka a tɛgɛ wola dɛnkɛninyɛ ma. Wo ya wɔli-gbɛlɛmɛ min kɛ ka a tɛgɛ wola keninteyɛ ma Yisa wara la, ma yili tonɛ wo ko. Wo yigi tonɛ Mari Yisa, Allata-Mɔgɔ-Yabɔnɛ rɔ nya min, ma yili tonɛ wo bɛɛ ko wo nya na le!

1 Tɛsalonaika 2:19

Wole Tɛsalonaika kɛnu, ma yigi anubɛ mala sewɛ le wole la. Mari Yisa wa na tumɛ min, ma si wasi wole rɔ iko mɔgɔ wa mansaya-fulɛ don ma kunyɛ la.

1 Tɛsalonaika 3:13

Alamɛ wo yisi ragbɛlɛyara alako ma Mari Yisa anubɛ ata mɔgɔ-sɛnimɛnu ba na tumɛ min, wo sɛninyanɛ ni taran ma Fa Alla yala.

Hiburunu 6:15

Iburayima ya a munyu lanyiri wo kɔrɔ. Woletɔ Alla ya lanyiri min kiri, a ya wo sɔrɔn.

Yemesi 4:11

N na-kelen-nyɔgɛnu, wo kana wo nyɔgɔn mapandin ha ka wo nyɔgɔn yiliki. Ni wo ya wo ma, wo ye Alla leta tɔn mapandinna ka a yiliki. Ka a fɔ i si ke a fɔla ko, “Tɔn kɛ bɛnta, tɔn kɛ ma bɛn,” wo kiti-tɛgɛla ma ile la, ado ita wɔlɛ ye min na, wo le, ka tɔn wonu bira wo bolo filɛ la.

Yemesi 5:10

N na-kelen-nyɔgɛnu, nɛbi minnu kumara Mari tɔgɛ rɔ, wo ni wo hɛnkili to wonu ko. Wonu bara anu munyu tɔrɔyɛ kɔrɔ nya min ha a laban, wo ni ma misalɛ la wo ye.

Yemesi 5:3

Wola sɛnɛ anubɛ wodi-gbɛ, mɔlɔn sa a la tun. Wo ara nɔnfuli ladɛn tele-laban kɛnu kɔrɔ kɔnɔ wo si ma sereyɛ la wo kan ma ka wo fɛrɛ-bɔnkɛnu don tɛ rɔ pon!

2 Pita 3:4

Anu si a fɔ ko, “Mari ya lanyiri kiri nun ko a ye nala. A ye mi? Ma benbanu bara faga, bi ma, kɔnɔ kebi duninya kɛ danta, fan bɛɛ ye a gbɛ rɔ iko a ye nya min nun!”