Yemesi 5:5 - ALLALA KUMƐ

⁵ Wo siyi duninya kɛ rɔ, a fanɛ ladiyɛ anubɛ nyɛrɛ-diyana-ko-gbansan le la. Wo ara wo nyɛrɛ matɔlɔ wo kan-natɛgɛ-tele ye.

Yemesi 5:5 ပူးပေါင်းရင်းမြစ်များ

Yaburi 17:14

I ni nde lakisi bana wonu ma, fen bi min bolo duninya kɛ dɔrɔn tɔ. Tɔrɔya-dagɛ min siginɛ i bolo, anu tɔrɔ wo la. Tɔrɔyɛ wo kana dan anu denu dɔrɔn ma. Hali anuna dannu anubɛ anu mamanɛnu ni do sɔrɔn a rɔ.

Yaburi 73:7

Wunduyogoyɛ ye tugula anu yisi rɔ iko yi. Anu kunyɛ lafanɛ yanfanteyɛ la.

Hɛnkilimaya-Kumɛnu 17:1

Yanni mɔgɛ ni fen dɔn ladiyɛ rɔ rayogobo-yagaba, wobɛ kɔndɔfili, a fisa, a ni to biredi-gbalɛ dɔnna yisi-kimɛ rɔ.

Hɛnkilimaya-Kumɛnu 7:14

“N bara nna yisi-kima-sarakɛ bɔ bi. A sogo-toe ye n bolo bɔn la.

Makawandili Kumɛnu 11:9

Wole fonikenu! Wo ni wo nyɛrɛ ladiya. Fananta i pose, i ni i tele kɛ. Ko-wo-ko di i ye, wo ma fasai! Kɔnɔ i miri de, lunyɛ do, i wara koe min bɛɛsi ma, fɔ Alla wa i kiti wonuna ko la.

Aiseya 22:13

kɔnɔ wo ma wo ma. Wo ya wo nyɛrɛ ladiyɛ anubɛ tolon-minyɛ buta a ma. Wo ya kolo-fannu faga ka anu dɔn iko a di wo ye nya min. Wo ya wo min kolikoli! Wo ya a fɔ ko, “Min fisa, a bɛnnɛ ma ni fen dɔn ka ma min bawo ma ye nala fagala le sina.”

Aiseya 3:16

Mari ko, “Yerusalɛm musinu wasi-nya mafɛlɛn. Anu sungban siginɛ tala san ma. Anu bi keminɛnu wululula anu yɛ tɔnkɔn la. Anu bi tala anu tɛbulan ramagala. Anu kin-na-yɔlɔkɔ-kan ye tala bɔla anu kian la se se se.”

Aiseya 47:8

Ile Babilɔn soe, i tole masɔ, sewɛ di ile min ye wɛ kɛ, kɔni, i miri ko i siginɛ lafɛrɛ rɔ. I ye i nyɛrɛ matagbala. I ko i rakɛn fenfen sa nyɔ. Ile ma a lɔn nun ni i si ma kɛɛ-musi la. I ma a lɔn ko i si foo ila dannu na.

Aiseya 56:12

Anu kɛnɛna a fɔla ko, “Wo na, ma ni ma min kɔlikɔli! Ma ni gbɛɛ-kunɛ min. Sinan-minnɛ si tenbi bitɛ la.”

Yɛrɛmaya 12:3

Mari, ile ya n burɛ lɔn. Ile le ye n miriya lakɔrɔsila. I ni karagbɛlɛ kɛnu sagan dugi la iko saga-bosotɛ. Anu namara a dan na kan-natɛgɛ-telela ko la.

Yɛrɛmaya 25:34

Wole kun-tigi minnu bɛnta ka ma Marita mɔgɛnu kandannɛ la, wo ni sɔnkɔ di-kɛ-tinɛ. Wo ni di ka wo forongbesi gbangban rɔ. Wo ratii-tumɛ ara ke. Anu si wo ratii iko bɔnku-dagɛ wa fɛrɛn dugi la.

Isikiyɛli 16:49

Nba, Sɔdɔm soe wonubɛ a so-mɛsɛnɛnu wasinɛ bawo dɔn-fen-siyaman bi anu bolo, ado anu siginɛ yisi-kimɛ rɔ poi! Kɔnɔ bolo-kolɔnnu bɔrɔ sa anu ye.

Isikiyɛli 39:17

N Tigi Mari ya a fɔ n ye ko, “Ile hadama-dan, i ni konanu anubɛ firarɔ-sogenu kele alako n bara sarakɛ min bɔ anu ye, anu ni na wo dɔn-tinɛ. Wo si ma ladiya-ba la anu ye Isirɛla kɔnkɛnu tɔ. Anu si to soge dɔnna ka a yele min.

Emɔsi 6:1

“Wole Isirɛla mɔgɔ-lafɛrɛnɛ minnu siginɛ Yerusalɛm, wole minnu yisi-kimanɛ Samariya soe burɔ, Isirɛla mɔgɛnu bi tala wole min bara wo dɛnbɛn-koe rɔ, a si gbɛlɛya wo kuma gben!

Luka 16:19

“Nɔnfulu-tigi do ye nyɔ nun min fɛrɛya bɔnɛ kura-da-gbɛlɛnu na. Tele-wo-tele, a si to dɔn-fen-nyimɛ dɔnna.

Luka 16:25

“Kɔnɔ Iburayima ko, ‘Nna dan, i miri fɔlɔn. I kɛndɛ tumɛ min, i ye fen-nyimɛ bɛɛ sɔrɔnna kɔnɔ wati wo rɔ, Lasarasi kɛ ye fen-nɔgɔnɛnu gbansan sɔrɔnna. Nba kaka, ale le ye sewɛ la yan, ile ye dumɛ rɔ.

Romu 13:13

Ma ni mala ko-ladan-nyanu natelen iko mɔgɛ minnu tonɛ waan rɔ. Manamanatoyɛ wo, gbɛɛ-min-wɛ wo, yɛlɛnyɛ wo, kisimiriya-koe wo, nyɔgɔn-tiran wo, keliyɛ wo, ma kana basan wonu fenfen na.

1 Timoti 5:6

Kɔnɔ kɛɛ-musi min bi tola a nyɛrɛ diyana-koenu kɛla, hali a ye a kɛndɛ la, a faganɛ le. A tɔnɔ sa a la.

2 Timoti 3:4

Anu si ma mɔgɔ-bolo-labiralɛnu na anubɛ tengberannu. Anu wasinɛ ha ka a dan natenbi. Anu nyɛrɛ-diyana-koe di anu ye ka tenbi Alla wara-koe la.

2 Pita 2:13

Anu bara mɔgɛnu tɔrɔ min kɛ, anu si na tɔrɔyɛ wo sarɛ sɔrɔn. Min si anu fɛrɛ-bɔnku-nata wasa hali tele rɔ, anu diyana-koe le wonu na. Anu ba kofu wo ma fen dɔn tinɛ tuma-wo-tuma, anu si na miliyɛ anubɛ lafɛyɛ la anu bolo. Anu bi sewala anuna kisimiriya-koenu tɔ tolon!

Yude 1:12

Wole denkɛninya-mɔgɛnu ba bɛn fen dɔn tinɛ, mɔgɛ kɛnu manyimanɛ wo tɛma. Anu bi hɔnna anu nyɛrɛ le dɔrɔn na anuna milibɛlitaya-fen-dɔn la anu bolo. Anu manɛ iko fɔnyɔ siginɛ banda-finyɛ min kɔrɔ. Anu manɛ iko kɔlɔma minnu ti gbɔ mumɛ, hali anu gbɔ-tumɛ kenɛ. Anu manɛ iko kɔlɔma minnu suli labɔnɛ dugi rɔ feu! Anu bara faga don!

Lankɛnimayɛ 18:7

A ara gbiliyɛ anubɛ nɔnfuli min nyɔgɛ di a nyɛrɛ ma nun, wo ni wo nyɔgɔn nyagbɛ anubɛ yisi-gbalɛ di ale ma kaka bawo a tora a fɔla a nyɛrɛ ma ko, ‘Wo ma a yen, n siginɛ musu-mansayɛ le la gbɛ! Kɛɛ-musu ma n na. N yisi ti gbala mumɛ!’

1 Samuwɛli 25:36

Abigɛli tara ala kei Nebali wara. A ya a taran, ala kei ye ladiyɛ min kun na, wo manɛ de iko mansɛtɛ. A ara a min kɔlikɔli. A sewanɛ baan bolo woletɔ Abigɛli ma kuma-wo-kuma fɔ a ye ha wo wulun sɔgɔma.

1 Samuwɛli 25:6

A ya a sara anu na ko anu ni ta a fɔ Nebali ye ko, “Nde ara wobɛ wola denbayɛnu kɔndɔn bɛrɛkɛ!