Yemesi 5:4 - ALLALA KUMƐ

⁴ Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!

Yemesi 5:4 ပူးပေါင်းရင်းမြစ်များ

Ko-Dabirɛnu 4:10

Wo kɔma, Mari ko, “I wara nfen ma kɛ la? I tole masɔ! I dɔgɛ yele ye dila n dala ka bɔ dugi rɔ a tayili-sara-koe la.

Yobu 34:28

Kun-tigi wonu ya bolo-kolɔnnu bira boloko-yogomɛ-kɛ ha bolo-kolɔn wonu dira Alla dala. Wo le ya a ma, ale fanan ya anu di-kɛ-kan lamɔɛn.

Yobu 7:2

A manɛ fanan iko yɔɔn min bi nini nyinɛ la a si a sulen kan min. A mani de iko wɔli-kɛlɛ min hɔnnɛ a sara-koe la.

Yaburi 9:12

Alla fonde ye mɔgɔ-tɔrɔnɛnu ko. A si a wɔlɔ matɔlɔ anu di-kɛ-kan la ka wonu tɔrɔ minnu bi ata mɔgɔ-tɔrɔnɛnu yakɔrɔ-mamɔla.

Bɔ-Koe-Iyipiti 22:27

bawo wo kelan pe le ye a bolo. Ni wo sa nyɔ, a si nfen burun a ma? Ni burun-kura-tigi wo dira n dala tumɛ min, n si a di-kɛ-kan lamɔɛn kamasɔrɔn n si kinikini mɔgɔ-sufa wo ma.

Bɔ-Koe-Iyipiti 3:9

Isirɛla mɔgɛnu di-kɛ-kan ara ke n ma nkɛkuna, ado Iyipiti kɛnu bi anu tɔrɔla nya min, n bara wo bɛɛsi yen.

Aiseya 1:9

Ni Mari Sɛnbɛ-Bɛɛ-Tigi ma mɔgɛ donu to anu kɛndɛ la nun, fɔ Yerusalɛm soe wa kasara nun pɔ! A ni ma iko Sɔdɔm anubɛ Kɔmɔra soenu mara nya min nun.

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Aiseya 5:9

N bara a lamɔɛn ko Mari Sɛnbɛ-Bɛɛ-Tigi ye a fɔla ko, “Wola bon-belebele-hakikɛnu si kasara pɔ!

Yɛrɛmaya 22:13

Mari ko gbalo ye ale mansɛ ma, ale min bi ala bolɔn sɔla wunduyogoya-fan rɔ. A kɛnɛna mɔgɛnu bole labirala alako a ni ala bolɔn lakoloya. A ye a fɔla ko a si bolon-ba-belebele sɔ a nyɛrɛ ye. San-bɔn wo konkonu si ma fulan! A si wundan-ba-dɛgbɛnu sɔ ka sida-fɛrɛnnu sa a dandan ma tala. A wa ban, a si nɛrɛ-wulan nɔrɔn a ma. Kɔnɔ a ye ala mɔgɛnu nawɔlila, a sa fenfen dila anu ma. Hali fen-yantarani, a ti a di anu ma.

Saraka-Masɔlɛnuta Tɔnnu 19:13

“Wo kana tɔnɔ-wɛ labɔ wo ta-nyɔgɛnu kuma. Ni wo ya wɔli-kɛlɛ bi ka ta wola wɔli-kɛ-tinɛ, yanni i ni a boloka, wo ni a sarɛ don a bolo. Wo kana a sarɛ bira ha wo banda kɛ sɔgɔma.

Habakuku 2:11

Hali kuri minnu manɛ wola bon-kurukɛ-fannu na, wonu bi wo sɔn sɔla wo rɔ anu kulu-mayɛlɛnɛ la. Bon-gbarannu fanan bi wo labirala.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Matiyu 9:37

Nba, a ya a fɔ ala karan-dannu ye ko, “Fui-fan-tɛgɛtɛ kolo kɔnɔ a tɛgɛlɛnu ma siya.

Luka 18:7

Allata mɔgɛ minnu bi anu kan nabɔla a ma su-ni-tele, wonu don, a ti wonuna kiti tɛgɛ a kilɛ fɛ, wa? A ti anu dɛnbɛ tiriya, wa?

Romu 9:29

Iko Aiseya ya a fɔ nya min fɔlɔ-nun, a ko, “Ni Mari Sɛnbɛ-Bɛɛ-Tigi ma mɔgɛ donu to anu kɛndɛ la nun, ma si kasara nun pɔ iko Sodom anubɛ Kɔmɔra soenu mara nya min.”

Tɔn-Fɔɛ-Fila-Nyɔgɛ 15:9

Hali a ya a taran, san wɔrɔnfilɛ kɛ ara gbɛrɛn, wo si yili boloka san min na, wo kana wo ban wo nyɔgɔn-dɔndɔ-koe ma. Hali miriya-yogoma-su wo kana na wo hɛnkili ma. Ni wo ya wo ban wo na-kelen-nyɔgɛnu dɔndɔ-koe ma, ni wo do ya a yasere-masa Allatala ye, wo tigi min ya karagbɛlɛyɛ sigi a la wo la, wo si yiliki sɔrɔn Alla bolo.

Kɔlɔsi 4:1

Wole yɔɔn-tiginu, koe min telennɛ anubɛ min bɛɛ kin, wo ni wo kɛ wola yɔɔnnu ye. Wo ni wo hɛnkili to kɛ ko bawo wole fanan tigi ye Arinyɛni tɔ.