Yemesi 5:20 - ALLALA KUMƐ

²⁰ wo ni wo hɛnkili to kɛ ko, min ba hakɛ-tigi yɛlɛma ka bɔ a hakɛ-kilɛ fɛ, wo si hakɛ-tigi wo niyi lakisi sayɛ ma ka a ma, hakɛ siyamɛ ma ni koto.

Yemesi 5:20 ပူးပေါင်းရင်းမြစ်များ

Yaburi 32:1

Ale min hakɛ ma ara koto, mɔgɔ-sewanɛ le wo tigi la. Mɔgɔ-sewanɛ le wo tigi la min sɔn-yogomɛ yama ara togon.

Hɛnkilimaya-Kumɛnu 10:12

Gboyanayɛ si bɛnbɛlitayɛ lawuli kɔnɔ keninteyɛ si ko-yogomɛ damasi yamatogon.

Hɛnkilimaya-Kumɛnu 10:2

Mɔgɔ ye nɔnfuli minnu sɔrɔnna kensunyɛ rɔ, wo ti a munanfaga kɔnɔ ko-latelennɛ si mɔgɛ matanka siyi-matɛn ma.

Hɛnkilimaya-Kumɛnu 11:30

Mɔgɔ-telennɛnu si gbɔ nimayɛ la iko kɔlɔmanu si gbɔ nya min. Hɛnkilimɛnu si mɔgɛnu sagan telenbagayɛ wara.

Hɛnkilimaya-Kumɛnu 11:4

Mari wa wuli mɔgɔ kitila, nɔnfuli ti a dɛnbɛ wulɔn kɔnɔ ko-telenni-kɛ si mɔgɔ kisi sayɛ ma.

Hɛnkilimaya-Kumɛnu 17:9

Ni i ko i ni diya mɔgɛnu ye, fɔ i ni anu sɔn yamatogon. Ni i tora anu sɔn fɔla, i ti i diyana-mɔgɛ sɔrɔn.

Yɔni 5:24

“N bi tonyɛ fɔla wo ye, min ba nna kumɛ lamɔɛn ka dɛnkɛninya n Fa Alla ma min ya n sɔ, habadan-nimayɛ ye wo bolo. Kiti sa wo tigi ma. A manɛ iko mɔgɛ min bara faga nun kɔnɔ kaka, a ara niyi-kurɛ sɔrɔn tun.

Romu 11:14

Tumado, wo le si a ma, keliyɛ si wuli nta mɔgɛnu na alako Alla si donu kisi anu tɔ nya min,

1 Kɔrɛnti 1:21

Alla ya a hɛnkili-wɛ lawɔli. A ya a ma, mɔgɛnu ti ke a lɔnna hadama-danta hɛnkilimayɛ rɔ. Kɔnɔ Alla-lɔnbɛlɛnu bi min kelela yuwaya-kumɛ, male ye wo le kawandili bɔla, ado Alla le ya a latɛgɛ ko minnu si na dɛnkɛninya Yisa ma, wonu denu si kisi yuwaya-kumɛ wonu fɛ.

1 Kɔrɛnti 9:22

Minnu sɔndɔmɛ rafaganɛ, fɔ n ni n nyɛrɛ ma iko anu denu fanan alako n ni wonu masɔrɔn nya min. Fɔ ni n mara fan bɛɛ la mɔgɛ bɛɛ ye alako n ni donu kisi anu tɔ.

1 Timoti 4:16

I hɛnkili to i nyɛrɛ anubɛ ila karan ko. I ni to koe kɛnu kɛla bawo Alla si wobɛ i kan-namɔɛnnɛnu kisi ka a tɛgɛ ila wɔli-nyimɛ ma.

Failiman 1:19

N bi a sɛbɛla n nyɛrɛ bole la ko nde, Pɔli si ala yili sara tun. Nba, nna yili min bi ile la ni-kurɛla ko la, n ti i hɛnkili bila wo la.

Yemesi 1:15

Ata ko-yogomɛ min bi a yisi rɔ, wo si buyi bi ka mui hakɛ la. Hakɛ wa tagbaya a kuma tumɛ min, a si a laban sayɛ ma.

Yemesi 1:21

Wo ni ko-latinyanɛ bɛɛ boloka anubɛ kɛ-nya-yoge bɛɛ. Wo ni sɔnnaya Alla ye ka ala kumɛ bira min siginɛ wo yisi rɔ, ado kumɛ wo si ke wo kisila le.

Yemesi 5:15

Alla-matarɛ min kɛnɛ dɛnkɛninyɛ rɔ, wo si kirayatoe lakisi. Mari si a lakɛndɛya, ado a ara hakɛ minnu kɛ, wonu ma si koto.

Yemesi 5:19

N na-kelen-nyɔgɛnu, ni do samara wo tɛma ka tonyɛ boloka, ni mɔgɔ-gbɛrɛ ya a lasɛgi tonya-kilɛ ma tun,

1 Pita 4:8

Min tenbira wo bɛɛ la, wo ni wo nyɔgɔn keni bɛrɛkɛ, bawo keninteyɛ ye hakɛ siyaman yamatogonna.