Yemesi 5:16 - ALLALA KUMƐ

¹⁶ Nba, wo ni wo sɔ wo hakɛnu na wo nyɔgɔn ye ka Alla matara wo nyɔgɔn ye. Wo le ya a to, wo si kɛndɛya. Sɛnbɛ-ba ye mɔgɔ-telennɛta Alla-matarɛ rɔ.

Yemesi 5:16 ပူးပေါင်းရင်းမြစ်များ

Ko-Dabirɛnu 19:29

Soe minnu bi ba-lɛɛ rɔ Lɔti ye kan min, Alla ye wonu halakila tumɛ min, a ya a miri Iburayima ma ka Lɔti kisi.

Ko-Dabirɛnu 20:17

Alla ya a ma, musi minnu bi ale mansɛla bɔn la, wonu mara gbandɛ la ka a tɛgɛ Sira wara-koe ma. Kɔnɔ Iburayima ya Alla madiya mansɛ wo ye tumɛ min, Alla ya anubɛ ala bonna-mɔgɛnu nakɛndɛya. Alla ya a ma, musi wonu kera dannu sɔrɔnna tun.

Ko-Dabirɛnu 20:7

I ni kei wola musi lasɛgi a ma kaka kamasɔrɔn nɛbi le ale la. A si madiyali kɛ i ye alako i ni beli. Kɔnɔ ni i ma Sira lasɛgi ala kei ma, i ni a lɔn serr, ko wobɛ ila mɔgɛnu si faga, yɔ!”

Ko-Dabirɛnu 32:28

Kei wo ya a fɔ a ye ko, “I tɔgɔ ma tun Yakoba. I tɔgɛ le gbɛ Isirɛla bawo wo kɔrɛ le iko mɔgɔ wa a fɔ ko ‘Minnubɛ Alla ya turunɛ kɛ.’ Wobɛ Alla ya turunɛ kɛ anubɛ mɔgɛnu, ado i wara anu nɔ.”

2 Samuwɛli 19:19

A ko, “N tigi, i yandi, i bɔɛ Yerusalɛm, n ya ko-yogomɛ min bɛɛsi ma i la wulɔn, nyina wonu ko. N tigi, i kana i fonde lamiri wonu ma tun!

1 Mansɛnu 13:6

Mansa Yɛrabowami ya a fɔ Allata mɔgɛ wo ye ko, “Ita Mari Alla matara n ye alako n bole kɛ ni sɛgi a gbɛ rɔ!” Allata mɔgɛ wo ya Mari matara. Ale mansɛ bole kɛndɛyara a gbɛ rɔ.

2 Ko-Kɔrɔta-Karan 30:20

Mari ya Mansa Hɛsakayata matarali-kan wo lamɔɛn. Mari ma ko-wo-ko ma mɔgɛ wonu na. A ya anu to nyɔ.

Yobu 42:8

Wo ni ta tura wɔrɔnfila anubɛ saga-yigi wɔrɔnfila la Yobu ma alako wo ni anu ma sarakɛ la wo nyɛrɛ ye. Yobu si madiyali kɛ wo ye. N si ata madiyalɛ lamɔɛn alako n kana wo layarabi iko a bɛnta, wo ni yarabi nya min. Wo ma tonya fɔ n bara-koe rɔ iko ale Yobu ya tonyɛ fɔ n bara-koe rɔ nya min.”

Yaburi 34:15

Mari kolan bɛnnɛ mɔgɔ-latelennɛnu ma. A wɔlɔ matɔlɔnɛ anu di-kɛ-kannu na.

Bɔ-Koe-Iyipiti 17:11

Fananta Musa kɔɛn layɛlɛnɛ san ma, Isirɛla kɛlɛ-dannu bi nɔ-ko sɔrɔnna. A wa a kɔɛn layigi tumɛ min, Amalɛkinu bi anu denu fanan nɔla.

Bɔ-Koe-Iyipiti 9:33

Musa bɔra mansɛ dafɛ ka ta soe kɔma. A ya a bolo filɛ sigi Mari ye. San-sɛran anubɛ banda-kole ratora.

Hɛnkilimaya-Kumɛnu 15:29

Mari si a wɔlɔ matɔlɔ mɔgɔ-latelennɛnuna madiyalɛnu na kɔnɔ Mari fɛ-yan karagbɛlɛnu na pon!

Hɛnkilimaya-Kumɛnu 15:8

Hali karagbɛlɛla sarakɛ, Mari ti sɔn a la kɔnɔ mɔgɔ-latelennɛ tenbi a madiyala, wo di ale Mari ye kosɛbɛ!

Hɛnkilimaya-Kumɛnu 28:9

Tɔn-birɛ ma di mɔgɛ min ye, hali wo ya Alla madiya, a ti a wɔlɔ matɔlɔ a la.

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!

Yɛrɛmaya 33:3

ni n ya a rakele, a si n denkun. A si kabana-koe donu takaran n ye, n ma min lɔn kɔrɔma la.

Yɛrɛmaya 42:2

Anu ya a fɔ n ye ko, “I yandi, ma ye i manyinikala min na, wo kɛ ma ye. Male min tonɛ, i ni mata Mari Alla madiya ma ye. I ma a yen, fɔlɔ nun ma siya kɔnɔ kaka, ma ara dɔgɔya.

Yilan-Yilan Koe 11:2

Isirɛla mɔgɛnu dira Musa dala anu dɛnbɛn-koe la. Musa ya Mari madiya anu ye, woletɔ tɛ makimara.

Matiyu 21:22

Ni dɛnkɛninyɛ ye wo bolo, wo wa fenfen tara madiyalɛ rɔ, wo si wo sɔrɔn.”

Matiyu 3:6

Anu ya anu sɔ anu hakɛnu na tumɛ min, a ya anu batasi Yorodan bɛ rɔ.

Maraka 1:5

Mɔgɛ min bɛɛ ye Yudiya nyamanɛ rɔ anubɛ Yerusalɛm soe burɔ, wonu tara anu tole masɔ Yɔnila kumɛ la. Anu ban anu sɔla anuna hakɛnu na nkɛkuna, a ya anu batasi Yorodan bɛ rɔ.

Luka 9:6

Karan-dannu tagamanta so-mɛsɛ bɛɛ rɔ ka kibara-nyimɛ-kawandili bɔ anubɛ ka mɔgɛnu dandan kan tinɛ wo bɛɛ rɔ.

Yɔni 9:31

Ma ya a lɔn ko Alla ti a wɔlɔ matɔlɔ hakɛ-tigi-kan la. Kɔnɔ a si a wɔlɔ matɔlɔ wo mɔgɛnu kan la minnu bi a gbiliyala ka a diyana-koenu kɛ.

Kɛwɔlɛnu 10:38

Ado nfan, Alla ya ata Ni-Sɛnimɛ labɔn Yisa, Nasarɛti kɛ, kuma nya min ka sɛnbɛ di a ma, wo ye wo fanan kalama. A tara kan tinɛ bɛɛ rɔ ko-nyima-kɛ-tinɛ. Minnu bɛɛ ye nyinɛta sɛnbɛ kɔrɔ nun, a ya wo bɛɛ hɔrɔya bawo Alla ye a fɛ.

Kɛwɔlɛnu 19:18

Dɛnkɛninya-mɔgɔ siyaman wulita anu sɔn-yogomɛ rakaranna ka wo labɔ gbɛ rɔ.

Kɛwɔlɛnu 8:24

Saimon ya a fɔ Pita anubɛ Yɔni ye wo rɔ ko, “Wo yandi, wo ni Mari madiya n ye ko i wara min bɛɛ fɔ kɛ la, wo fenfen kana na ma n na.”

Romu 3:10

Iko a sɛbɛnɛ Allala kitabu rɔ nya min ko, “Hali mɔgɔ kelen sa min telennɛ,

Romu 5:19

Mɔgɔ siyaman mara hakɛ-tigi la, mɔgɔ kelan kɛla kuma-birabɛlitayɛla ko la, ado mɔgɔ siyaman la si telen Alla ye ka a tɛgɛ doi wota kuma-birɛla ko la.

Kɔlɔsi 1:9

Wo le ya a to, kebi ma ya wo wara-koe lamɔɛn, ma ye Alla matarala wo ye tumɛ bɛɛ. Ma ye a matarala ko Alla ye min fɛ wo bolo, wo ni wo lɔn. Ma ye a matarala fanan ko a ni Allata Ni-Sɛnimɛta hɛnkili anubɛ ata lɔnnɛ di wo ma.

1 Tɛsalonaika 5:17

Wo kana kuri Alla matara tinɛ.

1 Tɛsalonaika 5:23

Alla min bi yisi-kimɛ dila wo ma, alamɛ wo ya wo dɛnbɛ ka wo nyɛrɛ mara feu! Wo niyi wo, wo sɔndɔmɛ wo, wo fɛrɛ-bɔnkɛ wo, alamɛ wo ya wo bɛɛ mara a kin na! Ma Mari Yisa, Allata-Mɔgɔ-Yabɔnɛ wa na tumɛ min, a ni wo taran, fɛɛ-wo-fɛɛ sa wo la.

1 Tɛsalonaika 5:25

Ma na-kelen-nyɔgɛnu, wo ni Alla matara male fanan ye.

Hiburunu 11:4

Dɛnkɛninyɛ le fɛ, Ebɛli ya saraka-bɛrɛbɛrɛ bɔ Alla ye min tenbira Kenta sarakɛ la. Alla nyɛrɛ sɔnta ata kɔ-fannu na ka a yira ko a ara a hɛnɛ. Ala dɛnkɛninyɛ fɛ, hali Ebɛli faganɛ kɔnɔ ha bi, a ya koe min ma, wo ye kumala ma ye.

Hiburunu 11:7

Dɛnkɛninyɛ le fɛ, Nowa ya Allata kawandilɛnu namɔɛn ka a bɛn koe minnu bi nala yarɔ, a ti ke minnu yenna. A ya Allala kumɛ bira ka kulɔn ladan, anubɛ ala denbayɛ kisira min tɔ. Ata kuma-birɛ le ya a ma, Alla ya duninya bɛɛ halaki, ado Nowa ya telenbagayɛ sɔrɔn Alla bolo dɛnkɛninyɛ le fɛ.

Hiburunu 12:13

Wo ni tagama kila-latelennɛnu fɛ, woletɔ minnu kian ra ma gbɛlɛ, wonu kana bui, ado anu kiannu ta si gbɛlɛya.

Hiburunu 13:18

Wo ni to Alla matarala ma ye. Ma lanɛ a la ko ma sɔndɔmɛ gbɛnɛ le feu, bawo ma ye a fɛ ka ko-latelennɛ kɛ wati bɛɛ.

Yasowa 10:12

Kuma-kɔrɔ-fɔlɛ Yasari ya min sɛbɛ a nyɛrɛta buku rɔ kɛlɛ kɛla ko la, wo le kɛ la. A ko, “Mari ya Isirɛla kɛlɛ-dannu dɛnbɛ, anu ya Amora mɔgɛnu nɔ kɛlɛ-kɛ-tinɛ. Yasowa ya Mari madiya Isirɛla mɔgɛ bɛɛsi yala, a ko, tele ni sɔ Kibiyon soe kuma, karɛ ni sɔ Aiyalɔn-folo-wɛ kuma. “Tele ya a sɔ, karɛ fanan ya a sɔ ha Isirɛla mɔgɛnu banta anu yogenu fagala. Tele-latelen-wati, tele ya a sɔ. A ma yigi ha wo banda kɛ wurɛ la, a tora yigila.

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.

1 Yɔni 3:22

Ma wa Alla manyinika min na, ma si wo sɔrɔn bawo ma ye ala tɔnnu birala ka a diyana-koenu ma.

1 Samuwɛli 1:12

Hana mɛra madiyalɛ wo kun na a da kɔrɔ, Saraka-Masɔla-Kun-Tigi-Wɛ Ilayi ye a da-gbole yenna magala.

1 Samuwɛli 12:17

Telemɛ le kɛ la kaka. Kɔnɔ hali wo, n si Mari madiya. Wo si bandɛ anubɛ san-gbalamɛ yen wo nyɛrɛ yɛ la kaka. Wo wa ma tumɛ min, wo ni a lɔn worɔ yati, ko wo ara hakɛ-belebele kɛ Mari la bawo wo ara a manyinika mansaya-koe la.”

1 Samuwɛli 12:18

Samuwɛli ya madiyali kɛ. Tele wo nyɛrɛ rɔ, Mari ya bandɛ anubɛ san-gbalamɛ layigi. Wo ya a ma, Isirɛla mɔgɛ damasi kilanta Mari anubɛ Samuwɛli la.