Yemesi 3:18 - ALLALA KUMƐ

¹⁸ Nyimayɛ ye tɔnɛ min nabɔla, kɛlɛ-makimalɛnu denu ya wo ki. Tɔ-a-la, yisi-kimɛ si tɛgɛ nyɔ.

Yemesi 3:18 ပူးပေါင်းရင်းမြစ်များ

Yaburi 92:14

Hali anu bara kɔrɔya, anu si gbɔ iko kɔlɔma wonu. Anu nɔrɔnnɛ, ado anu tagbɛlɛyani de tolon!

Hɛnkilimaya-Kumɛnu 11:18

Karagbɛlɛnu si sarɛ min sɔrɔn, wo si a baya kɔnɔ mɔgɔ-telennɛta barayi bɛnta a ma.

Hɛnkilimaya-Kumɛnu 11:28

Ni min lara ata nɔnfuli la, ala wodi wo si a baya. Kɔnɔ mɔgɔ-latelennɛ si to sabatila iko yanba-kun-kuran si sabati nya min.

Hɛnkilimaya-Kumɛnu 11:30

Mɔgɔ-telennɛnu si gbɔ nimayɛ la iko kɔlɔmanu si gbɔ nya min. Hɛnkilimɛnu si mɔgɛnu sagan telenbagayɛ wara.

Hoseya 10:12

Wo ni dugu-kurɛ rasin wo nyɛrɛ ye ka telenbagayɛ ki a rɔ. Tɔ-a-la, wo si duwɛ tɛgɛ a rɔ iko wo ye tɔnɛ min sɔrɔnna wo nyɛrɛ latenbi rɔ nde, Mari ma. Wo ya-lamunun-wati ara ke nde, wota Mari la. Wo kɔma, n ni to nna duwɛ labɔnna wo ma.

Emɔsi 6:12

Soeenu si ke anu burila kuru-gbɔgɔsa-gbagasɛnu kuma, wa? Sara-ninkinu si ke fara-gbaran rasinna, wa? Hali koe kɛnu min ma daga mala, wole Isirɛla mɔgɛnu bara ko-latelennɛnu yɛlɛma ko-yogomɛnu na.

Matiyu 5:9

Mɔgɔ-sewanɛ le wo mɔgɛ la min bi yisi-kimɛ lanala mɔgɛnu tɛma bawo Alla si ale kele ko ata mɔgɛ!

Yɔni 4:36

Min bi fui-fan tɛgɛla, wo ye ala sarɛ sɔrɔnna. A si mɔgɛnu nadɛn habadan-nimayɛ ye iko mɔgɛ si fui-fan ladɛn nya min. Woletɔ mɔgɛ min ya dugi wɔrɔ, anubɛ min ya a tɛgɛ, wonu si sewa anu nyɔgɔn fɛ.

Kalesiya 6:8

Ni a bilara fɛrɛ-bɔnku-nata fɛ ka ko-yogomɛ kɛ, a si ko-yogoma-kɛ-sarɛ sɔrɔn min si a laban sayɛ ma a bolo. Ni a ya ko-nyimɛ le kɛ Allata Ni-Sɛnimɛ baraka rɔ, a si habadan-nimayɛ le sɔrɔn ka bɔ ata Ni-Sɛnimɛ bolo.

Filipai 1:11

Yisa Kirasiti kelen pe si ke wo lafala ko-nyimɛ minnu na, alamɛ wo yisi fara wonu na. Alamɛ Alla ya gbiliyɛ anubɛ tantolɛ sɔrɔn wo bɛɛ rɔ.

Hiburunu 12:11

Ma tenbi kolole kɔrɔ, a ti ma sewɛ la ma ye wo wati kɔrɔ. A gbɛlɛ, ado a si ma ladiminya. Kɔnɔ tɔ-a-la, min bara a munyu kolole wo kɔrɔ, wonu si yisi-kimɛ sɔrɔn bawo wonu bi ko-latelennɛ le kɛla.

Yemesi 1:20

ado mɔgɔta diminyɛ ti Allala telenbagayɛ labɔ gbɛ ma iko a ya a latɛgɛ nya min.