Yemesi 3:16 - ALLALA KUMƐ

¹⁶ ado keliyɛ anubɛ min bi nyinina fan bɛɛsi ma a nyɛrɛ ye, ni wonu bi kan min, sɔnkɔ-sɔnkɛ anubɛ ko-yogoma-sufa-bɛɛ ye nyɔ le.

Yemesi 3:16 ပူးပေါင်းရင်းမြစ်များ

Ko-Dabirɛnu 11:9

Nyɔ-tɔgɛ sara Yabasanya kamasɔrɔn Mari ya duninya-mɔgɛ bɛɛ kuman-kan yabasan nyɔ le ka anu tanyɛnsɛn dugu-kole bɛɛ kuma.

Ko-Dabirɛnu 38:9

Kɔnɔ Onan wo ya a lɔn ko anubɛ musi wo wa dɛn, anu bi dan minnu sɔrɔnna, wonu ti ma ale Onantɛ la. A wa a kɔrɔla musi latenbi a kɔma, a ti sɔn ka buyi sa a la. A ya a ban a kɔrɔ sugi to koe ma min kɛ,

Maraka 3:25

Ni kɛlɛ donta denbayɛ min tɛma, denbayɛ wo ti mɛ nyɛnsɛnna.

Kɛwɔlɛnu 19:29

Sɔnkɔ-sɔnkɛ wo kɛra soe fan bɛɛ rɔ. Nyama ya Pɔli ta-nyɔgɛnu Keyasi anubɛ Aritaka bira minnu bɔra Masidoniya nyamanɛ rɔ. Anu burumatoe tara wonu na ladɛn tinɛ.

Romu 2:8

Kɔnɔ donu si anu nyɛrɛ keni dɔrɔn ka anu ban ko-telennɛ-kɛ-koe ma. Koe minnu ma telen, anu bilanɛ wonu denu fɛ. Alla si ala diminyɛ anubɛ ala mɔninyɛ rawuya wonu kuma.

1 Kɔrɛnti 14:33

bawo Alla sa nyinina ko-yabasan ma, fɔ yisi-kimɛ. Allala mɔgɛ bɛɛ wa anu nadɛn chɔchi la,

1 Kɔrɛnti 3:3

bawo wo miriya anubɛ duninya-mɔgɛnutɛ, kelen de! Ha ka, keliyɛ anubɛ sɔsɔlɛ ye wo nyɔgɔn tɛma. Wonu denu si a yira ma la ko wo ye ko-ladanna iko dɛnkɛninyabɛlɛnu bi a mala nya min.

2 Kɔrɛnti 12:20

N kilannɛ ko n ba ke nyɔ tumɛ min, n bi wo taranna nya-gbɛrɛ ma iko a ma di n ye ka wo taran nya min. Wo fanan si n taran nya do ma iko a ma di wo ye ka n taran nya min. Sɔsɔlɛ wo, keliyɛ wo, yisi-bɔɛ wo, kɔrɔndiyɛ wo, lafɛyɛ wo, nafigiyɛ wo, wasinteyɛ wo, sɔnkɔ-sɔnkɛ wo, n kilannɛ ko wo donu si taran wo tɛma.

Kalesiya 5:20

bɛsi-kɔɛ wo, anubɛ suwagayɛ. Gboyanayɛ anubɛ nyɔgɔn-kɛlɛ ti ban anu tɛma. Anu bi anu nyɔgɔn makeliyala ka diminya anu nyɔgɔn ma ka anu miri anu nyɛrɛ dɔrɔn ma. Hali anu kurɔn ladɛnnɛ, anu ta si nyɛnsɛn kɛlɛ-tɛgɛ-koe la.

Yemesi 3:14

Kɔnɔ ni keliya-yogomɛ ye i yisi rɔ, ado i ye koe bɛɛ bɛnna i nyɛrɛ le ma dɔrɔn, i kana i nyɛrɛ matɔgɔ ka a tɛgɛ ila hɛnkilimayɛ ma. I wara tonyɛ boloka worɔ ka foninya-yogoma-wɛ sa tele la.

1 Yɔni 3:12

Ma kana ma iko Ken min ya a dɔgɛ faga. Setanɛtɛ le Ken wo la. A mara kama, Ken ya a dɔgɛ faga? A ya wo faga bawo ale ma ko-latelennɛ kɛ muk! Kɔnɔ a dɔgɛ ya min ma, wo telenta.