Yemesi 2:25 - ALLALA KUMƐ

²⁵ Yɛlɛn-musi, Rehabi don! Wo fanan mara wo nya na le. A telenta Alla ye ala kɛwɔlɛnu denu fɛ bawo a ya Yahudiyanuna ko-lakɔrɔsilɛnu rabira a kin na ka anu nasɛgi kila-gbɛrɛkɛ fɛ.

Yemesi 2:25 ပူးပေါင်းရင်းမြစ်များ

Matiyu 1:5

Salaman anubɛ Rehabi ya Bowasi sɔrɔn. Bowasi anubɛ Ruti ya Obɛdi sɔrɔn. Obɛdi ya Yɛsi sɔrɔn.

Matiyu 21:31

“Nba, wo filɛ tɛma, yon ya a fa sako kɛ?” Anu ya a yabi ko, “A kinamɛ.” Yisa ya a fɔ anu ye ko, “Nba, wo ni wo hɛnkili to kɛ ko! Duti-makelelɛnu anubɛ yɛlannu si don Allala mansayɛ rɔ wo yarɔ.

Kɛwɔlɛnu 17:7

ado Yeson kɛ ara anu yiya ala bɔn la. Anu bi Romu nyamani-kun-tigila tɔn bɛɛ tinyana ko mansa-gbɛrɛ ye nyɔ tun min tɔgɛ Yisa.”

Hiburunu 11:31

Hali minnu ma Allala kumɛ bira Yɛrikɔ soe burɔ, musu-yɛlɛn Rehabita dɛnkɛninyɛ ya a ma, a ma faga wonu fɛ bawo a ya Isirɛla ko-lakɔrɔsilɛnu tabira.

Yemesi 2:18

Tumado, mɔgɛ do si a fɔ ko, “Dɛnkɛninyɛ ye ile bolo kɔnɔ kɛwɔlɛnu bi nde bolo.” N si a yabi ko, “I si ila dɛnkɛninyɛ mayira nya min, ni kɛwɔlɛnu sa a fɛ, wo yira n na. N si nta dɛnkɛninyɛ yira i la nta kɛwɔlɛnu fɛ.”

Yemesi 2:22

Wo ma a yen, ba? Ala dɛnkɛninyɛ anubɛ ala kɛwɔlɛnu wɔlita anu nyɔgɔn fɛ. Ala dɛnkɛninyɛ bɔra gbɛ rɔ ala kɛwɔlɛnu fɛ.

Yemesi 2:24

Nba, wo ara a yen? Mɔgɛ si telen Alla ye ala kɛwɔlɛnu denu fɛ. A ti telen ala dɛnkɛninyɛ dɔrɔn fɛ.

Yasowa 2:1

Yasowa ya mɔgɔ fila lata ka bɔ Akasiya dagɛ rɔ ka ta Kenan nyamanɛ mafɛlɛn dogɔn rɔ, katarala Yɛrikɔ soe ma. Mɔgɔ filɛ wonu tara ke Yɛrikɔ soe burɔ. Anu kira musu-yɛlan do warɛ min tɔgɛ Rehabi. A si sundannu yiya.

Yasowa 2:15

Rehabila bɔn latugunnɛ soe tarɛ la min kɛ, a ya mɔgɔ filɛ wonu nayigi yili-kole la tarɛ kɔma. Yanni anu ni yigi ka bɔ bɔn kuma,

Yasowa 2:16

a ya a fɔ anu ye ko, “Wo ni ta wo dogon kɔnkɛnu tɛma. Ni wo ma, wo sagarannɛnu si wo bira. Wo ni wo dogon nyɔ tele sawa kɔrɔ. Wo kɔma, wo sagarannɛnu ba sɛgi, wo ni ta wo warɛ.”

Yasowa 2:4

Rehabi ya anu yabi ko, “Mɔgɔ fila nara nna bɔn la kɔnɔ n ma anu bɔ tinɛ lɔn, n ma anu ta tinɛ lɔn. Yanni soe kɛ tarɛ dɛ la ni togon wurɛ la, anu bɔra yan. Kɔnɔ ni wo ya anu sagaran kaka, tumado wo si anu bira.”

Yasowa 2:6

(Kɔnɔ Rehabi ya mɔgɔ filɛ wonu dogon ala bɔn kuma fen-gbalatɛnu kɔrɔ.)

Yasowa 6:17

Yasowa ya Mari kuman-kan latenbi mɔgɛnu ma nun ko, “Yɛrikɔ wa halaki tumɛ min, fan bɛɛ si ma Maritɛ la. Rehabi anubɛ ala mɔgɛ minnu bi ala bɔn la, wonu dɔrɔn si kisi bawo ale Rehabi ya Isirɛla mɔgɔ filɛ wonu nakisi minnu tara so lakɔrɔsi tinɛ. Wo kana fenfen bi wo nyɛrɛ ye. Ni wo ya wo ma, wo si tɔrɔyɛ lana Isirɛla mɔgɛnu kuma. Fan minnu nadannɛ wodi-gbɛ anubɛ sɛnɛ la anubɛ silɛɛ anubɛ nɛgɛ-dogbɛrɛnu na, wo bɛɛ ni di Mari ma ka to Marita fen namara tinɛ rɔ.”