Yemesi 2:19 - ALLALA KUMƐ

¹⁹ I lanɛ a la ko Alla kelen pe le nyɔ, nyɛ? Wo kin! Nyinɛnu fanan lanɛ wo la ka yɛrɛyɛrɛn kilan bolo.

Yemesi 2:19 ပူးပေါင်းရင်းမြစ်များ

Aiseya 43:10

Alla ko a sere le male Isirɛla mɔgɛnu na. A ko a ya ma yabɔ ka ma ma ata wɔli-kɛlɛnu na. Woletɔ ma si a lɔn ka la a la. Wo si a lɔn wo rɔ ko ale le kelen pe le Alla la. Alla-gbɛrɛ fenfen sa ale kɔma. Dogbɛrɛ sa nyɔ nun, ado dogbɛrɛ sa nala mala a la.

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Aiseya 44:8

A ko ma kana kilan! Ma kana hɔn! Min bi nala mala ma la, a ye wonu fɔla ma ye tolon! A sere le male la kɛnuna ko la. Alla-gbɛrɛ ye nyɔ, wa? Alla-makawani-gbɛrɛ do ye nyɔ, a ma min wara-koe lamɔɛn bɛ?

Aiseya 45:6

A ko ni i ya a yen, a ye wo mala, wo manɛ alako duninya-tonko-nanɛ bɛɛ ni a lɔn ko ale le Mari la, ado Alla-gbɛrɛkɛ sa ale kɔma.

Aiseya 46:9

Mari ko koe minnu bara tenbi nun kɔrɔma la, wo ni wo hɛnkili lamiri wonu ma de! Wo ni a lɔn yati, ko ale le kelen pe ye Allayɛ la. A nyɔgɔn-takɛn sa de!

Yona 4:4

Mari ya Nɛbi Yona manyinika ko, “Itɛ mintan bi kɛ rɔ? Nfen bi i diminyala?”

Yona 4:9

Kɔnɔ Alla ya Nɛbi Yona manyinika tun ko, “Nfen bi a tola, i ye diminyala kɔlɔma kɛ ma ka?” Nɛbi Yona ya a yabi ko, “A bɛnta, n ni diminya. Sayɛ fisa nde ye kɛ ko.”

Sakaraya 14:9

Wo wati rɔ, Mari si ma duninya-mumɛ-mansɛ la. Duninya-mɔgɛ bɛɛ si Mari kelan kele a tɔgɔ kelan la ka a bato.

Matiyu 8:29

Tiriyante wo rɔ, anu gbele-gbelenta ko, “Allala dan, i ye nfen nyinina ma fɛ? I wara na ma tɔrɔ-koe la, yanni ma kiti-wati ni ke, wa?”

Maraka 1:24

A ko, “Yisa, Nasarɛti kɛ, i ye nyinina nfen ma ma bolo? I wara na ma halaki-koe la, wa? Ma ya ile lɔn. Allata mɔgɔ-sɛnimɛ le ile la!”

Maraka 12:29

Yisa ko, “Kɛ le kolo a bɛɛ ko. A sɛbɛnɛ ko, ‘Isirɛla mɔgɛnu, wo ni wo tole masɔ kɛ la! Ma Mari Alla kelen pe le ye mata Mari la.

Maraka 5:7

Yisa ya a fɔ nyinɛ wo ye ko, “Nyina-yogomɛ, bɔ kei kɛ fɛ!” A gbele-gbelenta a kulu-mayɛlɛnɛ la ko, “Alla min bi Fan Bɛɛ Kun Na, wola dan Yisa, i ye nyinina nfen ma n bolo? I keli ko i ti n tɔrɔ!”

Maraka 7:9

A ko fanan, “Ado nfan, halliya-kilɛ ye wo bolo ka wo ban Allala tɔn la alako wo ni wo nyɛrɛla namu bira nya min!

Luka 4:34

“E! Ile Yisa Nasarɛti kɛ, i ye nfen fɛ ma bolo? I nara yan ma halaki-koe la, wa? N ya ile lɔn. Allata kilaya-sɛnimɛ le ile la!”

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

Kɛwɔlɛnu 16:17

Wo bilara mabɛ Pɔli fɛ. A ye gbele-gbelenna ko, “Alla Min Bi Fan Bɛɛ Kun Na, wola wɔli-kɛlɛ le kɛnu na. Wo si kisi nya min, anu bi wo le fɔla wo ye!”

Kɛwɔlɛnu 19:15

Kɔnɔ nyina-yogomɛ ya a fɔ wonu ye ko, “N ya Yisa lɔn! N ya Pɔli wara-koe lamɔɛn kɔnɔ yon bi wole la?”

Kɛwɔlɛnu 24:25

Kɔnɔ Pɔli wulita kumala ko-nyima-kɛ-koe anubɛ nyɛrɛ-bira-koe anubɛ kiti-tɛgɛ-tele-koe ma min kɛ, Mansa Filikisi kilanta. A ko, “Wo ara a bɔ. Ta fɔlɔn. N ba fɛrɛ sɔrɔn tumɛ min, n si i kele.”

Romu 3:30

Alla kelen de! A si ma bɛɛ latelen a nyɛrɛ ye dɛnkɛninyɛ fɛ, a Yahudiya wo, a sibolo-gbɛrɛ wo.

1 Kɔrɛnti 8:4

Woletɔ bɛsɛnu si kɔ soge minnu na, n si min fɔ wonuna ko la, wo le kɛ la. Ma ya a lɔn ko bɛsɛ, fen de wo la niyi sa min tɔ. Ma ya a lɔn fanan ko Alla kelen de!

1 Kɔrɛnti 8:6

Kɔnɔ Alla kelen de male bolo, ma Fa Alla min ya fan bɛɛ dan, kɔni. Male ye ale le bolo, ado Mari kelen pe le ma bolo fanan, Yisa Kirasiti, kɔni. Fan bɛɛ danta wo le baraka rɔ, ado male fanan ye wo le baraka rɔ.

Kalesiya 3:20

Ni mɔgɔ fila ye sarama-kan kirila, anu makoe ye mɔgɔ-gbɛrɛkɛ la min si taran anu tɛma. Kɔnɔ Alla kelen pe le mako sa sereyɛ la.

Tɔn-Fɔɛ-Fila-Nyɔgɛ 6:4

“Wole Isirɛla mɔgɛnu, wo ni kɛ lamara wo sɔndɔmɛ rɔ gben, ka a lɔn ko Mari kelen pe kɛ le mata Alla la.

1 Timoti 2:5

Alla kelen de nyɔ, ado mɔgɔ kelen de nyɔ fanan min bi Alla anubɛ mɔgɛnu tɛmɛ rabɛnna. Wo mɔgɛ le Yisa Kirasiti la.

Yemesi 2:8

Tɔn-kolomɛ kelen de Allala kitabu rɔ, ni wo ya wo bira, wo ara ko-nyimɛ kɛ worɔ. A ko, “I ni i sigi-nyɔgɛ keni iko i nyɛrɛ.”

Yude 1:4

ado Alla-lɔnbɛlɛ donu bara basan ma la kewuyɛ la anu bolo. Anu bi a fɔla ko kinikinɛ ye Alla rɔ min kɛ, anu ba ko-sufa-bɛɛ ladan, Alla ti anu yiliki. Anu ya anu ban Yisa Kirasiti la, ma tigi anubɛ Mari kelen pe, kɔni. Anu bara yilikiyi min sɔrɔn, Allala kitabu ya wola koe fɔ kebi fɔlɔ.

Yude 1:6

Wo ni wo hɛnkili to melikanu fanan ko. Wo donu ma to anuna sɔ tinɛnu tɔ, fɔ ka anu ban anu nyɛrɛ sɔ tinɛ la. Alla ara wonu mara pinpi rɔ dugu kɔrɔ habadan-yɔlɔkɛ la. Anu si yiliki tele min ma, anu maranɛ wo tele makawanɛla ko la.

Lankɛnimayɛ 20:10

Nyinɛ wo, Setanɛ, kɔni, min ya anu yanfa, wo lafilita tɛ anubɛ munku-gbɛ-dalɛ rɔ, sogo-feremɛ anubɛ foninya-nɛbi lafilita kan min nun. Anu si nyankankantan sɔrɔn nyɔ su-ni-tele habadan!