Yemesi 2:18 - ALLALA KUMƐ

¹⁸ Tumado, mɔgɛ do si a fɔ ko, “Dɛnkɛninyɛ ye ile bolo kɔnɔ kɛwɔlɛnu bi nde bolo.” N si a yabi ko, “I si ila dɛnkɛninyɛ mayira nya min, ni kɛwɔlɛnu sa a fɛ, wo yira n na. N si nta dɛnkɛninyɛ yira i la nta kɛwɔlɛnu fɛ.”

Yemesi 2:18 ပူးပေါင်းရင်းမြစ်များ

Romu 14:23

Kɔnɔ ni a sikanɛ ala dɔn-fan rɔ, a wa a dɔn tumɛ min, Alla si a yiliki bawo a ma a dɔn dɛnkɛninyɛ fɛ, ado ni wo ya ko-wo-ko ma wo sikanɛ min tɔ, hakɛ le wo la.

Romu 3:28

ado ma ara a yen worɔ ko mɔgɛnu na ara telen Alla ye dɛnkɛninyɛ fɛ. Ma la ma telen tɔn-birɛ fɛ de!

Romu 4:6

Mansa Dawuda ya mɔgɛnu bara-koe fɔ minnu telenta Alla yala hali anu ma wɔli-nyima kɛ. A ko mɔgɔ-sewanɛ le wo mɔgɛnu na.

Romu 8:1

Wole minnu bi Kirasiti Yisa rɔ kaka, yiliki-wo-yiliki sa wo ma

Romu 9:19

Mɔgɛ do wa n manyinika ko, “Ni Alla ya wo le fɔ, n si yiliki sɔrɔn nna hakɛla ko la kama worɔ? Yon si ke Alla sako kɛlɛla?”

1 Kɔrɛnti 13:2

Hali kawandili-bɔ-sɛnbɛ dira n ma ka lɔnnɛ bɛɛ sɔrɔn ka gbundu-koe bɛɛ lɔn, ni wo ma, dɛnkɛninyɛ ni wara n bolo ha ka kɔnkɛnu bɔ anu gbɛ rɔ, ni keninteya sa n yisi rɔ, fenfen ma n na.

2 Kɔrɛnti 5:17

Mɔgɔ-wo-mɔgɔ wa ma Kirasiti halalɛ la, mɔgɔ-kurɛ le wo tigi la. Ko-kɔrɔmɛnu bara tenbi, nba, koe bɛɛ ara ma a kurɛ la gbɛ!

2 Kɔrɛnti 7:1

N diyana-mɔgɛnu, lanyiri kɛ bɛɛ kirinɛ male le ye! Woletɔ koe min bɛɛ si fɛrɛ-bɔnkɛ anubɛ niyi latinya, ma ni ma nyɛrɛ sɛninya wonu ma. Ma ni ko-sɛnimɛ nyini ka to kilanna Alla la.

Kalesiya 5:6

ado ni ma lara Yisa Kirasiti la, ma kemininyanɛ anubɛ ma kemininyabɛlɛ, kelen de wonu na. Min kolo, wo le mala dɛnkɛninyɛ min si a ma, keninteyɛ ni to ma tɛma.

1 Timoti 1:5

Min ya a ma, n bi kɛ fɔla alako keninteya-bɛrɛ ni sabati wo yisi rɔ. Wo ye bɔla yisi-sɛnimɛ anubɛ sɔndɔma-nyimɛ anubɛ dɛnkɛninya-bɛrɛ le tɔ.

Taita 2:7

Ile nyɛrɛ ni ma misalɛ la anu ye koe bɛɛ rɔ kɛwɔli-nyimɛ ladan tinɛ. I ni ma lanaya-mɔgɛ la anubɛ sɛbɛna-mɔgɛ ila karan rɔ.

Hiburunu 11:31

Hali minnu ma Allala kumɛ bira Yɛrikɔ soe burɔ, musu-yɛlɛn Rehabita dɛnkɛninyɛ ya a ma, a ma faga wonu fɛ bawo a ya Isirɛla ko-lakɔrɔsilɛnu tabira.

Hiburunu 11:33

Anuna dɛnkɛninyɛ fɛ, wonu ya nyamanɛnu kɛlɛ ka anu nɔ. Alla ya lanyiri kiri minna ko la anu ye, anu ya ko-latelennɛ kɛ ka wonu sɔrɔn Alla bolo. Dɛnkɛninyɛ fɛ, Alla ya yarɛnu dɛ latogon.

Hiburunu 11:6

ado mɔgɔ-wo-mɔgɔ ti ke Alla hɛnɛna dɛnkɛninyɛ kɔma bawo minnu bi nala Alla wara, wonu ni dɛnkɛninya ko Alla ye nyɔ. Anu ni la a la fanan ko minnu bi Alla nyini tinɛ, a si anuna barayi di anu ma.

Yemesi 2:14

N na-kelen-nyɔgɛnu kana a fɔ ko, “Dɛnkɛninyɛ ye n bolo,” ni ila kɛwɔlɛnu ma a yira. Wo si nfen nyinya i ma? Ita dɛnkɛninyɛ wo si ke i kisila worɔ, wa?

Yemesi 3:13

Hɛnkilimɛ anubɛ ko-lɔnnɛ do ye wo tɛma, wa? A ni wo yira a tagama-nya anubɛ a kɛ-nya-nyimɛnu tɔ. A ni wonu kɛ famayigi anubɛ hɛnkilimayɛ rɔ.