Yemesi 1:26 - ALLALA KUMƐ

²⁶ Ni mɔgɛ do ya a miri ko Allata mɔgɛ le ale la, ni a ma a dɛ mara, fuyi le ala dina wo la. A ye a nyɛrɛ mayuwaya tinɛ le dɔrɔn.

Yemesi 1:26 ပူးပေါင်းရင်းမြစ်များ

Yobu 15:13

Min sanɛ wo kuma, i wara to diminyani Alla ma ha i nagankuri namanɛ kuma-siyaman-fɔɛ ma.

Yobu 30:11

Alla ara n tafaga min kɛ, anu bi n bira boloko-yogomɛ-kɛla anu sɛnbɛ bɛɛ la.

Yaburi 141:3

Mari, n dɛnbɛ n nagan marala. N ni a ma n fɛrɛma kuma tinɛ.

Yaburi 32:9

A kana ma kun-takolɔn la iko soee anubɛ sofɛlɛ, fɔ i wa karafɛ sa wo dɛ ma, a ni to tala i diyana-tinɛ.

Yaburi 34:13

Nba, ni kɛnu di wo ye, wo ni fara foninya-fɔɛ anubɛ kuma-gbondani-fɔɛ la.

Hɛnkilimaya-Kumɛnu 10:19

Kuma-pɔrɔtɔ-parata-fɔɛ si mɔgɛ don hakɛ rɔ kɔnɔ ni min kunta a dɛ ma, hɛnkilimɛ le wo la.

Hɛnkilimaya-Kumɛnu 10:31

Mɔgɔ-telennɛnu si hɛnkilimaya-kumɛ fɔ kɔnɔ karagbɛlɛnu nagan si wurun a dɛ rɔ.

Hɛnkilimaya-Kumɛnu 14:12

Tumado, mɔgɛ donu si a lɔn ko anu bi kila-nyimɛ le fɛ kɔnɔ yaga, kanbarɔ-ta-kilɛ le wo la.

Hɛnkilimaya-Kumɛnu 15:2

Hɛnkilimɛta kumɛ si hɛnkili di mɔgɛnu ma kɔnɔ kuntanya-kumɛ si to tugula kuntan dɛ rɔ.

Hɛnkilimaya-Kumɛnu 16:10

Mansɛta kumɛ mani de iko Maritɛ. A wa kiti-wo-kiti tɛgɛ, tonyɛ le wo la.

Hɛnkilimaya-Kumɛnu 16:25

Mɔgɛ ye a mirila ko ala kilɛ kin ale nyɛrɛ yala kɔnɔ tɔ-a-la, wo si ma a bolo saya-kilɛ la.

Hɛnkilimaya-Kumɛnu 19:1

Yanni i ni to kumala iko kun-takolɔn, a fisa, i latelennɛ ni to bolo-kolonyɛ rɔ.

Hɛnkilimaya-Kumɛnu 21:26

Tele-wo-tele, a si to a mirila fan wonu ma kɔnɔ telenbagɛ, wo si ke le fan nila mɔgɛnu ma.

Aiseya 1:13

Wola kɔ-fen di-bole kɛ ti ko-wo-ko nyinya wo ma. Wo ye isɛnti min mintanna, a ko wo sumɛ ma di a ye tun hali! Wola Karɛ-Kura-Ladiyɛnu wo, wola Sulen-Tele-Ladiyɛnu wo, anubɛ wola ladiya-gbɛrɛkɛnu wo, a ko wo bɛɛ sɔgɛ la ara bɔ a la bawo wo ara wo hakɛ basan wonu na.

Aiseya 44:20

Hɛnkilimaya-sufa kɛ mani de iko mɔgɛ tenbi ta-gbangban muganna. Ala kun-takolon-miriya wo mani de iko mɔgɛ tenbi donna gbofɛ la. Dɛnbɛni-wo-dɛnbɛni sa a bolo tun. A ti ke a fɔla ko bɛsɛ min bi a bolo kɛ la, Alla ma.

Malakayi 3:14

A ko wo ya a fɔ ko, “Ka Alla bato, fufafuyi le wo la. Ni ma ya ala kumɛnu bira ka a yira ale Mari Sɛnbɛ-Bɛɛ-Tigi la ko ma ara nimisa mala ko-yogomɛnuna ko la, wo si nfen nyinya ma ma?”

Matiyu 15:9

Anu bi n batola fu bawo anu bi mɔgɛnu nabilala anuta tɔnnu na iko ndeta tɔn le!’ ”

Maraka 7:7

Anu bi n batola fu bawo anu bi mɔgɛnu nabilala anuta tɔnnu na iko nta tɔn le!’ ”

Luka 8:18

“Wo ni a ma wo fɛrɛma worɔ ko-lamɔɛn tinɛ. Bawo fen bi min bolo, Alla si do sa wo kuma. Kɔnɔ fen-kɛndɛ sa min bolo, a yili ye fen-nɛ min ma, Alla si wo bɔ a bolo.”

1 Kɔrɛnti 15:15

Min tenbira wo la, ma ara tɔgɛ sa Alla la bawo ma ara a fɔ ko ale le ya Kirasiti lawuli ka bɔ furinu tɛma. Kɔnɔ ni tonyɛ le ko furinu na ti wuli, nba, Alla ma Kirasiti lawuli worɔ,

1 Kɔrɛnti 15:2

Ni wo ya a bira iko n bara wo makawandi nya min nun, wo si kisi kibara-nyimɛ wo fɛ. Kɔnɔ ni wola dɛnkɛninyɛ mara fuyi la, wo si baya.

1 Kɔrɛnti 3:18

Mɔgɔ-wo-mɔgɔ kana a nyɛrɛ yanfa. Ni min mirinɛ ko hɛnkilimɛ le ale la duninya kɛ rɔ, a fisa, duninya ni a lɔn kuntan la alako a si hɛnkili-bɛrɛ sɔrɔn nya-min.

Kalesiya 2:6

Wonu donu bara anu nyɛrɛ ma mɔgɔ-banu na kɔnɔ hali anu mara mɔgɔ-banu na, nna ko sa wo rɔ. Alla ti mɔgɔ ma mɔgɔ-ba la ala yanyɛ anubɛ ala kinyɛ fɛ, ado mɔgɔ-ba wonu ma a fɔ n ye ko n ni nta kumɛ yɛlɛma sibolo-gbɛrɛnuna ko la.

Kalesiya 2:9

Yemesi anubɛ Pita anubɛ Yɔni, mɔgɛnu ya minnu lɔn anuna mɔgɔ-banu na, kɔni, mɔgɛ wonu ya a yen ko Alla le ya wɔlɛ kɛ di n ma ata hinɛ fɛ. Anu ya anu bole sa mabɛ Banabasi bole tɔ alako ka a yira ko ma bɛɛ ara ma kelen na. Ma dama sɔnta ko male ni mata wɔlɛ kɛ sibolo-gbɛrɛnu tɛma, anu denu ni anuta wɔlɛ kɛ Yahudiyanu tɛma.

Kalesiya 3:4

Koe min bɛɛ ara ma wo ye nun, wo dama ara ma fuyi la, wa? Wo ni a lɔn ko koe kɛnu ma kɛ fufafu!

Kalesiya 6:3

Ni mɔgɛ do ye a mirila ko fen de ale la, ado fenfen ma a la, a ye a nyɛrɛ le mayuwayala wo la dɔrɔn.

Ɛfɛsa 4:29

Wo kana kuma-dumanɛnu fɔ kuma tinɛ, fɔ mɔgɔ-dɛnbɛn-kumɛnu dɔrɔn! Wo si ko nyinya mɔgɛnu ma ka duwɛ lana wonu ma minnu bi anu tole masɔla wo kan la.

Ɛfɛsa 5:4

A ma bɛn, wo ni kuma-yogomɛ anubɛ kuntanya-kumɛ anubɛ kuma-gbondanɛnu fɔ foro-gbesi tinɛ. Yanni wo ni wo ma, wo ni to baraka birala Alla ye tolon!

Tɔn-Fɔɛ-Fila-Nyɔgɛ 11:16

“Kɔnɔ hali wo, wo ni a ma wo fɛrɛma de! Wo kana wo kan-kɔ sɔ wota Mari la ka ta bɛsɛnu kɔ tinɛ.

Kɔlɔsi 4:6

Wola kumɛ ni mɔgɔ hɛnɛ ka diya tumɛ bɛɛ. Wo ni mɔgɛ bɛɛ yabi a kilɛ fɛ.

Yemesi 1:19

N diyana-mɔgɛnu, wo ni wo hɛnkili to kɛ ko! Mɔgɛ bɛɛ ni a kaliya ko-lamɔɛnna kɔnɔ a kana kuma yona. A kana diminya yona,

Yemesi 1:22

Wo kana wo tole masɔ Allala kumɛ la gbansan fɔ ka a kɛ le serr! Wo kana wo nyɛrɛ mayuwaya tolo-masɔɛ dɔrɔn na!

Yemesi 2:20

Ile kun-takolɔn, fɔ n ba a yira i la ko dɛnkɛninyɛ ti ko-wo-ko nyinya mɔgɛ ma ni ata kɛwɔlɛnu ma telen.

1 Pita 3:10

Iko a sɛbɛnɛ Allala kitabu rɔ nya min ko, “Wo ye a fɛ, wo ni to wo diya? Wo ye nyinina simayɛ anubɛ sewɛ ma? Wo ni wo fara foninya-fɔɛ anubɛ kuma-gbondani-fɔɛ la.