Yemesi 1:22 - ALLALA KUMƐ

²² Wo kana wo tole masɔ Allala kumɛ la gbansan fɔ ka a kɛ le serr! Wo kana wo nyɛrɛ mayuwaya tolo-masɔɛ dɔrɔn na!

Yemesi 1:22 ပူးပေါင်းရင်းမြစ်များ

Aiseya 44:20

Hɛnkilimaya-sufa kɛ mani de iko mɔgɛ tenbi ta-gbangban muganna. Ala kun-takolon-miriya wo mani de iko mɔgɛ tenbi donna gbofɛ la. Dɛnbɛni-wo-dɛnbɛni sa a bolo tun. A ti ke a fɔla ko bɛsɛ min bi a bolo kɛ la, Alla ma.

Yɛrɛmaya 11:6

Mari ya a fɔ n ye ko n ni wɔlɔyiya-kumɛ kɛ fɔ Yerusalɛm soe burɔ anubɛ Yuda nyamanɛ bɛɛ rɔ. A ko anu ni anu tole masɔ sarama-kan-kumɛ kɛnu na ka anu bira anu bolo filɛ la gben!

Hɔbadaya 1:3

Wola mansa-soe manɛ farɛ la. Wola sigi tinɛnu manɛ kɔnkɔ-layan-bɛ la. Wo mirinɛ ko mɔgɔ-wo-mɔgɔ ti ke wo labuila kɔnɔ wola wasinteyɛ ara wo yanfa feu!”

Matiyu 12:50

N Fa Alla min bi Arinyɛni tɔ, min bi a diyana-koe kɛla, n na-kelen-nyɔgɛ anubɛ n na le wonu na.”

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Luka 11:28

Kɔnɔ Yisa ya a fɔ a ye ko, “Minnu sewanɛ ka tenbi wo la, wo le, minnu bi Allala kumɛ lamɔɛnna ka a bira gben!”

Yɔni 13:17

Nba kaka, wo ara tonyɛ kɛ lɔn min kɛ, ni wo tora a kɛla, wo si ma mɔgɔ-sewanɛ la!

Romu 2:13

Ka tɔn-kitabu wara-koe lamɔɛn dɔrɔn, wo ti mɔgɔ latelen Alla ye. Kɔnɔ ka ata tɔn-kitabu bira, wo le si mɔgɔ latelen Alla ya la.

1 Kɔrɛnti 15:33

Wo kana sɔn ko mɔgɛnu ni wo yanfa. “Wo bɔ-yogomɛnu si wola kɛ-nya-nyimɛnu tinya.”

1 Kɔrɛnti 3:18

Mɔgɔ-wo-mɔgɔ kana a nyɛrɛ yanfa. Ni min mirinɛ ko hɛnkilimɛ le ale la duninya kɛ rɔ, a fisa, duninya ni a lɔn kuntan la alako a si hɛnkili-bɛrɛ sɔrɔn nya-min.

1 Kɔrɛnti 6:9

Wo ya a lɔn serr, ko mɔgɔ-yogomɛnu ti Allala mansayɛ sɔrɔn. Wo kana wo nyɛrɛ mayuwaya. Sɔn-yogoma-tiginu wo, bɛsi-kɔlɛnu wo, yɛlannu wo, minnu bi anu ta-nyɔgɔ-keinu makila wo, minnu bi anu ta-nyɔgɔ-musinu makila wo,

Kalesiya 6:3

Ni mɔgɛ do ye a mirila ko fen de ale la, ado fenfen ma a la, a ye a nyɛrɛ le mayuwayala wo la dɔrɔn.

Kalesiya 6:7

Wo kana wo nyɛrɛ yanfa bawo mɔgɛ ti ke Alla mayuwayala. Mɔgɔ wa min fui, a ye wo le tɛgɛla, yɔ!

Filipai 4:8

Ala ban, n na-kelen-nyɔgɛnu, tonyɛ ye koe min bɛɛ la wo, tantolɛ ye min tɔ wo, koe min bɛɛ telennɛ wo, koe min bɛɛ sɛnima wo, koe min bɛɛ kin wo, koe min bɛɛ bɛnnɛ wo, koe min bɛɛ kɛndɛ wo, gbiliyɛ ye min bɛɛ rɔ wo, wo ni wo hɛnkili to wonu denu ma tolon!

Kɔlɔsi 3:17

Wo ye koe min bɛɛ kɛla anubɛ wo ye koe min bɛɛ fɔla, wo ni wo bɛɛ kɛ Mari Yisa tɔgɛ rɔ. Wo ni baraka bira ma Fa Alla ye Mari Yisa baraka rɔ.

2 Timoti 3:13

Kɔnɔ mɔgɔ-yogomɛnu anubɛ yanfantenu si to yogoyala dɛɛ ha anu ni donu yanfa, ado anu bara anu nyɛrɛ fɔlɔn yanfa.

Taita 3:3

Fɔlɔ-nun, kuntan anubɛ kuma-birabɛlɛ anubɛ ko-yogoma-kɛlɛ le male la. Mɔgɛnu ya ma yanfa ko ma ni ma yɔɔnnu na fɛrɛ-nata anubɛ nyɛrɛ-diyana-ko-sufa-bɛɛ bolo. Ma ya mala wati bɛɛ tinya wunduyogoyɛ anubɛ keliyɛ rɔ. Ma gboyara mɔgɛnu ye, ado anu fanan gboyara ma ye.

Yemesi 1:26

Ni mɔgɛ do ya a miri ko Allata mɔgɛ le ale la, ni a ma a dɛ mara, fuyi le ala dina wo la. A ye a nyɛrɛ mayuwaya tinɛ le dɔrɔn.

Yemesi 4:11

N na-kelen-nyɔgɛnu, wo kana wo nyɔgɔn mapandin ha ka wo nyɔgɔn yiliki. Ni wo ya wo ma, wo ye Alla leta tɔn mapandinna ka a yiliki. Ka a fɔ i si ke a fɔla ko, “Tɔn kɛ bɛnta, tɔn kɛ ma bɛn,” wo kiti-tɛgɛla ma ile la, ado ita wɔlɛ ye min na, wo le, ka tɔn wonu bira wo bolo filɛ la.

Yemesi 4:17

Wo ni wo hɛnkili to kɛ ko. Ni mɔgɛ ya ko-nyimɛ-kɛ nya-lɔn kɔnɔ a ma a kɛ, hakɛ le wo la.

2 Pita 2:13

Anu bara mɔgɛnu tɔrɔ min kɛ, anu si na tɔrɔyɛ wo sarɛ sɔrɔn. Min si anu fɛrɛ-bɔnku-nata wasa hali tele rɔ, anu diyana-koe le wonu na. Anu ba kofu wo ma fen dɔn tinɛ tuma-wo-tuma, anu si na miliyɛ anubɛ lafɛyɛ la anu bolo. Anu bi sewala anuna kisimiriya-koenu tɔ tolon!

1 Yɔni 1:8

Ni ma ko ma ma hakɛ kɛ, ma ye ma nyɛrɛ yanfala. Tonya sa ma yisi rɔ hali!

1 Yɔni 2:3

Ma ya Allala tɔnnu bira min kɛ, ma ara la a la worɔ ko ma ya ale lɔn!

1 Yɔni 3:7

N diyana-dannu, wo kana sɔn, mɔgɛ ni wo yanfa! Minnu bi ko-latelennɛ kɛla, mɔgɔ-nyimɛ le wonu na iko Kirasiti ye nya min.

3 Yɔni 1:11

N diyana-mɔgɛ, i kana bila ko-yogomɛ fɛ fɔ ka ko-nyimɛ ma wola misalɛ la. Min bi ko-nyimɛ kɛla, Allatɛ le wo tigi la. Min bi ko-yogomɛ kɛla, wo tigi ma Alla lɔn.

Lankɛnimayɛ 12:9

Ninkinanka-wɛ min ya duninya bɛɛ yanfa, ale duguma-fen-kɔrɛ, kɔni, wo lafilita dugu-kole kuma anubɛ ata melika bɛɛ. Anu si a kele ko nyinɛ, ni wo ma, Setanɛ.

Lankɛnimayɛ 22:7

Yisa ko, “Wo ni wo tole masɔ! N bi nala tiriya! Minnu bi kitabu kɛta wɔlɔyiya-kumɛnu birala, mɔgɔ-sewanɛ le wonu na!”