Yasowa 9:9 - ALLALA KUMƐ

⁹ Anu ya a yabi ko, “Male bɔra nyamani-fɛ-yanyanɛ rɔ bawo ma ya a lamɔɛn wota Mari Alla ara min ma Iyipiti nyamanɛ rɔ.

Yasowa 9:9 ပူးပေါင်းရင်းမြစ်များ

1 Mansɛnu 8:41

“Sibolo-gbɛrɛ minnu siginɛ wula-yan la, ni wo do ya i tɔgɔ-wɛ wo lamɔɛn anubɛ kabana-ko-wɛ, i wara minnu kɛ ila mɔgɛnu ye, ni wo mɔgɔ-sufa nara ka matarali-kɛ bɔn kɛ telen tɔ,

Nihɛmaya 9:5

Yɛsuwa wo, Kadamiyɛli wo, Bani wo, Hasabinaya wo, Sɛrɛbaya wo, Hodaya wo, Sɛbanaya wo, Pɛtahaya wo, Lifayi kɛnu fanan ya a fɔ anu kulu-mayɛlɛnɛ la ko, “Wo ni wo lasɔ ka baraka bira wota Mari Alla ye. Wo ni to a matɔgɔla burubukai! Bɛɛ ni a tɔgɛ gbiliya ka a tanto. Kɔnɔ ma ya a lɔn ko hadama-danta matɔgɔlɛ ti a bɔ.”

Yaburi 148:13

Wonu damasi ni Mari tanto. A tɔgɛ kolo tɔgɛ bɛɛ ko. Ala gbiliyɛ kolo fan bɛɛ ko minnu bi san-kole anubɛ dugu-kole ma.

Yaburi 72:19

Ma ni to a tɔgɔ-gbiliyanɛ tantola tolon! Alamɛ ata gbiliyɛ ya duninya lafa pen! Amina! Amina!

Yaburi 78:12

Ma benbanu yɛ bɛnnɛ Alla ma tumɛ min, a ya ata kabana-koenu ma. A ya wonu ma Sowan gbɛkole rɔ Iyipiti nyamanɛ rɔ.

Yaburi 83:18

Alamɛ anu ya a lɔn ko ile le kelen pe le Mari la. Ile le ye duninya fan bɛɛ kun na.

Bɔ-Koe-Iyipiti 15:14

Mɔgɛnu ba kɛ lamɔɛn tumɛ min, anu si yɛrɛyɛrɛn kilan bolo. Filisitinu kun ma si kɔ.

Bɔ-Koe-Iyipiti 9:16

N bara a to a niyi la alako n ni nna sɛnbɛ mayira, woletɔ duninya-mɔgɛ bɛɛ si n tɔgɛ lɔn.

Aiseya 55:5

Wo ma sibole minnu lɔn kɔrɔma la, wo si wonu kele kan-tina-kelen, ado sibole minnu ma wo lɔn, wonu burimatoe si na wo wara. Kɛ damasi si ma bawo wole Isirɛlata Mari Alla-sɛnimɛ le wara gbiliyɛ di wo ma.

Aiseya 66:19

Minnu bara to anu niyi la, a si tamasere sa wonu ma ka wo donu nata sibolo-toenu ma. Anu si donu nata Tasisi, anubɛ Libiya, anubɛ Ludi, anubɛ Misɛki, anubɛ Rɔsi, anubɛ Tubali, anubɛ Kirisi. A si donu nata kɔgɔ-yi-dafɛ-sigilɛnu ma minnu bi wula-yan la. A ko a si anu nata mɔgɛ donu ma kan tinɛ wonu tɔ minnu ma a mankan anubɛ ata gbiliyɛ wara-koe lɔn bɛ. Anu ba ke nyɔnu tɔ, anu si ata gbiliyɛ wara-koe rakaran anu ye.

Yilan-Yilan Koe 14:15

Ni i ya ila mɔgɛ kɛ bɛɛ faga kaka nya-kun-kelen wulɛ kɛ rɔ, Kenan mɔgɛ min bɛɛ ara ita kabana-koe kɛnu namɔɛn,

Yilan-Yilan Koe 20:14

Musa ya kilayɛ lata ka bɔ Kɛdɛsi dagɛ rɔ ka ta ke Idɔm nyamanɛ mansɛ ma. Kilayɛ ya a dantɛgɛ mansɛ wo ye ko, “Kumɛ kɛ bɔra i na-kelen-nyɔgɛ Isirɛla mɔgɛnu bolo. Anu ko, ‘Wo ara mata tɔrɔyɛ kɛ lamɔɛn.

Kɛwɔlɛnu 8:7

Nyina-yogomɛnu bɔra gbele-gbelenna mɔgɔ siyaman fɛ. Mɔgɔ fɛrɛ-faganɛ anubɛ namarɛ siyaman fanan kɛndɛyara.

Tɔn-Fɔɛ-Fila-Nyɔgɛ 20:11

Ni wo tara minnu kɛlɛ tinɛ, anu ni tarɛ dɛ laka ka dɛgɛ min wo ye yona, wo si anu ma wola yɔɔnnu na ka anu nawɔli kosɛbɛ!

Tɔn-Fɔɛ-Fila-Nyɔgɛ 20:15

Wo wa ban sigila lanyiri-nyamanɛ rɔ tumɛ min, wota Mari ni fɛrɛ di wo ma ka ta nyamanɛ do kɛlɛ tinɛ min fɛ-yan wo la, wo ye a mala anuna soenu na wo nya na le.

Yasowa 9:10

Ma ya a lamɔɛn fanan a ya min ma Amora mansa mɔgɔ filɛ la Yorodan tele-bɔɛ wara la, Mansa Saihɔn min bi Hɛsibɔn soe burɔ anubɛ Mansa Ɔku min bi Asitɔra soe burɔ Basan nyamanɛ rɔ.

Yasowa 9:16

Tele sawa wo kɔma, Isirɛla mɔgɛnu ya a lamɔɛn ko anuna dagɛ fɛ-ma-yan bɛrɛkɛ Kibiyon soenu na,

Yasowa 9:17

anu wulita tele wo rɔ ka ta mɔgɛ wonuna soenu tɔ. Soe wonu tɔgɛ le kɛnu na, Kibiyon, Kɛfira, Birɔti, anubɛ Kiriyati-Yirɔm.

Yasowa 9:24

Kibiyon mɔgɛnu ya Yasowa yabi ko, “Ma ya wo yanfa bawo ma kilannɛ ma niyi kuma. Ma ya a lɔn ko Mari Alla ara Nɛbi Musa lawuli nun ka nyamanɛ kɛ bɛɛ di ile ma ka a mɔgɛ bɛɛsi faga wo yarɔ. Woletɔ ma ya kɛ bɛɛsi ma.