Yasowa 9:14 - ALLALA KUMƐ

^14-15 Yasowa anubɛ Isirɛla mɔgɔ-banu ya anuna dɔn-fan donu mafɛlɛn. Anu lara Kibiyon kɛnu na kɔnɔ anu ma Mari manyinika. Anu ya lanyiri kiri anu ye ka anu keli ko anu ti anuna nyamanɛ kɛlɛ mumɛ!

Yasowa 9:14 ပူးပေါင်းရင်းမြစ်များ

2 Samuwɛli 2:1

Dawuda ban saya-tolon kɛla, a ya Mari manyinika. A ko, “N ni ta sigi soe do kun na wo rɔ Yuda nyamanɛ rɔ, wa?” Mari ko, “Ɔn!” Dawuda ko, “Soe nyamintan ye wo la?” Mari ko, “Hiburɔn soe.”

2 Samuwɛli 5:19

Mansa Dawuda ya Mari manyinika, a ko, “Ni n tara Filisitinu kɛlɛ tinɛ, n si anu nɔ, wa?” Mari ko, “Ɔn, n si a ma, i ni anu nɔ.”

Ɛsira 8:21

Wo tumɛ ma ye Ahefa bɛ kɛ fɛ, n ya a fɔ mɔgɛ bɛɛ ye ko ma ni sunyɛ don ka ma nyɛrɛ famayigi mata Alla ye. N ko ma ni a matara ko a ni to ma fɛ mala tagama kɛ rɔ alako mabɛ mala dannu anubɛ ma bolo-fannu ma ni tanka.

Bɔ-Koe-Iyipiti 28:30

Wo si nde, Alla sako-lɔn-fen filɛ minnu fɛ minnu tɔgɛ Yurim anubɛ Tumin, i ni wonu sa kɔgɔ-dala-kurɛ wo yifɛ rɔ. Aruna wa don nde, Marita Fani-Bɔn la tumɛ min, wonu ni to a kɔgɔ dɛ rɔ ka nde sako lɔn Isirɛla mɔgɛnuna ko la.”

Yilan-Yilan Koe 27:21

A si a yɛ bɛn Ɛliyasa ma. Wo si ke ka nde diyana-koe lɔn fen fila fɛ min bi saraka-masɔla-wɛla kɔgɔ-dala-kurɛ ma. Yasowa anubɛ Isirɛla mɔgɛnu si min ma, kɛnu si a ma, Ɛliyasa ni wo rakaran anu ye.”

Yemesi 1:5

Ni min hɛnkili dasanɛ, wo tigi ni Alla matara. A si hɛnkili di a ma bawo Alla le si mɔgɛ kɔ foninsereyɛ la. A si sewa wo tigi la, ado a ti mɔgɔ lafɛya.

Yasowa 9:13

Ma ya gbolo-bɔrɛ kɛnu nafa yi la tumɛ min, anu kurɛ le nun kɔnɔ kaka, anu mafɛlɛn, bɔrɛ bɛɛsi ara tinya. Mala kurɛnu anubɛ mala sanbarɛ bɛɛsi ara tinya tagama kɛ rɔ.”

Kɛlɛ-Kurugbɛnu 1:1

Yasowata fagɛ kɔmɛ, Isirɛla mɔgɛnu ya Mari manyinika, anu ko, “Ma bɔnsɔn nyamintan fɔlɔn si ta Kenan kɛ-toenu kɛlɛ tinɛ?”

Kɛlɛ-Kurugbɛnu 20:18

Isirɛla bɔnsɔnnu tara Bɛtɛli soe burɔ Alla madiya tinɛ. Anu ya Alla manyinika, anu ko, “Bɔnsɔn nyamintan fɔlɔn si ta ma yarɔ Bɛnyamɛ bɔnsɔn kɛlɛ tinɛ.” Mari ya Yuda bɔnsɔn yabɔ anu ye.

1 Samuwɛli 22:10

Saraka-masɔlɛ wo ya Mari manyinika ni Dawuda si min ma. Wo kɔma, a ya dɔn-fan di Dawuda ma ka Filisitinuna kɛlɛ-kurugbɛ Kolatila faan don a bolo.”