Yasowa 8:8 - ALLALA KUMƐ

⁸ Wo wa soe bira-a-la tumɛ min, wo ni a mintan iko Mari ya wo lawuli nya min. Wo ye a mala ka le.”

Yasowa 8:8 ပူးပေါင်းရင်းမြစ်များ

2 Samuwɛli 13:28

Ale Abasalɔm ya a fɔ ala wɔli-kɛlɛnu ye ko, “Wo ni wo yɛ bɛn Aminɔ ma. Gbɛɛ wa a bira tumɛ min, n ba a fɔ wo ye, wo ni a faga. Hali wo ma kilan. Dunu sa wole kuma. Dunɛ ye nde le kuma. Wo ni wo kerinteya, hali wo ma sika.”

Tɔn-Fɔɛ-Fila-Nyɔgɛ 20:16

“Wo wa ta Kenan mɔgɛnu kɛlɛ tinɛ tumɛ min, wo si a mɔgɛ damasi faga.

Yasowa 1:16

Anu ya Yasowa yabi ko, “I wara koe min bɛɛ fɔ ma ye, ma si wo bɛɛ ma. I wa ma lata kan min, ma si ta nyɔ,

Yasowa 1:9

N ma a fɔ i ye fɔlɔ nun ko i ni i yisi ragbɛlɛya ka i kerinteya, wa? I kana kilan, i yisi kana tinya. I tara kan-bo-kan, nde, ita Mari Alla si to i fɛ nyɔ.”

Yasowa 6:24

Anu ya soe bɛɛ mintan fɔ fan minnu nadannɛ sɛnɛ la anubɛ wodi-gbɛ anubɛ silɛɛ anubɛ nɛgɛ-dogbɛrɛnu. Anu ya wo bɛɛ di Mari ma ka wonu to Marila fen namara tinɛ rɔ.

Yasowa 8:2

Iko wo ya Yɛrikɔ halaki nya min anubɛ a mansɛ, wo ye a mala fanan Eyai la wo nya le. Kɔnɔ kɛ wati rɔ, wo si fen-nyimɛ bɛɛ mara wo nyɛrɛ ye anubɛ a kolo-fannu. Wo rabɛn kaka ka ta Eyai soe bira-a-la. Wo ni bɔ soe kɔma ka anu natɛrɛna.”

Yasowa 8:22

Isirɛla kɛlɛ-dan minnu bi soe wo burɔ, wonu nara fanan ka Eyai mɔgɛnu faga. Eyai mɔgɛnu ya a yen ko anu namininɛ kɛlɛ la. Isirɛla mɔgɛnu ya Eyai mɔgɛ bɛɛ faga

Yasowa 8:28

Yasowa ya Eyai mintan. Ha bi, a ye tonbonyɛ la.

Yasowa 8:7

Wole si bɔ wo dogon tinɛ wo rɔ ka soe bira-a-la. Wota Mari Alla si soe wo di wo ma.

Yasowa 8:9

Yasowa ya anu nata wo rɔ. Anu tara anu dogon tinɛ Eyai ani Bɛtɛli tɛma tele-yigi wara la. Yasowa kira dagɛ rɔ wo lun. A ma ta mɔgɛ wonu fɛ minnu tara anu dogon soe kɔma.

Kɛlɛ-Kurugbɛnu 4:6

Lunyɛ do, a ya Abinowamta den Bɛraki kele min siginɛ Kidɛsi soe burɔ Nafatalita nyamanɛ rɔ. Bɛraki nanɛ a wara, a ya a fɔ a ye ko, “Isirɛla mɔgɛnuta Mari Alla le ya kumɛ kɛ di n ma ka a fɔ i ye, a ko i ni kei waga tan (10,000) bi Nafatali bɔnsɔn anubɛ Sɛbulɔn bɔnsɔn rɔ. A ko i ni wonu bi ka yɛlɛ anu na Tebɔ kɔnkɛ kuma.