Yasowa 8:6 - ALLALA KUMƐ

⁶ Anu si na ma gbenna ha anu damasi ni bɔ soe burɔ. Anu si anu miri ko ma ye ma burila anu kɔrɔ iko a mara nya min fɔlɔn.

Yasowa 8:6 ပူးပေါင်းရင်းမြစ်များ

Bɔ-Koe-Iyipiti 14:3

Ni wo ya wo ma, ale mansɛ si a miri ko Isirɛla mɔgɛnu kɔndɔ ara fili pirikali ko kilɛ ara to-a-rɔ anu ma wulɛ rɔ.

Bɔ-Koe-Iyipiti 15:9

I yogenu ko anu si ma sagaran ka ma bira ka mata nɔnfuli rafara anu nyɔgɔn tɛma. Anu ko anu si anuna faannu sagan anu lɛɛ rɔ ka bui ma ma.

Makawandili Kumɛnu 8:11

Mɔgɛnu bi tola karagbɛlɛyɛ kɛla bawo anu sa anuna tɔrɔyɛ sɔrɔnna yona.

Makawandili Kumɛnu 9:12

I ma ila harayɛgɛbɛlɛ sɔrɔn-wati lɔn. Iko kona ye birala mana la nya min wo, iko yɛgɛ ye birala yalɛ la nya min wo, male hadama-dannu si bira nanparan rɔ wo nya na le hali ma sa a kalama.

Yasowa 8:5

Nde wo, kɛlɛ-den-toe minnu bi bilala n fɛ wo, male si ta gbɛ rɔ. Eyai mɔgɛnu ba na wati min ma kɛlɛ tinɛ, male si ma buri iko kɛlɛ-dan minnu nara fɔlɔ, wonu ya anu buri nya min.

Yasowa 8:7

Wole si bɔ wo dogon tinɛ wo rɔ ka soe bira-a-la. Wota Mari Alla si soe wo di wo ma.

Kɛlɛ-Kurugbɛnu 20:32

Bɛnyamɛ bɔnsɔn-mɔgɛnu donta anu nyɛrɛ-matɔgɛ rɔ, anu ko, “Ma ara anu nɔ. Anu bi anu burila ma kɔrɔ iko a fɔlɔtɛ.” Bɔnsɔn tan-ni-kelan mɔgɛnu ya anu tabɛn nun ko, “Ma ni mɔlɔnɛ sigi anu na ha anu si bɔ soe burɔ nya min ka ma sagaran.”