Yasowa 8:33 - ALLALA KUMƐ

³³ A mɔgɔ-ba wo, a kun-tigi wo, a kiti-tɛgɛla wo, a sundan minnu bi anu tɛma wo, Isirɛla mɔgɛ bɛɛ sɔra kɔnkɔ filɛ tɛma. Donu kan-kɔ sɔnɛ Kɛrisim kɔnkɛ la, donu kan-kɔ sɔnɛ Ebali kɔnkɛ la. Anu yɛ lamununnɛ tɔn-kenkirɛ la anubɛ saraka-masɔlɛ minnu nara a la. Mɔgɛnuna duwa-bole le kɛ la iko Musa ya a fɔ nya min nun.

Yasowa 8:33 ပူးပေါင်းရင်းမြစ်များ

Bɔ-Koe-Iyipiti 12:49

Kemininya-koe kɛ, a ye dugurannu anubɛ sundannu denu kuma. A sa mɔgɔ kelen kuma.”

Saraka-Masɔlɛnuta Tɔnnu 24:22

Tɔn kɛ siginɛ Isirɛla mɔgɛnu kuma anubɛ sundannu bawo nde le wota Mari Alla la min ya kɛ fɔ.”

Yɔni 4:20

Male Samariya kɛnu, ma benbanu ya Alla bato kɔnkɛ kɛ kuma kɔnɔ wole Yahudiyanu ko a fisa, ma ni Alla bato Yerusalɛm. Ile ko kama?”

Tɔn-Fɔɛ-Fila-Nyɔgɛ 11:29

Mari wa ta wo la wo sigi tinɛ wo rɔ tumɛ min, Mari ya duwɛ min kɛ wo ye kɛ la, wo si wo labira Kɛrisim kɔnkɛ bu la. Mari ya dankɛ min kɛ kɛ la, wo si wo labira Ebali kɔnkɛ bu la.

Tɔn-Fɔɛ-Fila-Nyɔgɛ 31:12

Wo ni mɔgɛ bɛɛ kele kan-tina-kelen, kei wo, musi wo, dennɛnu wo, anubɛ sundan minnu siginɛ wo tɛma. Mɔgɛ bɛɛsi ni bɛn a karan rɔ woletɔ anu si wota Mari Alla gbiliya ka ata kumɛ bira.

Tɔn-Fɔɛ-Fila-Nyɔgɛ 31:25

A ban a sɛbɛla, saraka-masɔlɛ minnu bi tɔn-kenkirɛ kun na, a ya a fɔ wonu ye ko,

Tɔn-Fɔɛ-Fila-Nyɔgɛ 31:9

Musa ya Marita tɔn bɛɛ sɛbɛ ka a don kun-tiginu anubɛ saraka-masɔlɛnu bolo. Wonu denu bi Marita tɔn-kenkirɛ kun na.

Yasowa 23:2

Yasowa ya Isirɛla mɔgɛ bɛɛsi kele, a mɔgɔ-ba wo, a kun-tigi wo, a kiti-tɛgɛla wo. A ya a fɔ anu ye ko,

Yasowa 24:1

Yasowa ya Isirɛla bɔnsɔn bɛɛsi kele Sɛkɛm soe rɔ, katarala a kina wo, a mɔgɔ-ba wo, a kun-tigi wo, anubɛ a kiti-tɛgɛlɛnu ma. Wonu dama nara anu sɔ anu nyɔgɔn fɛ Marila Bɔn yakɔrɔ.

Yasowa 3:14

ado tɔnsɔn bɔ wati le, woletɔ yi kolo wo wati rɔ. Wo banda kɛ, saraka-masɔlɛnu tara tɔn-kenkirɛ la mɔgɛnu yarɔ ka anu kian sɔ yi rɔ.

Yasowa 3:3

“Wo wa saraka-masɔlɛnu yen tumɛ min ko anu bara Marila tɔn-kenkirɛ bi, wo ni wola fani-bɔnnu wayan ka bila anu fɛ.

Yasowa 3:6

Yasowa ya a fɔ saraka-masɔlɛnu ye ko, “Wo ni tɔn-kenkirɛ bi ka ta mɔgɛnu yarɔ.” Anu ya a ma iko Yasowa ya a fɔ anu ye nya min.

Yasowa 4:10

Saraka-masɔlɛ minnu bi tala tɔn-kenkirɛ la, wonu sɔnɛ tora Yorodan tɛma ha koe bɛɛ kanbalita iko Mari ya a fɔ Yasowa ye nya min anubɛ iko Musa fanan ya a fɔ nya min. Mɔgɛnu ya anu nakaliya bɛ tɛgɛla ka ta bɛ tɔnkɔn kelan rɔ.

Yasowa 4:18

Woletɔ saraka-masɔlɛnu bɔra Yorodan bɛ tɛma Marila tɔn-kenkirɛ la anu bolo. Anu kera gbole ma tumɛ min, yi sɛgira a gbɛ rɔ anu kɔma wo wati nyɛrɛ rɔ iko a ye nya min nun.

Yasowa 6:6

Yasowa ya a fɔ saraka-masɔlɛnu ye ko, “Wo ni tɔn-kenkirɛ bi ka ta mɔgɛnu yarɔ. Wo mɔgɔ wɔrɔnfila ni ta buri la wo bolo tɔn-kenkirɛ yarɔ.”