Yasowa 8:2 - ALLALA KUMƐ

² Iko wo ya Yɛrikɔ halaki nya min anubɛ a mansɛ, wo ye a mala fanan Eyai la wo nya le. Kɔnɔ kɛ wati rɔ, wo si fen-nyimɛ bɛɛ mara wo nyɛrɛ ye anubɛ a kolo-fannu. Wo rabɛn kaka ka ta Eyai soe bira-a-la. Wo ni bɔ soe kɔma ka anu natɛrɛna.”

Yasowa 8:2 ပူးပေါင်းရင်းမြစ်များ

2 Ko-Kɔrɔta-Karan 13:13

Mansa Abaya tora kumɛ kɛ le la. Mansa Yɛrabowami ya ala kɛlɛ-dan donu nata Yuda kɛlɛ-dannu kɔma kilɛ la alako donu ni to anu yarɔ, donu ni to anu kɔma.

2 Ko-Kɔrɔta-Karan 20:22

Sigi-sɛ dabirɛ anu bolo, Mari ya a ma, anu yogenu kumakɔra.

Yaburi 39:6

A si sama iko ninɛ. Hadama-dan ye koe min bɛɛsi mala, fu le wo la ile yala. Hali a ya nɔnfuli ladɛn bui, mɔgɔ-wo-mɔgɔ ma a lɔn wo ye a labanna min bolo.

Hɛnkilimaya-Kumɛnu 13:22

Mɔgɔ-nyimɛ mamanɛnu si do sɔrɔn a kɛɛ rɔ kɔnɔ hakɛ-tiginu bolo-fannu bi tola mɔgɔ-latelennɛ denu ye.

Hɛnkilimaya-Kumɛnu 28:20

Lanaya-mɔgɛ si duwɛ sɔrɔn boi, kɔnɔ wodi-kalama-nyininɛ anubɛ tɔrɔyɛ ti fara.

Yɛrɛmaya 17:11

Kona wa kɛwɔli do latii ale ma min sa, wo mani de iko mɔgɛ wa ma-a-la kensunteyɛ rɔ. Mɔgɛ wo siyi wa tala a tɛma, ala nɔnfuli bɛɛ si ban. Yanni a siyi ni ban, bɛɛ si a lɔn kuntan la.

Yɛrɛmaya 51:12

Wo ni kɛlɛ-tamasere-falafalɛ layɛlɛ san ma alako ma ni soe tarɛ keri. Wo ni kila-kandannɛnu kuma sa. Wo ni anu napɛrɛnnɛnu nata.” Mari ko a ye min sigila Babilɔn kɛnu ma, a si na wo sigi anu ma, yɔ!

Tɔn-Fɔɛ-Fila-Nyɔgɛ 2:35

Ma ya anuna nɔnfulinu bi anubɛ anuna kolo-fannu.

Tɔn-Fɔɛ-Fila-Nyɔgɛ 20:14

Kɔnɔ ni a diyara wo ye, wo si anuna musinu bi le, anubɛ anuna dannu, anubɛ anuna kolo-fannu. Fenfen diyara wo ye wo kɔma, wo si wonu bi le wo nyɛrɛ ye. Wota Mari ara wonu di wo ma fasai!

Tɔn-Fɔɛ-Fila-Nyɔgɛ 3:2

Mari ya a fɔ nde, Musa ye ko ma kana kilan anu na. A ko a si mansɛ wo don ma bolo ka ala nyamanɛ di ma ma anubɛ ala kɛlɛ-dannu tɛrr! A ko Amora Mansɛ Saihɔn min siginɛ Hɛsibɔn soe burɔ nun, ma ni a ma ale mansɛ la iko ma ya a ma wo la nya min.

Yasowa 10:1

Yasowa ya Eyai soe anubɛ a mansɛ nɔ ka a halaki iko a ya a ma Yɛrikɔ soe anubɛ a mansɛ la nya min. Yerusalɛm mansɛ min tɔgɛ Mansa Sɛdiki, wo ya wo bɛɛ lamɔɛn. A ya a lamɔɛn fanan ko Isirɛla mɔgɛnu bara lanyiri kiri Kibiyon mɔgɛnu ye ko anu ti anu kɛlɛ. A ya a lamɔɛn fanan ko Kibiyon mɔgɛnu bi Isirɛla mɔgɛnu ninɛ kɔrɔ.

Yasowa 10:28

Wo banda kɛ, Yasowa ya Makida mansɛ bira ka soe wo mɔgɛ bɛɛ faga. Mɔgɔ-wo-mɔgɔ ma to a niyi la. Iko a ya a ma Yɛrikɔ mansɛ la nya min, a ya wo le fanan ma Makida mansɛ la.

Yasowa 11:14

Isirɛla mɔgɛnu ya fen-nyimɛ bɛɛ bi anu nyɛrɛ ye anubɛ kolo-fannu kɔnɔ anu ya nyɔ-mɔgɛ bɛɛ faga.

Yasowa 6:21

Kɛlɛ-dannu ya soe bira-a-la ka mɔgɛnu faga faan la, kei wo, musu wo, anubɛ anuna dennɛnu. Anu ya kolo-fan fanan bɛɛ faga.

Yasowa 8:14

Wo banda kɛ, Eyai mansɛ ya Yasowa anubɛ ala mɔgɛnu yen. Mansɛ anubɛ ala mɔgɛnu ya anu buri ka ta Yorodan-ba-lɛɛ rɔ ka Isirɛla mɔgɛnu kɛlɛ iko anu ya a ma nya min fɔlɔn. Kɔnɔ anu ma a lɔn ko mɔgɛnu bi anu kɔma minnu si anu kɛlɛ.

Yasowa 8:19

A ya ala tanbɛ telen soe la tumɛ min, kɛlɛ-dan minnu dogonnɛ soe kɔma, wonu nara tiriya ka soe bira-a-la. Anu ya tɛ tugu soe la tiriya!

Yasowa 8:24

Isirɛla mɔgɛnu ya anu yogenu bɛɛ faga min bi wulɛ rɔ. Wo kɔma, anu sɛgira Eyai ka a toe wonu faga.

Yasowa 8:3

Yasowa ya kɛlɛ-dan mɔgɔ waga bi-sawa yabɔ ka ta Eyai kɛlɛ tinɛ. A ya anu nata suyi rɔ.

Yasowa 8:7

Wole si bɔ wo dogon tinɛ wo rɔ ka soe bira-a-la. Wota Mari Alla si soe wo di wo ma.

Yasowa 8:8

Wo wa soe bira-a-la tumɛ min, wo ni a mintan iko Mari ya wo lawuli nya min. Wo ye a mala ka le.”

Yasowa 8:9

Yasowa ya anu nata wo rɔ. Anu tara anu dogon tinɛ Eyai ani Bɛtɛli tɛma tele-yigi wara la. Yasowa kira dagɛ rɔ wo lun. A ma ta mɔgɛ wonu fɛ minnu tara anu dogon soe kɔma.

Yasowa 9:3

Kɔnɔ Hefa do minnu bi Kibiyon soe burɔ, wonu ya a lamɔɛn min bara ma Yɛrikɔ anubɛ Eyai soenu na Yasowa bolo tumɛ min,