Yasowa 8:17 - ALLALA KUMƐ

¹⁷ Hali kɛlɛ-dan mɔgɔ kelen bɛrɛn ma to Eyai anubɛ Bɛtɛli soenu tɔ. Wonu dama tara Isirɛla mɔgɛnu kɛlɛ tinɛ ka so-rakolɔn to. Anu ya soe tarɛ dɛ lakanɛ to. Mɔgɔ-wo-mɔgɔ sa nyɔ min si kɛlɛ kɛ.

Yasowa 8:17 ပူးပေါင်းရင်းမြစ်များ

Yobu 5:13

A si a ma, karagbɛlɛnu ni bira anu nyɛrɛta yili-lasiginɛ la. Minnu si anu nyɛrɛ ma hɛnkilimɛ la, Alla si wonuna ko-rabɛn yɛlɛma fufafuyi la.

Tɔn-Fɔɛ-Fila-Nyɔgɛ 2:30

“Kɔnɔ ma Mari Alla ya a ma, Mansa Saihɔn yisi gbɛlɛyara gbon! Wo le ya a ma, a ma sɔn ma ni tenbi ata nyamanɛ rɔ muk! Ma kɛlɛ-sɔgɛ ya a bira. Woletɔ Mari ya a ma, ma ya a nɔ ka ala nyamanɛ bi. Ha bi, nyamanɛ wo ye ma bolo.

Yasowa 11:20

Mari ya Isirɛla yogenu yisi gbɛlɛya alako anu ni Isirɛla mɔgɛnu kɛlɛ. Wo le ya a ma, Isirɛla mɔgɛnu si anu bira ka anu nato dogbe! Anu ma anu buri anu kɔrɔ. Mari ya a fɔ Musa ye nun ko anu kana kinikini anu fenfen ma.

Yasowa 8:16

Eyai kɛlɛ-dannu ya soe mɔgɛ bɛɛ kele ka ta Isirɛla mɔgɛnu kɛlɛ tinɛ. Anu bi tala Yasowa kɔma tumɛ min, anu tara ha wulɛ rɔ.

Yasowa 8:18

Mari ya a fɔ Yasowa ye ko, “Ila tanbɛ telen Eyai soe wara la. N si soe wo don i bolo.” Yasowa ya a ma wo nya.

Yasowa 8:3

Yasowa ya kɛlɛ-dan mɔgɔ waga bi-sawa yabɔ ka ta Eyai kɛlɛ tinɛ. A ya anu nata suyi rɔ.

Kɛlɛ-Kurugbɛnu 20:31

Bɛnyamɛ kɛlɛ-dannu bɔra soe burɔ ka ta anu kɛlɛ-tina gbɛkole wo ma. Anu donta Isirɛla bɔnsɔn tan-ni-kelan fagɛ rɔ iko a fɔlɔtɛ. Anu ya mɔgɔ bi-sawa nyɔgɛ faga bɔnsɔn tan-ni-kelan rɔ. Anu ya donu faga Bɛtɛli kilɛ la. Anu ya donu faga Kibiya kilɛ la.