Yasowa 7:7 - ALLALA KUMƐ

⁷ Yasowa ya a fɔ ko, “Mari, nfenna i ya Yorodan bɛ gbala ka na ma la nyamanɛ kɛ rɔ yan ma faga-koe la Amora mɔgɛnu bolo? Nfenna ma ma to Yorodan bɛ kɔma nun?”

Yasowa 7:7 ပူးပေါင်းရင်းမြစ်များ

2 Mansɛnu 3:10

Mansa Yɔram ko, “Matɛ ara ban! Mari ara male mansa sawɛ ladɛn ka ma don Mohabu mansɛ bolo bi, nyɛ?”

Yaburi 116:11

Hali n kumakɔnɛ tumɛ min, n ko, “N ti la mɔgɔ-wo-mɔgɔ la fɔ Alla kelen pe.”

Bɔ-Koe-Iyipiti 16:3

ka a fɔ anu ma ko, “Yanni ma ni kɛ nyɔgɔn sufa tɔrɔyɛ sɔrɔn yan, a fisa nun Mari ni ma faga Iyipiti nyamanɛ rɔ. Ma ye Iyipiti nyamanɛ rɔ tumɛ min, ma ye mɛya-fannu anubɛ dɔn-fannu dɔnna nun ka wasa. Kɔnɔ wo ara na ma la wulɛ kɛ rɔ alako wo ni a ma, nyama kɛ bɛɛsi ni faga kɔnkɛ bolo.”

Bɔ-Koe-Iyipiti 17:3

Kan-nagbalɛ ya a ma, anu ya gbunya-kuma-fɔɛ dabira Musa ma. Anu ko, “Nfenna i ya ma labɔ Iyipiti ka na male la yan, ba? A di i ye mabɛ mala denbayɛnu anubɛ mala kolo-fannu ni faga kan-nagbalɛ bolo yan, wa?”

Yilan-Yilan Koe 14:16

anu si a fɔ ko i wara ila mɔgɛ bɛɛ faga wulɛ rɔ bawo i ti ke tala anu na lanyiri-nyamanɛ rɔ.

Yilan-Yilan Koe 14:3

Nfen ya a to, Mari ye ma kunyɛ telenna nyamanɛ wo la? Ma si ban fagala kɛlɛ rɔ. Anu si mala musinu anubɛ mala dannu bi ma bolo. A fisa, ma ni sɛgi ma kɔma Iyipiti.”

Matiyu 17:17

Yisa ya a fɔ anu ye ko, “Wole fanan. Dɛnkɛninyɛ sa wo bolo, ado wo ma ko-latelennɛ lɔn. N ni to wo fɛ wati nyamintan tɔ tun? N ni n munyu wo kɔrɔ ha tumɛ nyamintan? Wo na dennɛ wo la n bara yan!”

Matiyu 17:20

Yisa ya anu yabi ko, “Wo mara le bawo wola dɛnkɛninyɛ ma kolo. Wo ni wo hɛnkili to kɛ ko! Ni dɛnkɛninyɛ ye wo bolo min kolo ka ke foni-kole rɔ, wo si ke a fɔla kɔnkɛ kɛ ma ko, ‘Bɔ yan ka ta pan!’ A si ta, ado wo si ke koe bɛɛ kɛla dɛnkɛninyɛ fɛ! [

Hiburunu 12:5

Alla ya a fɔ wole, ala dannu ye ko, “Nna dan, nde, Mari tenbi i latelennna, i ni i tole masɔ n na a kin na! N tenbi i makumala, i yisi kana tinya, ado nde, Mari ara min bɛɛ keni, n si wonu bɛɛ kolo. N bi min bɛɛ rabirala iko nna dannu, n bi wonu denu tɔrɔla.” Wo ara nyina makawandili-kumɛ wonu ko, wa?

Yasowa 7:6

Yasowa anubɛ Isirɛla mɔgɔ-banu ya anuna durukinu tafara yisi-tinyɛ bolo. Anu ya anu nyɛrɛ fɛrɛn dugu la Marila tɔn-kenkirɛ yakɔrɔ. Anu ya gbangban kɛ anu kunyɛ rɔ ka a yira ko anu bara nimisa. Anu telenta sani dugu ma gbɛn!

Yasowa 7:8

A ko tun, “E, Mari, n si nfen ma mɔgɛ kɛnu ye? Anu bara anu buri anu yogenu kɔrɔ.

1 Samuwɛli 4:3

Isirɛla kɛlɛ-den-toe minnu tora, wonu nara dagɛ rɔ tumɛ min, Isirɛla mɔgɔ-banu ya anu manyinika ko, “Nfenna Mari sɔnta ko Filisitinu ni ma nɔ bi? Min fisa, ma ta Marita tɔn-kenkirɛ bi Sailo ka na a la. Tumado ni wo ye ma fɛ, Mari si ma lakisi ma yogenu ma.”