Yasowa 7:26 - ALLALA KUMƐ

²⁶ Anu ya kuru-kundinu nadɛn Ekan bugurɛ kuma. Wo ye nyɔ ha bi. Woletɔ ha bi, anu bi folo-wɛ wo kelela ko Nanparan fole.

Yasowa 7:26 ပူးပေါင်းရင်းမြစ်များ

2 Samuwɛli 18:17

Anu ya Abasalɔm furi bi ka a lafili denka-filon-bɛ do rɔ gbɔngbɔn wo kɔrɔ. Anu ya kuri ladɛn a furi kuma denkɛ wo rɔ ka a yamatogon kuri la. Isirɛla mɔgɛ bɛɛsi sɛgira anu barɛnu tɔ.

2 Samuwɛli 21:14

Anu tara Mansa Sɔli anubɛ Yonatan kole wonu togon ale Sɔli fa Kisata kaburu-soe la Sila soe dafɛ Bɛnyamɛ nyamanɛ rɔ. Iko Mansa Dawuda ya a fɔ anu ye nya min, anu ban a mala wo nya, Alla ya anuna madiyali-kan lamɔɛn ka duwɛ lana anuna nyamanɛ rɔ tun.

2 Ko-Kɔrɔta-Karan 29:10

“N bara ban a latɛgɛla ko mabɛ Isirɛlata Mari Alla ni sarama-kan kiri ma nyɔgɔn tɛma alako a fondo-bɔnɛ kana to ma kuma tolon!

Ɛsira 10:14

Nba, ma si min ma, mala mɔgɔ-banu ni to Yerusalɛm yan tɔ, wonu ni to koe kɛ rabɛnna. Ni sibolo-gbɛrɛkɛ-musi ye min bolo, wonubɛ anuna mɔgɔ-banu anubɛ anuna kiti-tɛgɛlɛnu si ta kun lɔgɔ ma anu si na min ma. Wo ko sufa si a ma, Alla fonde ni kimɛ.”

Yaburi 85:4

E, ma kisilɛ Alla, i ni ma lasɛgi i ma tun! I fara i fonde bɔla ma kuma.

Bɔ-Koe-Iyipiti 32:12

Ni i ya wo ma, Iyipiti kɛnu si a fɔ ko i ya mɔgɛ kɛnu nabɔ nyɔ alako i ni anu ban dugu-kole kuma. I yandi, i fonde yɛlɛma ka kinikini anu ma. I ye nala ko-yogomɛ min mala anu na, i yandi, i kana wo ma anu na.

Aiseya 40:2

N ni Yerusalɛm kɛnu manugu-nɛgɛ. Anu bara tɔrɛ min kɛ, wo da ra ara kolo, ado anu hakɛ ma ara koto le gbɛ! Mari ko a bɛnta, tɔrɔya sufa min ni sigi anu ma, a ara ban wo sigila anu ma.

Aiseya 65:10

Wo kɔma, a ko Sarɔn lɛɛ si ma sagɛnu de-nyini tinɛ la. Ekan lɛɛ si ma ninkinu daga makɛ tinɛ la. Mɔgɛ minnu bi bilala ale Mari fɛ, ninki wonu si ma wonu halalɛ la.

Nimisa Koe 3:53

Anu ya n nafili denkɛ rɔ ka denkɛ wo dɛ latogon kuri la n ma.

Hoseya 2:15

N si ala ki-fannu nasɛgi a ma tun ka ala kɔndɔfili bɛɛ yɛlɛma a ye yigi la. A sɔndɔmɛ si sa ntɛ kuma buda iko fɔlɔ, a fonike wati min wo tumɛ a bɔ-san Iyipiti.

Hoseya 2:17

N si a ma, ala bɛsi Beyali wara-koe la ni nyina a la.

Yowɛli 2:13

Wo kana wola durukinu tafara yisi-tinya bolo tun kɔnɔ a ko wo ni tubi-yisi-bɛrɛbɛrɛ sɔrɔn. Wo ni wo ya-lamunun wota Mari Alla la bawo wo di a ye, ado a nyimayanɛ wo ye. A fonde ti bɔ yona, ado ala keninteyɛ kolo. A rabɛnnɛ wo makoto-koe la, wo tɔrɔ ko ma de!

Yowɛli 2:18

Wo wa ban tubila, Mari si a miri ala mɔgɛnuta nyamanɛ ma tun ka kinikini ala mɔgɛnu ma.

Yona 1:15

Anu kɛra Nɛbi Yona ma ka a lakɛ yi rɔ. A ma mɛ lefan, fɔnyɔ ratora.

Sakaraya 6:8

Wo kɔma, ale melika ya n takele, a ko, “Soee minnu tara Babilɔn wara la, wonu bara a ma, Mari fonde ma ara kimɛ.”

Yilan-Yilan Koe 25:8

ka bila kei anubɛ musi wonu fɛ bɔn la. A ya kei anubɛ musi sɔgɔ tanbɛ la ha tanbɛ bɔra anu mɔgɔ fila bɛɛ kɔma. Wo le ya a ma, tɔn sigira Isirɛla mɔgɛnuna tɔrɔyɛ la.

Tɔn-Fɔɛ-Fila-Nyɔgɛ 13:17

Wo kana mɔgɛ wonu bolo-fan ma wo halalɛ la, fɔ ka a dama mintan tɛrr! Wo si a ma, Mari fonde ni kimɛ. A ni kinikini Isirɛla mɔgɛ toenu ma. A si a ma, wo ni siyaya iko a ya lanyiri kiri wo benbanu ye nya min.

Tɔn-Fɔɛ-Fila-Nyɔgɛ 13:18

Alako tun, wo ni ata tɔnnu bira iko n ya a fɔ wo ye nya min kɛ la ka a sako kɛ.”

Yasowa 10:27

Tele-kolo-wulan, Yasowa ya a fɔ ko mɔgɛnu ni mansa lolɛ wonu furinu nayigi ka bɔ kɔlɔmanu na. A ko, “Wo ni ta anu na faran la, anu ya anu dogon kan tinɛ min fɔlɔn.” Anu ya kuru-wɛnu sa faran wo dɛ la anu gbɛ rɔ. Ha bi, kuru-wɛ wonu bi faran dɛ la nyɔ.

Yasowa 7:24

Ale Ekan wo, duruki wo, sɛnɛ wo, wodi-gbɛ wo, ala dannu wo, ala ninkinu wo, ala sofɛlɛnu wo, ala sagɛnu wo, ala fani-bon wo, anubɛ min bɛɛsi ye a bolo, Yasowa anubɛ Isirɛla mɔgɛ bɛɛ tara wo bɛɛ la Nanparan folo-wɛ la.

Yasowa 8:29

A ya Eyai mansɛ dun kɔlɔma la ha wurɛ la. Tele mayigira tumɛ min, Yasowa ya a fɔ mɔgɛnu ye ko, “Wo ni a layigi ka bɔ kɔlɔma la ka a furi sa tarɛ dɛ la. Wo ni kuru-kundinu nadɛn a kuma.” Anu ya a ma iko Yasowa ya a fɔ anu ye nya min. Ha bi, wo ye nyɔ.